اوصفولي ذا الطير وكم عمره اذا امكن

[Al shameri]

السلام عليكم ورحمة الله وبركاته
اوصفولي ذا الطير وكم عمره اذا امكن

http://www.megnas.com/vb/uploaded/1/P1040022.jpg

http://www.megnas.com/vb/uploaded/1/P1040025.jpg

اخوكم محمد الشمري

[{السبيعي}]

جير حر على ما اعتقد وعمره قرناس بكر

[اعقاب]

كفوفه تبين انه ماهو صغير
لكن ريشه كاني اشوف نجير فرخ
والصوره ليست كالواقع
والله اعلم

اما نوعه فهو
حر اصيل روسي

[نايف الخالدي]

اخوي الشمري الطير تقول كبير من منحره بس هذا على مااضن انه قرناس خلوي بكر كاني اشوف نجير فرخ ونشوف راي الشباب

[اعناد]

السلام عليكم ورحمة الله وبركاته


الله العالم انه ثنو خلوي ارقط منغولي وانتوا ادرى يربع

[مارشال]

لا ياعقاب كفوفه صفر من اكل البيض الله يسلمك ماهو من كبر السن
الله يهديك يابو س

[أبو رداد]

السلام عليكم ورحمة الله وبركاته

هلا يبو جاسم
الطير ياطويل العمر من الطيور الطيبه
ولو شايفه يوم كان فرخ كان خمنت ريشته مضبوط
وعمره قرناس فتي يعني لاهو بكر ولاهو هرم
اقدرعمره قرناس ثالث او رابع
وشكل الطير وحش اما صيد هذه الايام ..
او كان في شبك وانمسك قبل تصويره بقليل
والله اعلم

انا اقول ليش ماعاد تصلنا هذه الطيور
اثريك جالسلهن على الطريق
هههههههههه

[المري]

يالربع ترى الصورة ماطلعت لان الموقع مسكر ياليت واحد من الربع ينزل الصورة على مكشات..


في انتظاركم .

المري

[الدكتور00]

السلام عليكم ورحمة الله وبركاته...

مساكم الله بالخير يا الربع..............

أخوي محمد ...أنا أقول إن الطير قرناس بكر....

والأكيد إنه من حرار روسيا مثل ما قال اعقاب..

>>>تراني عليمي شوي فلا مواخذة<<<....



وهاك الصور يا بو معيض


http://www.mekshat.com/pix/upload/images9/mk3525_p1040022.jpg

http://www.mekshat.com/pix/upload/images9/mk3525_p1040025.jpg



وسلامتكم


أخوكم (( الـــدكــتــــــــــور ))،،،،،،،،،،،

[سرهيد1]

السلام عليكم يالربع

ماني أعلم من اللي سبقوني من الربع لكن ابيت اتلقف واخالفكم شوي في السن .......... وقبل ما يقول المري رايه في الطير هههههههههههه ابي احوسه شوي .

اقول الطير حر روسي (التاي) ارقط أشعل والنجير اللى قاضبه ماهوب نجير فرخ أتوقع سنه في السادس أو حراويها ويبدوا لي والله أعلم انك حالب هالمسيكينة حلب يابو جاسم هههههههههههههه شكلها استغلت في التفريخ استغلال قوي هههههههههه على كل حال ريشها حوسه من كثر ماقعدت بالعشش العمود منكسر طرفه ريش النحر منعكش .......

ولو بغيتني اتفلسف زود بقولك الله أعلم ان هالصورة كانت عقب مرض صاب مدهنة الطير

[المري]

السلام عليكم
الطير قرناس وحش العام ويوم صور هالصورة والطير مازال في المقيض وباقي معه الموس مارماه والطويلة توها طالعة

او حول الربع وعلى وشك قط موسه .. والطير توه ينفض ريشه نفض..

والطير روسي اصلى مايبقى كلااااام وروزه مايحتاج من الطيور الثقال..

وعن عمر الطير الله العالم الطير قرناس وبس الأكيد لاهوب بكر..

وسلااااامتكم..

اخوكم / المري

[عليه العلم]

السلام عليكم يسرني ان اشركم برايي ...المتواضع...
هذا الطير قرناس اخلوي سنه يزيد على الثلاث اسنين لبياض صدره وصفار خشمه وارجيله
ويجلب هذا النوع من هلفصيله من ايران وراهه
اخوكم

[ابو عايد]

السلام عليكم ورحمة الله وبركاته

أخي محمد الشمري


ماني أعلم من اللي سبقوني من الربع


والطير روسي اصلى مايبقى كلااااام :good:

عمر الطير الله العالم قرناس الثالث او الرابع

وتقبل تحياتي // العاشق الولهان

[Al shameri]

السلام عليكم ورحمة الله وبركاته
ومشكورين وماقصرتوا كل من شارك على حدا
ابو عايد لك جزيل الشكر اتعبتك معاي وكلامك صحيح وماقصرت

عليه العلم نعم ترى ذا الطير اذا هاجر لوحدهومحد صاده راح يهاجر عن طريق ايران مشكور على مرورك الكريم

اخوي المري ماقصرة وجزاك الله خير الطير ذا صور هذي الصوره في بعد ماصيد بشهر
اخوي سرهيد انت كلامك صحيح عن كل شي بس هو استغل بالتهجين بعدين لكن ليس قبل ما صور هو صيد جرناص وحش ابو اربع او خمس الله العالم
اخوي الدكتور00 مشكور على مرورك الكريم
اخوي ابو رداد كلامك كله صحيح هو كان في قفص كبير و بعدين صور لكن هو مطروح قبل شهر من التصوير
اخوي مارشال صفر رجله مدري من ايش لكن هذي صورته لما طرح
اخوي اعناد مشكور على مرورك الكريم
اخوي نايف الخالدي اقصرت وجزاك الله خير
اخوي اعقاب ماقصرت يالغالي
اخوي {السبيعي} مشكور على مرورك الكريم
اخواني كلكم صادق عند وجهت نضره
الطير ذا قصته قصه هو مطروح في شهر تسعه سنت 1999 في مكان حرج وصعب وممنوع 2 km من الحدود المنغوليه و 45 km من حدود الصين وانا في روسيا هذا المثلث الي كل القوانيص يحبه لكثرت طيوره فمن وين هو هل هو روسي او منغولي او صيني ????????????? هذا علمه عند الله .
المهم انا قنصت به وعجبني ولا بعته هو الحين عندي 6 سنوات بديت بتهجينه من 4 سنوات هذا الي قال عليه
الاخ سرهيد لكن هو غلطان بالتوقيت المهم اول سنه ما كان يتقبل اي ذكر والسنه الي وبعدها احد الصقارين اهداني ذكر وحش مجنون بس حلو صافي ممسوح العمد كاشف الراس المهم صقرناه ولمى جى وقت الربطه هديته معاها اول الوكت كانت ودها تاكله ههههههه لكن هو طلع مو سهل ومن اول موسم عطتني 5 بيضات ولله الحمد هذا الطير انتج من 4 سنوات 30 فرخ هذا طيوره (عياله) كلها نهدها للطبيعه وهي تهاجر لكم السنه الماضيه راسلوا الوزاره من المغرب و من مصر لان الطيور طرحت عن طريق علماء اجانب شافوا الحجول الي على رجيلها وراسلونا
هذا برنامج نحن المزارع في روسيا مفروض علينا ان نهد 30% من الانتاج للطبيعه للمساهمه في تعديل الوضع للصقر ونقاذه من الإنقراض
والسلام عليكم ورحمة الله وبركاته
اخوكم محمد الشمري

[نايف الخالدي]

مشكور اخوي الشمري على التوضيح الجميل للموضوع ومواضيعك كلها مهمه ومفيده والله لايهينك

[الرّماي]

اخوي الشمري ممكن نعرف انت من اي بلد يالغالي وسبب الاقامة في روسيا اذا ما فية احراج وقصة مزرعة التفريخ وبصراحة القانون عندكم ممتاااااز بالنسبة للصقور لان الطريقة هذي تضمن تكاثرها وعدم انقراضه ومشكور

[Al shameri]

السلام عليكم ورحمة الله وبركاته
اخوي الرّماي شكرا على مرورك الكريم والله انه ماكو اي احراج انا من الكويت واقامتي في روسيا هي لان درست في روسيا وعرفت لهم وبعدين المزرعه يبيلها اهتمام شخصي ولا عندي من اعتمد عليه اعتماد كلي اما المزرعه فهي المزرعه الخامسه القانونيه في روسيا والحمد لله وهذي السنه انشاءلله يعطونا المكان الرابع الله يعين
نايف الخالدي ماعليك زود يا الغالي وماقصرت
اخوكم محمد الشمري

[alwammy]

ما فيني اوصفه
المهم الصور وايد حلوة

[ثامر نايف]

الطير كرناس من رابع وفوق
والطير خلوي

[غـــشـــام]

جير حر على ما اعتقد وعمره قرناس بكر

[Al shameri]

السلام عليكم ورحمة الله وبركاته
اخوي غـــشـــام مشكور على مرورك الكريم لكن ذا بيور حر اصيل
اخوي ثامر نايف مشكور على مرورك الكريم
اخوي alwammy مشكور على مرورك الكريم
الطير ذا قصته قصه هو مطروح في شهر تسعه سنت 1999 في مكان حرج وصعب وممنوع 2 km من الحدود المنغوليه و 45 km من حدود الصين وانا في روسيا هذا المثلث الي كل القوانيص يحبه لكثرت طيوره فمن وين هو هل هو روسي او منغولي او صيني ????????????? هذا علمه عند الله .
المهم انا قنصت به وعجبني ولا بعته هو الحين عندي 6 سنوات بديت بتهجينه من 4 سنوات هذا الي قال عليه
الاخ سرهيد لكن هو غلطان بالتوقيت المهم اول سنه ما كان يتقبل اي ذكر والسنه الي وبعدها احد الصقارين اهداني ذكر وحش مجنون بس حلو صافي ممسوح العمد كاشف الراس المهم صقرناه ولمى جى وقت الربطه هديته معاها اول الوكت كانت ودها تاكله ههههههه لكن هو طلع مو سهل ومن اول موسم عطتني 5 بيضات ولله الحمد هذا الطير انتج من 4 سنوات 30 فرخ هذا طيوره (عياله) كلها نهدها للطبيعه وهي تهاجر لكم السنه الماضيه راسلوا الوزاره من المغرب و من مصر لان الطيور طرحت عن طريق علماء اجانب شافوا الحجول الي على رجيلها وراسلونا
هذا برنامج نحن المزارع في روسيا مفروض علينا ان نهد 30% من الانتاج للطبيعه للمساهمه في تعديل الوضع للصقر ونقاذه من الإنقراض
والسلام عليكم ورحمة الله وبركاته
اخوكم محمد الشمري

[راعي عاصوف]

سلام عليكم هذا طير جير وكري على ماعتقد وعنر سنتين انا متاكد من عمره لاكن نوعه يمكن والله اعلم وشكرااا

[راعي عاصوف]

وعمممره ***

[هوي الصيد]

الســـــــــــــــــــــــــــــــــــــــــــــــ ــــــــــــــــــــــــــــــــــــــــــلام
هذي الصقر اخوي مهجن يعني امه بومه وبوه حر او امه حره او ابوه بومه .

هذولي كلهم مايعرفون كل واحد منهم راس ماله اتسول ............................








اخوكم هاوي الصيد

[المتهلهل]

:no2: هذة فرخ حر ابيض يتراوح عمرة من خمس ال6 اسابيع لان الريش لم يقلش بعد عن مرحل البالغ:)
وهذا من نوع الااحرار النادرة والمتميزة المطية لاوامر مدربها والسريعة فى المسافات البعيدة ويتحمل
الشقاء والتعب غير الشاهين :good: