عاجل ياهل الند كروزر

[برقاوي 666]

مساء الخير على الجميع
ابي استفسار عن صوت في السياره قدام وووووووووووو
مادري الصوت من الكارونه والى من الرمان علماً ان السياره gxr تماتيك مديل 2007وجديده بسمي من الوكاله
ماشي الموتر 84000 كلم
ومادري طلع الصوت علي على سرعة 40 _45 كلم س
ويعطلع عند التهديه والسرعه العاليه ماسمع شي
ابي نصيحتكم يا خبراء
وين اودي الموتر انا ساكن في الرياض
وابي فني دفرنس جيت فلبيني وقال هذا صوت كارونه
ومدري خبرتكم الله لا يهينكم
العيد وصل ولا عندي غيره..........

[طير حوران]

يمكن صوت رمان العكس عزيزي فيه ورشة الثميري بصناعية الخليج بشرق الرياض فيهايماني فنان والله يوفقك

[برقاوي 666]

طير حوران

بيض الله وجهك ومشكور عزيزي وبكره انشاء الله ابي اروحله وعسى في الامر خيره

[ALBDRANE]

لا تتهاون فيه نصيحة والله يسهل عليك

[برقاوي 666]

البدران

مشكور اخوي

على اهتمامك والله يوفقك دنياء واخره

[ساري 111]

قبل تسوي شي وتفك وتربط وتدمر موترك ..

اعتقد الصوت من الكفرات فيها مسحيه

شف احد معه مثل موترك وبدل معه وجرب

او بدل الكفرات حرف (اكس) <<بعض الأحيان تنفع وبعض الأحيان لا

[برقاوي 666]

ساري 111


بارك الله فيك اخوي وابشرك الموتر طلع الي فيه فحمات امامي هي الي طلع صوت وتوي جاي من عند البازعي طاق له فحمات امامي وخلفي
الامامي ب 261 ريال
الخلفي ب 178 ريال
وبغيت اروح ضحيه ها الفلابيني يقول الصوت الي في الموتر يا رمان يا كارونه حسبي الله عليه
وبكره بركبها وابلغكم

واشكر جميع الاعضاء على المشاركه والله يعطيهم العافيه
ويتقبل الله منا ومنكم الصيام والقيام

[namsh]

مع انك لقيت المشكلة يابرقاوي . بس حبيت فيما لو رجع مثل مثل مثل هذا الصوت لا قدر الله يكون عادتاً من عمود الكردان وعلى فكرة في الجيوب عمودين وحصل لي مثل هذه المشكلة في جيبي ورحت لورشة مختصه في الرياض الصناعية القديمة اسمها ورشة وحيد لعمود الكردان وفكولي العمود الأمامي ومشيت بالسيارة مشوار وراح الصوت بعد كذا غيرت العمود الأمامي . حبيت أفيد الجميع .ولكم تحياتي .وترى فكرت ساري ممتازة (ورقم الورشة عندي)

[برق الوسيطاء]

اخوي برقاوي انشاء الله يصير حاجة بصيطه

لكن اذا ماطلع من الفحمات تقدر تفحص السيارة انت بدون فلبيني ولا غيرة

الكارونة اذا سمعة الصوت ارفع رجلك عن البانزين اذا راح الصوت اعرف ان المشكلة بالكارونة اذا ماراح الصوت دور غير الكارونة

اذا راح الصوت بالاختبار الاول وطلع من الكارونة مر على اطرف ميكانيكي وخله يفك عامود الصليب الي يدور الدفرنس الخلفي وعشق الدبل على الخفيف وامش على الموتر وشف الصوت موجود ولا لا

اذا الصوت موجود ارجع لنفس الميكانيكي وخله يركب العامود الخلفي ويفك العامود الامامي وامش وشف الصوت موجود ولالا

اذا الصوت موجود دور غير الكارونات الثنتين

اعتقد ان هذا اختبار سهل ولا يكلف 30 ريال حق فك العامود وتركيبة

[~EmPeRor~]

هلا فيك يالغالي

سيارتك دفع رباعي مستمر

ونسبة الدفع 70% امامي و 30% خلفي

(( بيكون فية استهلاك للكرونا الامامية اكثر ))

لاكن قبل كل شي

شحم عمود الكردنان الامامي + فك روس العكس وحط شحم على الرمنات

وبعدها امش على السيارة طبيعي وبعد مسافة 300-500 كيلو شوف الصوت باقي او لا

اذا راح الصوت الحمدالله

ماراح الصوت هذا الكرونا < ولاتفكر تغيرها الى ان ياقف الموتر

بالتوفيق

[برقاوي 666]

مع انك لقيت المشكلة يابرقاوي . بس حبيت فيما لو رجع مثل مثل مثل هذا الصوت لا قدر الله يكون عادتاً من عمود الكردان وعلى فكرة في الجيوب عمودين وحصل لي مثل هذه المشكلة في جيبي ورحت لورشة مختصه في الرياض الصناعية القديمة اسمها ورشة وحيد لعمود الكردان وفكولي العمود الأمامي ومشيت بالسيارة مشوار وراح الصوت بعد كذا غيرت العمود الأمامي . حبيت أفيد الجميع .ولكم تحياتي .وترى فكرت ساري ممتازة (ورقم الورشة عندي)



مشكور اخوي namsh غيرانا الفحمات الامامي والخلفي مع خرط الهوبات وتشييك على الرمان والمشكله لا تزال
وقالي المكنيكي السياره مافيهااا كارونه ولافيهاااا رمان

مشكلتك يمكن تكون في الكفرات غير الكفرات ونشاااء الله يروح الصوت
وفحص السياره والصوت زي الحكحكة قدام شي يطلع عند ماتكون السرعه 40 او 45
وذا هديت تسمه ها الصوت
والله مدري شكل ها الجيب جاه بلى
وبكره مغير الكفارات انشاااء الله بنشوف وشي يبي
بعد

[برقاوي 666]

اخوي برقاوي انشاء الله يصير حاجة بصيطه

لكن اذا ماطلع من الفحمات تقدر تفحص السيارة انت بدون فلبيني ولا غيرة

الكارونة اذا سمعة الصوت ارفع رجلك عن البانزين اذا راح الصوت اعرف ان المشكلة بالكارونة اذا ماراح الصوت دور غير الكارونة

اذا راح الصوت بالاختبار الاول وطلع من الكارونة مر على اطرف ميكانيكي وخله يفك عامود الصليب الي يدور الدفرنس الخلفي وعشق الدبل على الخفيف وامش على الموتر وشف الصوت موجود ولا لا

اذا الصوت موجود ارجع لنفس الميكانيكي وخله يركب العامود الخلفي ويفك العامود الامامي وامش وشف الصوت موجود ولالا

اذا الصوت موجود دور غير الكارونات الثنتين

اعتقد ان هذا اختبار سهل ولا يكلف 30 ريال حق فك العامود وتركيبة
مشكور اخوي شلال الرصف

معلومات جداً رائعه والظاهر اني ابسويهااا لكن خلني الشوف الكفرات

[برقاوي 666]

هلا فيك يالغالي

سيارتك دفع رباعي مستمر

ونسبة الدفع 70% امامي و 30% خلفي

(( بيكون فية استهلاك للكرونا الامامية اكثر ))

لاكن قبل كل شي

شحم عمود الكردنان الامامي + فك روس العكس وحط شحم على الرمنات

وبعدها امش على السيارة طبيعي وبعد مسافة 300-500 كيلو شوف الصوت باقي او لا

اذا راح الصوت الحمدالله

ماراح الصوت هذا الكرونا < ولاتفكر تغيرها الى ان ياقف الموتر

بالتوفيق
يعطيك العافيه اخوي
eng:abdullah

المشكله ماهي الكارونه حا الحين يمن الكفرات او من العمود

[عليك نور]

انا مع شلال الرضيف
كلامه 100/100

[محمدين عتريس]

سوف اقول لك امرين يا اخ العرب

اولا : ناخذ الموضوع على انه مثل ماتقول حول الكرونه ...هناك اختبار على ما اعتقد مجدي

وهو اذا انت تمشي حدود الاربعين وطلع الصوت رجع الموتر في الفاضي اذا راح الصوت فعلا من

الكرونه

اما اذا بقي فهو من غيرها

الامر الثاني : دامك تقول حكحكه قدام في الموتر فهذا يا اخ العرب الرمان اللي في البكره حق

المكيف

حصل معي قبل رمضان وصلحت ما كلف الا خمسون ريالا

والله يوفقك

ولاتنسى تقول لنا وش صار معك

[برقاوي 666]

انا مع شلال الرضيف
كلامه 100/100


يعطيك الف عافيه اخوي الغالي

وكلام اخوي شلال اكثر من رائع

[برقاوي 666]

سوف اقول لك امرين يا اخ العرب



اولا : ناخذ الموضوع على انه مثل ماتقول حول الكرونه ...هناك اختبار على ما اعتقد مجدي


وهو اذا انت تمشي حدود الاربعين وطلع الصوت رجع الموتر في الفاضي اذا راح الصوت فعلا من


الكرونه


اما اذا بقي فهو من غيرها


الامر الثاني : دامك تقول حكحكه قدام في الموتر فهذا يا اخ العرب الرمان اللي في البكره حق


المكيف


حصل معي قبل رمضان وصلحت ما كلف الا خمسون ريالا


والله يوفقك



ولاتنسى تقول لنا وش صار معك





يعطيك العافيه اخوي محمد


وبشركم يا اخواني ان الموتر طلع الي فيه من الكفرات

طقيتله اربع وماشاء الله

من يوم مشيت والصوت مختفي تمااامن

الله يعطيكم العافيه جميعان

ونصيحه لا تخلي احد يفحص سيارتك الى واحد فاااهم ولا تستعجل خل بااالك وسيع

بغيت احوس الموتر با العاده اني عجل بس هااالمره صدفة وصااار كل شي تمام

ورح عزيزي لكثر من مهندس لين يجمع الجميع على المشكله ولا تسمع من واحد
وتسوي الي يقولك

[ابوصالح77]

الحمد لله على السلامة
عتقت من هالفلبيني
نصيحة لا تستعجل بمثل هالأمور
بالتوفيق

[ساري 111]

يعني زي ماقلت لك المشكله من الكفرات

مبروك اخوي على انحلال المشكله بس ليتك ماخرطت الهوبات خصوصاً اذا الموتر مافيه رجه ولاشي

[يكفيني نظرة]

الحمدلله على السلامه ومبرووووووك على حل المعضله والله اني شايلن همك لكن الحمدلله اللي غيرت هالكفرات من دون مايسببن لك مشكلة انفجار او شي قد يضرك او يضر موترك..

[برقاوي 666]

الحمد لله على السلامة
عتقت من هالفلبيني
نصيحة لا تستعجل بمثل هالأمور
بالتوفيق


مشكور اخوي ابو صااالح والله يعطيك العافيه

وفي العجلة الندامة

[برقاوي 666]

يعني زي ماقلت لك المشكله من الكفرات

مبروك اخوي على انحلال المشكله بس ليتك ماخرطت الهوبات خصوصاً اذا الموتر مافيه رجه ولاشي

يعطيك العافيه اخوي ساااري

مكتوب لكن اخر شي كنت اتوقعه هو الكفرات والصوت طلع فجئه
بدون مقدمات لكن

الحمد لله انتهينى من مشكلته

[برقاوي 666]

الحمدلله على السلامه ومبرووووووك على حل المعضله والله اني شايلن همك لكن الحمدلله اللي غيرت هالكفرات من دون مايسببن لك مشكلة انفجار او شي قد يضرك او يضر موترك..


يكفيني نظره

الله يسلمك اخي العزيز

وعسى في الامر خيره وانا كنت شايل فكرة الكفارات والكن الحمدلله على كل حال وصارت المشكله ماهي كارونة