تماتيك المروحة وزيت القير

[يازين البر]

بسم الله الرحمن الرحيم


أولا أعتذر إن كان فيه موضوع بخصوص مشكلتي وأنا ما انتبهت له


المشكلة عندي ان تماتيك المروحة في موتري الباترول فتك 2002 قير تماتيك ضعف ولقيته عند الحمراني بـ 600 ريال !!


هل هناك حل غير الوكالة ؟ لأن الياباني رخيص بس ما يعيش !


الشي الثاني هل زيت القير يغير كل عدد معين من الكيلوات أو يزاد فقط ؟ وكيف طريقة عيار زيت القير كل ما مريت بنشري قال ماله عيار ؟ وش أفضل مكان لتغييره إذا كان يغير


لأني لاحظت الموتر بطيئ شوي في التبديل ومرتين سوى زي النتعه وهو يمشي كأنه فوت بس خفيفة مرة .. طولت الأسئلة عذرا ولكن سألت الكرام

وشكرا لكم مقدما

[يازين البر]

يا عرب وينكم ؟! مهيب الهقوة

[~EmPeRor~]

هلا فيك يالغالي

مالك الا الاصلي للتماتيك ولاكن متأكد ان التماتيك عطلان ..!! ترى اذا خرب وصلت الحرارة h

بالنسبة للقير يغير الزيت كل 40 الف كيلو تقريبا

بالنسبة للفضاوة < هذي مشكلة ولاكن احتمال نتعة وانت حسبتة فضى

حاول تغير الزيت + فلتر اصلي

وان شاءالله يزين

[يازين البر]

هلا فيك يالغالي

مالك الا الاصلي للتماتيك ولاكن متأكد ان التماتيك عطلان ..!! ترى اذا خرب وصلت الحرارة h

بالنسبة للقير يغير الزيت كل 40 الف كيلو تقريبا

بالنسبة للفضاوة < هذي مشكلة ولاكن احتمال نتعة وانت حسبتة فضى

حاول تغير الزيت + فلتر اصلي

وان شاءالله يزين

الله يعافيك أخوي على الرد ولكن قير الفتك التماتيك علة ماله فلتر يغير

وتماتيك المروحة ضعيف شوي وليس عطلان الحرارة ترتفع خفييييف مهيب ثابتة

[mgs71]

القير الاتوماتيك يكون له فلتر بس فيه بعض السيارات الفلتر يكون في داخل القير يتغير مع التوظيب لكن الزيت يتغير والعيار يكون بالليتر والله اعلم

[محسن اليامي]

أسأل مجرب لا تبدل التماتيك إلا أصلي أو التشليح بشرط يكون أصلي ونظيف

أما زيت القير كل 40 ألف يغييييييييير ولا يزاد وزيته خااااااص لحد يقولك زيت السياره الفلانيه والفلانيه نفس زيت الفتك أو يقولك بره أرخص وهذا موجود في دليل المالك ولايوجد فلتر ولايوجد به عيار من 2002 إلى 2009 وتبي نصيحتي لاتبدل زيت القير إلا بالوكااااااااااله

أما النتعه والله مامرت على إلا إذا كنت تقصد الطقه فهذه حلها تشحم الصلبان عند المغسله

أرجوا اني أفتدك وعذرنا على التقصير :)

[القناص 3626]

التمتيك اصلي وبس والله يعينك بس تاكد قبل تغيره انه المشكله منه
الزيت قبل سبع سنوات كانت الوكاله تزيده وتقول مايتغير اذا مافيه مشكله
عن تجربه سابقه فتك 2003 وكاله في وقته
اما الان من ثلاث سنوات ينصحون بتغييره كل ستين الف ولادري وش الي تغير
تجربه حاليه فتك 2005
العيار موجود عند الوكاله وفيه ورش عندها العيارفي الصناعيه القديمه
بس نصيحه زيت القير غيره في الوكاله وبس
الحكم على الزيت بشم رائحة الزيت محترق او لا
تكلفه في الوكاله من 500 وفيها تقريبا
واسف على الاطاله اخوك ابو فيصل

[يازين البر]

القير الاتوماتيك يكون له فلتر بس فيه بعض السيارات الفلتر يكون في داخل القير يتغير مع التوظيب لكن الزيت يتغير والعيار يكون بالليتر والله اعلم

بارك الله فيك أخوي بس كيف بالليتر ؟

[السليطين]

اخوي .. ان كان اديترك من الوكاله ماصخته . فانا انصحك تصخه قبل تغيير التماتيك ..
وهذي ارقام محلات خاصه بقطع نيسان .. احتمال تلقى عندهم ارخص .
لكن انصحك تصيخ قبل ..
014460634
وهذا ثاني
014466336
014464441
012345748
012272974

[هويدي]

600 ريال تركب فيها مراوح كهرب عند الدغيري او الخطيب افضلك

تفتك من حنه المروحه وشغل الدغيري عن تجربه احترافي ( كل الاسلاك بجرجور وفيوز وشغل مرتب)

اذا تبي رقمه راسلني على الخاص وابشر

ويعلم الله مالي مصلحه او هدف سواء دعوه بظهر الغيب

[يازين البر]

اخوي .. ان كان اديترك من الوكاله ماصخته . فانا انصحك تصخه قبل تغيير التماتيك ..
وهذي ارقام محلات خاصه بقطع نيسان .. احتمال تلقى عندهم ارخص .
لكن انصحك تصيخ قبل ..
014460634
وهذا ثاني
014466336
014464441
012345748
012272974

بيض الله وجهك وما قصرت الرديتر مركبه جديد من الوكالة له سنتين فقط

[يازين البر]

600 ريال تركب فيها مراوح كهرب عند الدغيري او الخطيب افضلك

تفتك من حنه المروحه وشغل الدغيري عن تجربه احترافي ( كل الاسلاك بجرجور وفيوز وشغل مرتب)

اذا تبي رقمه راسلني على الخاص وابشر

ويعلم الله مالي مصلحه او هدف سواء دعوه بظهر الغيب


الله يجزاك الجنة ويطول بعمرك على طاعته أرسل لي رقمه الله لا يهينكولك دعوة بظهر الغيب

[السليطين]

بيض الله وجهك وما قصرت الرديتر مركبه جديد من الوكالة له سنتين فقط


ترى سنتن كافية يتسدد فيها الاديتر ... وانا مجرب ...

[مركز حراره]

متى موترك يحتمي وهو واقف او يمشي ووين تاصل

[يازين البر]

تم تغيير زيت القير عند ورشة الشنيفي بصناعية الدائري قبل شهر ونص


طبعا الزيت هو يجيبه من الوكالة والحمد لله الأمور تماااام والوقت ما استغرق شي والسعر طبعا أرخص


أما الوكالة قالوا وقفه عندنا يومين (((زحمة))) والسعر أغلى !!

[يازين البر]

متى موترك يحتمي وهو واقف او يمشي ووين تاصل


الحرارة نسبية ما أدري يمكن طبيعية بالفتك

أنا ألاحظ انها ما تثبت على الربع مرة تحته بشعره مرة عليه مرة فوقه بشعرة !