تسجيل الدخول

مشاهدة النسخة كاملة : يا طيري اللي مات وقت الهدادي ....


ABN-DSHIN
22/08/2010, 03:36 AM
السلام عليكم ورحمه الله وبركاته ...

تحيه طيبه للجميع ...

كما وعدناكم بكل جديد ولطيله شهر رمضان الكريم ...

بأذن الله كل يوم سالفه وقصيدتها ....

ونبدأ على بركه الله وعسى الله يجملنا قدامكم بما يحب يرضى ...

هذا قصه الصقار (محمد بن دشن الهاجري) ...

كان عنده طير طارحه فرخ وحش (أشقر) وطيحه والطير صاد وفرط بالصيد ...

المراد جا المقيض وذاك الوقت مافيه مكيفات متوفره (أغلب الصقاقير مقيض من غير مكيف)

ومن وجهه نظري انها احسن شي للطير ..

المهم جاء وقت سهيل وضرب سهيل وسهيل يشاهد بسماء الساحل بمنتصف شهر 9 ...

ونقل الصقار طيره (بكر) مقرنس صاف اخر 8 تقول حمامه دحل وتقول مهوب فرخ تقول (ثنوو)

المراد شافته العيون وطار ابرقعه ووقع على الدافور اللي مزين عليه القهوه قبل ثواني..

واحترق عصب رجله وانعطبت رجليه... ومات الطير ..

فهاضت قريحه شاعرنا (محمد بن دشن الهاجري)



يا طيري اللي مات وقت الهدادي ... وآنا اتحرى طلعه سهيل وارجيه

ليته على برقا الجناحين غادي ... ولا على ذربين الافعال مهديه

أشقر يفز أله النظر والفؤادي ... وكل الوصوف الطيبه تلقى فيه

لا شفت اثرها دايسه كل وادي ... وان حلحل الصقار بانت حباره

أن خيشت فحسب عليها وكادي ... وان عزمت يلحق وهذي تمانيه

يازيد طلاعه بالأرض الحمادي ... لاشافها ماعاد يرجع لداعيه

أيام ويذعذع هبوب البرادي ... والسوق بطل والمناعير تاتيه

ابنصح اللي يشتري بالركادي ... لا ياخذ اللي بالقنص يبتلش فيه

لا ياخذ الى مدرجات الثنادي ... اللي يجي شبر ٍ وزود ٍ ثناديه

فرخ ٍ حمر من دون تعلوم صادي ... مافيه دقات ٍ طوال ٍ مواميه

ركزت عنده جهدتي وأجتهادي ... وحلفت ما يطلع مع شخص شاريه

مهوب وكري ٍ عشاه الجرادي ... أمن العشاء سو ٍ على كف راعيه

وسلامتكم جميع ...

وترقبوا كل جديد من دفتر قديم :)
ابوسعد 3
22/08/2010, 03:42 AM
صح لسان الشاعر
يعطيك العافيه على النقل ,,
ابوناصر السهلي
22/08/2010, 03:47 AM
صح السااانك
جلاد الحباري
22/08/2010, 03:57 AM
صح لسان الشاعر والله ان فرقا الطير ماهو بالهين
ABN-DSHIN
22/08/2010, 04:01 AM
صح بدن الجميع .....

والطير له لوعه وانا أخوك ...

بالتوفيق للجميع .................................
الحركساب
22/08/2010, 04:03 AM
صح بدنك والله يعوضه بابرك من ان شاء الله
هواي داورد
22/08/2010, 04:07 AM
القصيدة جميلة جدا

لاكن

لو قدر اللي ينقلون الوكري لكانت افضل !
ABN-DSHIN
22/08/2010, 04:12 AM
القصيدة جميلة جدا

لاكن

لو قدر اللي ينقلون الوكري لكانت افضل !


هههههههههههههههههههههاي أنك والله صادق (مادريت عنها)

وبالنسبه للوكري فكانوا من اول يقنصون بالوكري ويقرنون 3 ريشات (عشان الطير ما يغدي)

فمو قصده الشاعر اهل الوكارى (قصده ان الحر اطيب من الوكري ولا يختلف عليها 2)
ابوفهيدالسهلي
22/08/2010, 04:53 AM
الله يعطيك العافيه وصح السان الشاعر
خلف الفار
22/08/2010, 05:06 AM
صح السانك
والطير له لوعه
العد القراح
22/08/2010, 05:09 AM
بيض الله وجهك ولاهنت وبن دشن شاعر ومووفق خير
أخو عيد
22/08/2010, 05:13 AM
صح الله لسان ابو فالح والله لا يهينك علي نقل القصيده
وابن دشن شاعر معروووف
شنقاري
22/08/2010, 05:27 AM
صح لسان الشاعر

والله يعوضه باللي اطيب منه
ABN-DSHIN
22/08/2010, 05:46 AM
صح بدن الجميع وشكرا على مروركم ....
skeet
22/08/2010, 07:21 AM
وان حلحل الصقار بانت حباريه اسمحلي اخوي على التصحيح
ABN-DSHIN
22/08/2010, 07:42 AM
وان حلحل الصقار بانت حباريه اسمحلي اخوي على التصحيح



الخطا وارد بس مطبعي وتشكر
قنيص غير
22/08/2010, 08:12 AM
صح لسان الشاعر و الله يعطيك العافيه
النااايف
22/08/2010, 08:45 AM
يعطيك العافيه
وصح لسانك
wwmfs
22/08/2010, 05:07 PM
صح لسان الشاعر والله ان فرقا الطير ماهو بالهين
والله يعوضه باللي اطيب منه
قرناس شماالي
22/08/2010, 05:47 PM
صح السان الشاعر
والله يعوضه بالي اطيب منه
تقبل تحياتي \ صيادسكاكا
الصبيحي22
22/08/2010, 07:06 PM
نسال الله ان يعوضك خير وتسلم علي القصيدا
ABN-DSHIN
22/08/2010, 07:07 PM
صح بدن الجميع

وشكرا على مروركم بالموضوع وأبدا رأيكم فيه
طراش
22/08/2010, 07:41 PM
صح لسانك
ومشكوووووووووووووووور
راعي طلاع
23/08/2010, 06:39 AM
العين حق والله يعوضه باطيب منه