ربع باترول اللي عنده خبره ادخل واكتب

[قلب الدين]

السلام عليكم


يا شباب الله لا يهينكم مشكورين اللي في بالك اكتبه


انا معي ربع باترول 2009


وابغى نصايحكم واذا تخبرون محلات متخصصة بالرياض


1-تغيير المرتبة بدل مهي متقابله ابيها عرض.


2- كفرات وجنوط.


3-توانكي الماء والبنزين.


4-اللي عندك اكتبه نورونا الله ينور قبوركم ,,,,تحياتي

[شطب]

عليكم السلام ورحمة الله وبركاته

اول شي مبارك عليك مابقى من الشهر والله يعيده عليك

وثاني شي مبروك الموتر والله يطعمك من خيره ويكفيك شره


ندخل فالموضوع



1-تغيير المرتبة بدل مهي متقابله ابيها عرض.


هذي والله ماعندي علم يفيدونك أهل الخبره بهالمجال .





2- كفرات وجنوط.



من واقع تجربه أنا أرشح جنوط الهلل وكفرات هانكوك نقشة الشاهين .



3-توانكي الماء والبنزين.

البنزين مافهمت هل تبي اضافي ولا بتبدل تانكي البلد ..؟

اما الماء عليك بتانكي الالمنيوم حق السنيدي رخيص وعملي ومعه تلبيسته والـ 90 لتر مايتعدا الـ 600 ريال .


هذا اللي عندي

وعسى الله يوفقك دنيا وآخره .

تقبل مروري ...

[قلب الدين]

بيّض الله وجهك ولا قصرت

اما تانكي البنزين محتار يا ازود يا اغير؟؟؟؟؟؟؟؟

[قلب الدين]

لا زال البحث جاري عن مراتب

[ابوعابد1]

اخوي بالنسبة للطلبات الي قلت من واقع تجربتي ولا يهون اخوي القدير (شطب) بالنسبة للموتر على طول من دون اي مشورة مساعدات فكسار خلف وحوض موديل 2000قدام مع تركيب كعكات 3ونص خلف و2سانتي متر قدام
اما تانكي الماء( فأفضل تانكي للماء حق الزامل لانة معي موتر نفس الموتر الي معك اما حق السنيدي ياخد محل يايكون كلف المرتبة ولا محل الرجلين ولاركبتة خلف المرتبة وش بقى للعزبة

والاهم من كل هالامور (( مراوح سوبارو يركبهن لك بدر التويجري ويكونن 3 لاني ركبتهن بالرياض عندك وراتفعت الحرارة ويوم جيت لمة سوا تعدديلات والحمد للة لي سنة تب التب مهنا مل ماطبيتة والحرارة ماشاء الله)

[تناساني]

1-تغيير المرتبة بدل مهي متقابله ابيها عرض.

اشترها من التشليح تقريباً بـ 1500 سعرها
بالوكالة سعرها بـ 5.000 و يطلبونها لك
وما تحتاج ترهيم لأن موترك يكون فيه مكان لها بس ركبها بدون اي تعديل.




2- كفرات وجنوط.

هذا شي راجع لك وحسب استخدامك اذا ب المدينة أو البر
بس انصحك تخليه على كفرات وجنوط بلاده.






3-توانكي الماء والبنزين.

بالنسبة لتانكي البنزين ركب تانكي بنزين استرالي
ياخذ 120 لتر بما يعادل 85 ريال بنزين أحمر.
ويريحك من كل شوي وانت في محطة البنزين خاصة في البر له فائدة كبيرة






4-اللي عندك اكتبه نورونا الله ينور قبوركم

اتمنى من الله ان يعطيك خيره ويكفيك شره
الباترول سياره خفيفة نفس و مريحة
وفي البر تطلع وانت واثق انك ماراح تعاني مع الرمل والطعوس


:f