تخبيط القير بعد تغيير الزيت

[قرعة نجد]

بسم الله الرحمن الرحيم
السلام عليكم ورحمة الله وبركآته
ندخل بالموضوع على طوول ..
معي فورتشنر2009 ماشي فوق الـ100,000 بشوي قير تماتيك
المهم سمعت انه لازم يتغير زيت القير على 80,000 و الموتر الحين ماشي 100
رحنا بنغيره بالوكآله قالو توقع على انهم غير مسؤلين اذا جا القير شي
ورحنا للعضيب ونفس الشي قال توقع ويقول كثير غيرو الزيت و خبطت قيورهم :eek:
ليش ؟؟
لأن الزيت القديم ثقل و تأقلم عليه القير
و الجديد خفيف و القير صار متعود على الثقيل فـ يخرب الكلتشات و مادري وش بعد
اوالله البلشه وش السوات :(
فيه كم اقتراح جان
الاول : :good2:
تغيره على شوي شوي يعني اسحب شوي من الزيت واحط جديد و اجلس كم يوم بعدين اسوي نفس الطريقه الين يصير الزيت كله جديد بعدين اغير الفلتر و وجه الكارتير
و الثاني : :looney:
يقول لا تغيره ولا تقربه وحجته يقول اعرف لاند تماتيك ما لمسه وهو ماشي 560,000
==================
انا في حيرة من امري
الله يرضى عليكم وش السوات ؟؟
وفيه ثالث بس ماش يقول اتركه الين يخبط همن وضبه :D

والله يكفيكم الشر قولوا آمين

[علاوي المكاوي]

أنا لو أشتري سيارة تماتيك مستحيل أغير زيت القير لأنه تغيير الزيت أشوفه كلام فاضي ((وجهة نظر))

وأنا والله أعرف واحد معاه كامري تماتيك 2002 ماعمره غير الزيت وماشيه معاه زي الحلاوة.

إسمع وأنا أخوك خلي الزيت بمكانه مادام ماإشتكالك لاتتحرش فيه ترى بعض القيور (( حرك تنشب )).

وسلامتك.

[سطام vip]

رحنا بنغيره بالوكآله قالو توقع على انهم غير مسؤلين اذا جا القير شي

اقول دام الوكاله خايفه احرص وانا اخوك تغيره شكلهم صايره لهم مشاكل كثيره

وصراحه في نفس الوقت موضوعك يرفع الضغط

طيب الواحد بيحافظ على سيارته وش الحل؟؟؟

الماركيز معي غيرت زيته مره وحده من اخذته من خمس سنوات

والحمد لله ماشي زين ما فيه مشاكل بس مدري عن الفوتشنر

الله يكتب لك الي فيه الخير ويسهل امرك

وذيابه مكشات بيعطونك الخبر اليقين

دمت بخير

[عبدالإله9933]

السلام عليكم انا اقولك غيرة وإنشاء الله ماراح يسير إلا الخير بس لو انت خايف حاول تسحب من ازيت شوي وزيدة وبعد فترة اسبوع غيرة وبصاحة سيارة الوالد تماتك واغيرة كل 50 الفولا كنها إلا الطرابة واحد من الربع عندة اكورد ومعروف الاكورد من اقوى القيور من شرى سيارته ما غير زيت إلى ان مشت 180 الف وخرب قيرة وقالوله لانك ماتغير زيت القير

[ولد وايل..]

السلام عليكم...

اخوي الموتر جديد...

والفرق بين 80 و100 الف بسيط وترى الدعوة توافيق...

شف يا أخوي إذا إستخدامك على الموتر حنين بالغالب الزيت ما بدأ يدمر الا عقب...

أنا أخبر كنت مع حدا العيال وكان معه باثفاندر وكان ما غيرزيت القير وممشاه فوق 150 الف

المهم تردد وغيره والحمد لله ما صار له شي...مع إن الورش ما غيروه يقولون يخبط !

عزيزي أنصحك تغيره بالتدريج...

يعني علبتين علبتين...

وبإذان الله يطلع الرايش من المخ وينظف....


بارك الله فيك

[قرعة نجد]

اخوي علاوي :
الله يجزاك خير بس والله اني متحير
اخوي سطام :
والله مادري وش اسوي لاكن الله يعيييييين
اخوي عبد الاله :
انا بعد سيارتي الاوله كامري 2003 سته سلندر ما غيرت زيت القير الا فوق ال180 و ماجاه شي بس الفورتشنر يقولون اكتروني القير و لازم تحافظ عليه (للمعلوميه لايوجد عيار للزيت)
اخوي ولد وايل :
لاوالله استخدامي مب حنين :p
الا اكرفه كرف السنين
مطاعس ونفد بكل وقت شتا والا صيف
وسفر تقريبا كل اسبوعين 600 كيلو
والله يكتب اللي فيه الخير
وننتظر البقيه ...;)

[قرعة نجد]

للرفع رفع الله قدركم

[صحن قلابة]

الزيت الجديد أثقل من الزيت القديم:
الزيت الجديد يحتوي على مادة لزجة هدفها تبريد القير ومنع الاحتكاك وهذه المادة تنعدم مع مرور الوقت
اكبر دليل إذهب إلى ورشة عندها زيت قير او زيت مكينة مستعمل وقارن أيهما أثقل الجديد أو القديم

[asdali]

توكل على الله وغير الزيت بس خذه اصلي من الوكالة والسعة حسب الكتالوج

انا غيرت زيت الجير الاوتو فوق الـ100 الف وبعدها كل 70 او 80 الف والحمدلله كل شي عال العال وهي الان ماشية فوق 350 الف

موفق

[النتاوي]

حيرة والله ..

على العموم أنا الان بروح أغير زيت القير ..

وأنا ما أعترف بالمسافات ..

بس أغيره كل رمضان ..

طبعا (قراند ماركيز)

[Abu Saad]

انظر الى كاتلوج السيارة واسمع كلام من صنعها راح يوضح لك متى تغيره وكم رقم الزيت المناسب.
وكانه خبط عقبها فماراح تلحقك اي حسوفه ويعتبر خلل مصنعي ، لانك ابريت ذمتك وسويت الشي الصح مثل ماهو بالكاتلوج.

[~EmPeRor~]

اخوي صاحب الموضوع

انا مهندس ميكانيكا محركات

والحمدالله عندي خبرة كااافية وكاملة بفضل الله بامور الميكانيكا

بالنسبة لقير سيارتك

غير الزيت والفلتر واتكل على ربك

ومراح يجية اي شي باذن الله

ولاكن غير الزيت معا الفلتر

والزيت للتماتيك يغير كل 40 الف كيلومتر

على كل حال هذا كلام شراكات < ولا ابي اتطرق للموضوع هذا لاني عملت فيها سابقا

اتمنا لك التوفيق

[قرعة نجد]

الزيت الجديد أثقل من الزيت القديم:
الزيت الجديد يحتوي على مادة لزجة هدفها تبريد القير ومنع الاحتكاك وهذه المادة تنعدم مع مرور الوقت
اكبر دليل إذهب إلى ورشة عندها زيت قير او زيت مكينة مستعمل وقارن أيهما أثقل الجديد أو القديم

والله يا اخوي ما دري ايهم اثقل بس كثير من الورشات يقولون بيخبط


حيرة والله ..

على العموم أنا الان بروح أغير زيت القير ..

وأنا ما أعترف بالمسافات ..

بس أغيره كل رمضان ..

طبعا (قراند ماركيز)

الله يديم عليك الصحة و العافية
والله ييسر امرك ان شاء الله


انظر الى كاتلوج السيارة واسمع كلام من صنعها راح يوضح لك متى تغيره وكم رقم الزيت المناسب.
وكانه خبط عقبها فماراح تلحقك اي حسوفه ويعتبر خلل مصنعي ، لانك ابريت ذمتك وسويت الشي الصح مثل ماهو بالكاتلوج.

والله الكتلوج يوم قريته قالي اذا كنت تجور على الموتر غيره كل 40,000 و اذا لا على خفيف كل 80,000 و انا اجور عليه و الحين ماشي فوق الميه


اخوي صاحب الموضوع

انا مهندس ميكانيكا محركات

والحمدالله عندي خبرة كااافية وكاملة بفضل الله بامور الميكانيكا

بالنسبة لقير سيارتك

غير الزيت والفلتر واتكل على ربك

ومراح يجية اي شي باذن الله

ولاكن غير الزيت معا الفلتر

والزيت للتماتيك يغير كل 40 الف كيلومتر

على كل حال هذا كلام شراكات < ولا ابي اتطرق للموضوع هذا لاني عملت فيها سابقا

اتمنا لك التوفيق

الله يجزاك الف خير
طيب وش رايك الحين ؟؟
بما انك عندك الخبره الكافية اغيره عند مين وش تنصحنا بأي ورشة ؟؟ غير الوكاله طبعا
لأن الوكاله يغيرونه بـ800 ريال!:mad:

[mgs71]

واحد من الشباب عنده امريكي ماغير الزيت من يوم ما وظب ويقول انه توظب قبل 8سنين وما غير الزيت والقير ماشي تمام معاه على كلامه بس قبل مده اشتكى في التاخير مابين التغيرات وكان متردد يغير لانه برضوه قالو له احتمال يخبط وراح غير الزيت مع فلتر اصلي والقير ماخبط بس صار افضل حاجه بسيطه والمشكله خفت شيء بسيط والله انصحك تغير زيت قير اصلي مع فلتر اصلي والله اعلم

[العابر2222]

أخوي ... غير وتوكل على الله لأن الزيت لو طول بتتأكل الكلتشات عليك (اهم شي غيرة في الوكالة فقط غير الوكالة انحش)

الوالد الله يحفظه معه لاند 2007 مطلعه على يده .... قبل رمضان رحتبه للوكاله ماشي فوق 155 الف قلت بغير زيت القير قالو وقع واحنا غير مسؤلين ... المهم والقى مهندس سعودي قال غير وتوكل على الله وبعد التغير امش عليه بسرعه 60 وتحت لمدة يومين ثلاثه ... يعني لا تجلدة على طول يعني زي التمرين

والحمد لله ماشي الحين زي الحلاوة ... بر +ديرة + خطوط

[shvm]

ان معي لاند 2006 في اكس ر ماشي 260 الف اغيره او لا شارية مستعمل وش راكم

[ابويزيد1]

صبحك الله بالخير اخوي قرعه نجد والربع الى معك
اخوي غير زيت القير ولا تخاف وحط زيت دكسيرون 3 افضل الانواع لدينا
اخوي معي باثفيندر 99 وغيره كل 40 الف ومعي سفاري 98 وغيره كل 40 الف والان معي FJ 2008 ومغيرة عند العضيب طريق الملك عبدالعزيز مع الفلتر من 6 شهور ولا شفنا وسمعن عن ورقة التوقيع هذه عندهم ولا تنس غير الفلتر والوجة اضمن لك وفالك طيب وخلك من كلام الي مايعرف للتماتيك ومثل ماقل احد الاخوان عندك كتالوج السيارة وينصح بتغيير الزيت كل 30000 الف :good2: ولعلمك لــ FJ ماله عيار مثل الفورنتشر والبرادو الجديد

[العاذر]

فعلا شي غريب ويخلي الواحد يعجز يتكلم معقوله هذا الكلام والله عشنا وشفنا

اقول ونا اخوك اشتر عادي عطية الله وريح راسك
يطربك في البر وماتخاف عليه

[قرعة نجد]

واحد من الشباب عنده امريكي ماغير الزيت من يوم ما وظب ويقول انه توظب قبل 8سنين وما غير الزيت والقير ماشي تمام معاه على كلامه بس قبل مده اشتكى في التاخير مابين التغيرات وكان متردد يغير لانه برضوه قالو له احتمال يخبط وراح غير الزيت مع فلتر اصلي والقير ماخبط بس صار افضل حاجه بسيطه والمشكله خفت شيء بسيط والله انصحك تغير زيت قير اصلي مع فلتر اصلي والله اعلم

الله يجزاك الف خير
والله يوفق


أخوي ... غير وتوكل على الله لأن الزيت لو طول بتتأكل الكلتشات عليك (اهم شي غيرة في الوكالة فقط غير الوكالة انحش)

الوالد الله يحفظه معه لاند 2007 مطلعه على يده .... قبل رمضان رحتبه للوكاله ماشي فوق 155 الف قلت بغير زيت القير قالو وقع واحنا غير مسؤلين ... المهم والقى مهندس سعودي قال غير وتوكل على الله وبعد التغير امش عليه بسرعه 60 وتحت لمدة يومين ثلاثه ... يعني لا تجلدة على طول يعني زي التمرين

والحمد لله ماشي الحين زي الحلاوة ... بر +ديرة + خطوط

الله يجزاك خير على المعلومه
لاكن اي وكاله رحت انت ؟؟


ان معي لاند 2006 في اكس ر ماشي 260 الف اغيره او لا شارية مستعمل وش راكم

بيفيدوننا الشباب ان شاء الله


صبحك الله بالخير اخوي قرعه نجد والربع الى معك
اخوي غير زيت القير ولا تخاف وحط زيت دكسيرون 3 افضل الانواع لدينا
اخوي معي باثفيندر 99 وغيره كل 40 الف ومعي سفاري 98 وغيره كل 40 الف والان معي fj 2008 ومغيرة عند العضيب طريق الملك عبدالعزيز مع الفلتر من 6 شهور ولا شفنا وسمعن عن ورقة التوقيع هذه عندهم ولا تنس غير الفلتر والوجة اضمن لك وفالك طيب وخلك من كلام الي مايعرف للتماتيك ومثل ماقل احد الاخوان عندك كتالوج السيارة وينصح بتغيير الزيت كل 30000 الف :good2: ولعلمك لــ fj ماله عيار مثل الفورنتشر والبرادو الجديد

والله يخوي انا ما دريت عن هالشي الا بعدين
و الحين الموتر ماشي 100الف
والعضيب يقولون لازم توقع اخلاء مسؤلية


فعلا شي غريب ويخلي الواحد يعجز يتكلم معقوله هذا الكلام والله عشنا وشفنا

اقول ونا اخوك اشتر عادي عطية الله وريح راسك
يطربك في البر وماتخاف عليه

والله يخوك ان العادي دوا
لاكن الشكوا لله
هذا النصيب
:(

[Hwer]

غيرته لجمس وماشي 190 الف وغيرته لفورد فكتوريا ماشي 170 الف ومعروف عن قيور الامريكي حساسه والحمدلله كلها تمام
اهم شي الزيت الاصلي

[العابر2222]

أخوي رحت للوكالة الي على خريص الجديدة الي في النسيم ... قبل شارع النخيل

وانت مع خريص متجة شرق تعد المعارض وادخل للخدمة بعد النفق بتجيك على يدك اليمين