يالي يعرفون اسعار البل ممكن جواب ؟

[تمياط]

بسم لله الرحمن الرحيم

السلام عليكم ورحمة الله وبركاته ..

اخواني فيه ناقه ملحاء عمرها عشره وهاديه وطيبه مع ولدها اوضح عمره 5 شهور

الناقه ضعيفه شوي وحليبها زين كم تعطون سعرها مع ولدها ؟

وشكرا فمان الكريم اخوكم ابوسعد هاوي البل والصقور:d

[راعي نوق]

حياك الله يابو سعد

تحديد سعر أي سلعة بدون رؤئتها صعب فياليت تعرض صورة الناقة حتى يتسنى للأخوة تقدير سعرها

والسلام ختام

[تمياط]

جزاك الله خير اخوي وماقصرت

[محمدالزبيدي]

اخي سعر البل هاليومين طايح وهالأيام فرص للشراء

قبل شهر ونصف ناقة بولدها انباعت قدامي بـ 4800 ريال في الحراج وقس على ذلك

اما الصنف والمزاين مالي فيها خبرة

[العاذر]

لاتشري من شريطيه لان بعضهم مايخافون الله يقول مسيومه الناقه بكذا وهو يكذب

والطيب مايباع خذها قاعده الا نادر

[Hch]

العشرا اللي ولدها اكثر من عشره شهور خمس شهور خلفه اذا الناقه ضعيف فيها مشكله حتمال تعبانه يمكن ولدها ضيار عليها واحتمالات كثيره انت قيم سعر الابل ورح للسوق وشف وقارن بينها ...

الاخ اللي يقول ناقه بولدها مبيوعه 4800 وينها عطني ميت ناقه بسعر هذا وانا اشتريها لو ماتحتها ولد ولاهي مزاين نهائي حدث العاقل بمايعقل الحاشي القصب 4000 اللحين يعني امه بثمان ميه والله خياليه ...

عموما اذا في صور يمكن نقدر نخدمك اكثر

[محمدالزبيدي]

العشرا اللي ولدها اكثر من عشره شهور خمس شهور خلفه اذا الناقه ضعيف فيها مشكله حتمال تعبانه يمكن ولدها ضيار عليها واحتمالات كثيره انت قيم سعر الابل ورح للسوق وشف وقارن بينها ...

الاخ اللي يقول ناقه بولدها مبيوعه 4800 وينها عطني ميت ناقه بسعر هذا وانا اشتريها لو ماتحتها ولد ولاهي مزاين نهائي حدث العاقل بمايعقل الحاشي القصب 4000 اللحين يعني امه بثمان ميه والله خياليه ...

عموما اذا في صور يمكن نقدر نخدمك اكثر

أخي بارك الله فيك نحن في شهر الخير والبركة
هذا حصل في سوق البل في قهوة الجبل شرق جدة قدام عيني واللي خلقني وخلقك

وإذا انت جاد ولم فلوسك وكلمني على الخاص وايشر بسعدك وأشتريلك ميتين ناقة مهو مية .

[مخاييل صيف]

اخوي الزبيدي الله لا يهينك بغيت استفسار بسيط
الابل هذي ام 4800 وش الونها وين مقع السوق هذا بالظبط

[بازار شريف]

اخي ان كانك راعي ابل فانت ابخس بسعرها
وان كانك تبي تشتري لاول مره اكيد تعرف ناس فاهمين بالبل خذهم والله يكتب اللي فيه خير
ملاحظه /عن نفسي الناقه اللي تشوقني مريضه والا صاحيه اشتريها ولا افكر ولا اشاور

[محمدالزبيدي]

اخوي الزبيدي الله لا يهينك بغيت استفسار بسيط
الابل هذي ام 4800 وش الونها وين مقع السوق هذا بالظبط
الناقة لونها قمرا ترجع للحمر السواحل

والسوق وضحته

بين جدة ومكة سوق قهوة الجبل

شفيكم مستغربين

أنا مشتري اربع من 6000 الاف معها قعودين وثنتين لقح

وشايفها غليت علي

[salem63200]

اذكرو الله انا مبيوعه قدامي ثنتين مجاهم اطيبها مبيوعه ب 5600 والثانيه ب 5200 وعيالها ماعاد تمشي من الشحم والبل صح ضعاف بسبب الرضاعه عينو خير

[محمدالزبيدي]

اذكرو الله انا مبيوعه قدامي ثنتين مجاهم اطيبها مبيوعه ب 5600 والثانيه ب 5200 وعيالها ماعاد تمشي من الشحم والبل صح ضعاف بسبب الرضاعه عينو خير

الله ينور عليك اخوي

المشكلة ان السعوديين واقعين في شبكة الشريطية ولا يحبذون المراح للسوق

وللأسف الشريطية جلهم اجانب شغاليييييييييييين اللهم لا حسد

[Hch]

اتحداك انت خل الزبييدي يمكن صادق الساحليه وابل السودان لحمها ابيض وغير مرغوبه حتى قصب انت اللي تقول مجاهيم والله اني اتحداك وعطني ماكنهن وانا اروحلها مجاهيم عاد يارجال دخلت متحمس الله يعطيك العافيه هدي شوي خلني استوعب هن خلفات المجاهيم وعيالهن مايمشن من الشحم وبها السعر اسمحلي اقولك غير صحيح كلامك ..
الزبيدي انا عارف الاسواق كلها ورحتلها كلها وشغلي كله بسوق واعرف كل شي وبشرك الاجانب معاد يشتغلون مشكورين الجوازات والشرطه على جهودهم وطردهم للجانب والسوق اللي انت تقوله كلمت رجال شغال بذاك السوق وقالي ابل الجنوب الجبليه عرفت انك على علم ..اسمحلي

[محمدالزبيدي]

اتحداك انت خل الزبييدي يمكن صادق الساحليه وابل السودان لحمها ابيض وغير مرغوبه حتى قصب انت اللي تقول مجاهيم والله اني اتحداك وعطني ماكنهن وانا اروحلها مجاهيم عاد يارجال دخلت متحمس الله يعطيك العافيه هدي شوي خلني استوعب هن خلفات المجاهيم وعيالهن مايمشن من الشحم وبها السعر اسمحلي اقولك غير صحيح كلامك ..
الزبيدي انا عارف الاسواق كلها ورحتلها كلها وشغلي كله بسوق واعرف كل شي وبشرك الاجانب معاد يشتغلون مشكورين الجوازات والشرطه على جهودهم وطردهم للجانب والسوق اللي انت تقوله كلمت رجال شغال بذاك السوق وقالي ابل الجنوب الجبليه عرفت انك على علم ..اسمحلي

خلاص بعناك البيعة تبيها بكم أنت آمر وحنا نطامر ولا تزعل

بعدين والله مالي غير سنة وان طافت شوي فالبل يمكن انا انا ما اعرف لها

وقلت لك اللي اعرفه

المهم فيه ابل عوادي ولا من بنات الوادي تباع بأسعار شاهدناها وأبشرك فيها حليب وتلد

حشو وبكار

وسلامتك

[الرووقي511]

الزبيدى صادق وانا واقف على سوق قهوة الجبل وشايف الاسعار وواحد من خوياي اباعره 40 متن تسام منه ب 180 الف البل طايح سوقها

[ساحووق]

هلا وغلا يابن العم البل تخلف في زولها اي جسمها ومشربها وزينها بشكل عاام وياليت توضح عمرها كيف عشره؟والنااقه قيمتهاا من 8000 وتحت والله ااااااااعلم

[محبوب السلق]

15 الف
هذ سومي

[راع القنص]

الله يكتبلك اللي فيه الخير

[صاحب السعاده1]

اذا كانت ماهي بمزيونه
مع ولدها 15-20
مع بنتها 20-25
وانا خبرتي بالبل سنه تقريباً

[ابوحمد 2009]

يفيدونك اهل الابل

[راشد العجمي]

عيدكم مبارك وكل عام وانتم بخير
الرجال يبي استشارتكم كم تسوى وكلاً يقوال اللي عنده
والابل ماهي واحد فيه منها سعرها فوووووق وفيه منها سعرها ادوون
وعلى ما تفضلو الاخوان اللي قبلي لو فيه صوره كان افدووك اهل البل با السعر التقريبي

[salem63200]

حبيبي hch انا مابيني وبينك معرفه ولانيب مطيح معك الميانه تقول اتحداك

البل بيعت قدامي في حراج الحساء في يوم 4 رمضان حراج عقب العشاء

وانت رح لحراج الحساء وتعين الحراسيس اللي مايقنيها راعي ابل قناي

وخم بيديك ورجليك

[العاذر]

الاسعار صعب تحديدها بدون مشاهده ومعاينه على الطبيعه

[redx]

اخي
محمد الزبيدي / انا ادور على حمر منايح طيبه و سعرها معقول اذاتقدر تغيدنا ما استطيع ارسل على الخاص لان المشاركات قليله ولك جزيل الشكر
redxsa@hotmail.com
ابو محمد

[مجاهيم]

(((العشرا اللي ولدها اكثر من عشره شهور خمس شهور خلفه اذا الناقه ضعيف فيها مشكله حتمال تعبانه ...

الاخ اللي يقول ناقه بولدها مبيوعه 4800 وينها عطني ميت ناقه بسعر هذا وانا اشتريها لو ماتحتها ولد ولاهي مزاين نهائي حدث العاقل بمايعقل الحاشي القصب 4000 اللحين يعني امه بثمان ميه !!!!!!)))

تكفون يالجوزات ويالشرطة فكونا من الأجانب ذبحونا وضيقوا علينا.... صح الرزق على الله بس الشغلة تبي تنظيم ... وشغلهم كله غش *غش خصوص في البل والغنم...

[سلمان السبيعي]

يابن الحلال ابل السواحل محد يـبـيـها

لو يقولون ببلاش ما اخذتها

حتى 4800 كثيره عليها

[ولد الحجاز]

والله مقدر احكم الى على الطبيعه لو فيه صور يكون احسن

[ALSEMAIRI]

يابن الحلال ابل السواحل محد يـبـيـها

لو يقولون ببلاش ما اخذتها

حتى 4800 كثيره عليها



يالسبيعي الله يصلحك .. ياخوي منتب محدود علي أبل السواحل
لا بلاش ولا بقيمه الحمر لها أهلها اللي يغلونها ويعرفون قدرها

[الزمان مغبرنا]

السلام عليكم ...

يا الرجاجيل انا واقف على خلفه ومعها بكره عمرها سنه او اكثر من السنه شوي تنسام 6500 ووقفت على السومه وباعها الرجال والخلفه عمرها هذي البكره اللي معها هي رابع ولده لها ,,,

وانا بعت خلفه توها والده ومعها بكره عمرها اسبوع واحد وامها هذي سادس ولده لها وحليبها ما ينشبع منه ويعبيلك طاستين ويمكن اكثر بعد لكن بكرتها ما ترضع من امها ما ترضع الا من الديد او مايسمى الحلمه لان الصبي كان توه جديد على البل وبعتها ب 3000 ريال تخيلو وانا شاريها ب9000 ريال يعني كني بايعها على قصاب مهب في سوق الثمامه ...
وتراها مجهم كلها ,,,
والله يعوض علي وعلى الجميع ...