استفسار ( مصدر الكهرباء) الي يشحن في البيت

[جلوبلستار]

السلام عليكم ورحمة الله وبركاته .. الجهاز مالقيت له اسم فسويت له وصف .
من عنده معلومات عن ( الجهاز الي يشحن من كهرباء البيت وتستخدمه في البر للحصول على الكهرباء بدل من استهلاك البطارية وخاصه اذا كانت السيارة مافيها مجال للبطارية الثانية ) <==== هذا اسم الجهاز :cool: .

وين يباع ؟ وكم اسعاره وانواعه وهل يمكن شحنه من السيارة وكم يعطي (12فوت او 110 _220 ) وما هو الأصلي منه والمقلد .. وآسف على الإطالة .

[علي التميمي]

بسم الله الرحمن الرحيم
السلام عليكم ورحمة الله وبركاته

اخوي جلوبلستار فيه جهاز ممتاز وصغير تحصله في محلات بيع الالعاب السوني او الادوات الكهربائيه
تشبكه في ولاعه الدخان وعلى خطين 110و220خذ ياباني

[جلوبلستار]

هلا بك اخوي على التميمي .. هل تقصد الجهاز الأسود الي بحجم الكف .. هذا الجهز جيد ولكن يجب ان يكون معك سياره ثانية واشتراك .
يوجد جهاز آخر لا يستهلك البطارية ابدا .
يشحن في المنزل او في السيارة وهي تشتغل طبعا .. وتحصل منه على الكهرباء ..

[علي التميمي]

اجل شكلي فهمتك غلط

[جلوبلستار]

حصل خير ..

[الشقردي]

قد طرحوا الاعضاء موضوع يتكلم عن أنواعها تشجنها في البيت وبعدين تستخدمها كمصدر للطاقة الكهربائية, ومنها ما يجي بماطور هواء
ومعها أسلاك اشتراك بعد عشان تسوي اشتراك مع السيارة اذا ماحولك أحد بالبر!!!!

حاولت أدور لك الموضوع في المنتدى لكن مالقيته, عموما الجهاز تلقاه عند محلات الزينة بالرياض مثل الغرابي وانا قد شريت واحد بحدود 350 أصفر ويمكن تلقاه في ساكو
أما عن اسم بعض أنواعه ان ماخاب ظني فهي
Stater
Start it

اتمنى اني أفدتك

[جلوبلستار]

الله يجزاك خير اخوي الشقردي على المعلومات .. وأنا مثلك بحثت عن الموضوع في المنتدى وما حصلته ..
وشكرا جزيلا على تعاونك .

[فارس نجد]

وعليكم السلام ورحمة الله وبركاته

هلا ولله و مرحبا ... يلله معليش

عموما انا كان عندي واحد من الصفر شريته من الغرابي و هو مفيد جدا جدا

1. ينفعك لو لا قدر الله تعطلت عليك بطارية السيارة.
2. ينفعك في اماكن ما تاصلها السيارة مثل جبال الطايف و الجنوب و طعيسات شقرا.
3. تستخدمه بدل بطارية السيارة و بالتالي تكون في الامان.
4. تستخدمة في المزرعة لمختلف التطبيقات .
5. غير مزعج مثل الماطور.


بــــــــــــــــــــــــــــــــــــــــــس :

اذا ما تشحنة لمدة تزيد عن شهر ..... سلم علية ...وهذا اللي حصل معي ..


جهاز مثل هذا اعتقد انه مهم و قد يكون من الافضل ابقائه دائما في السيارة و مشبوك (على الولاعة اللي تفصل لحالها اذا طفيت الموتر) و عليه .. اقترح الذهاب الى الغرابي و شراء نوع افضل من الاصفر مع مراعاة نقطة مهمة و هي الطاقة التخزينية (تقاس بال Ah ) و سرعة الشحن.

و آسف للاطالة ..

:( (اذا شريتا واحد علمني عشان اشتري مثلك :(

[جلوبلستار]

الله يعطيك العافية اخوي فارس نجد .. وان شاء الله باشتري واحد وبعرض صورته في المنتدى ومواصفاته .

[رعد الجنوب]

السلام عليكم
اخوي جلوبلستار حفظه الله
لي تجربة طويلة مع البطاريات المتنقله ،
وافضل نوع منها صناعته كندي اسمه BOOSTAR PAC
ES2500 900PEAK AMBS
استخدمه من 4 سنوات نوعية ممتازه ويعتمد عليه يشحن بطارية السياره اذا فرغت ،
يشغل تلفزيون و لمبات وطاحونة قهوه و ثلاجة سياره .
يشحن بالكهرباء العادية 220 ويشحن من ولاعة السياره ،
سعره من 400 الى 450 تجده لدى العليان لزينة السيارات في الغرابي
او على طريق خريص قبل الجميح على البمين وانت متجه شرق.

صار اعلان تجاري
اخوي اتمنى انني افدتك.
اجمل تحية

[جلوبلستار]

مشكور اخوي رعد الجنوب وما قصرت ..

[rhyb15]

السلام عليكم ورحمة الله وبركاته
هلا اخوي جوبلستار انا قبل يومين بسس شريت واحد منها
حصلت بالغرابي صناعه تايوانيه وصناعه امريكيه واللي امريكي حصلت محل قالي سعره 550 ومحل ثاني بفس الجهاز ب300 ريال ودي اقول عن هالنصاب اللي قالي انه 550 ماعلينا احسه قوي ومع الاسف ما شريته شريت التايواني لان فيه ميزه التحويل للكهرباء وبعدين استخداماتي قليله له وسعره ب200 ريال احسه رهيب ويمكن هو النوع الاصفر اللي يقصدون وفيه في ساكو اجهزه بعد نفس الغرض من 230 الى 280


وشكراا