لأهـــــــل الخبـــــــــــرة بالابــــــــــــــل ؟؟؟؟!!!

[ولد الجنوب]

ماخذه من تحت امه وعمره ممكن ثلاثة اشهر اذا ماهي اقل وللحين سنامه ماطلع مع العلم الأب و الام سنامهم ياويش زينه
السؤال الحين هل بيطلع سنامه ويزين والا ويش السواه
والا فيه طريقه معينه عشان يكبر سنامه
ولاهنتــــــــــــــــــوا يأخـــــــــــــــوان

[Hch]

ولد الجنوب انت تقول انا اخذه من تحت امه يعني مايرضع ؟؟

اذا مايرضع صغير ثلاث شهور لازم يرضع ولا يكسر الحاش يعني مايطلع له سنام ويمرض والله يخلف عليك..

لكن دورله ناقه وضيرها عليها يعني يرضعها ولا دورلك راعي ابل خله يحلب له ورضعه وانت وطريقتك لكن سنه صغير اذا انت تبيه فحل ولا تبيه يكبر عندك مايستغني عن الحليب السنه الاول كلها علشان تشوف صحته وسنامه.
والله يعينك

[salem63200]

كب عليه البرسيم والمكعب مع اني ماافضل المكعب بس يقولون يسمن الحشوان

[satam1389]

ياخي اذا انت ماخذه من امه وهو ابو 3 شهور كما تقول ياليتك ترجعه لامه قبل لاتخسره

واذا ماتعرف للابل ابعد عنها

[كامب نو]

خلك على كلام Hch
والله يطرح فيه البركه

[لبا كبدش]

وش حاالك يا ولد الجنوب
بالنسبه للحاشي ماعليه خلاف بيضهر مع الوقت ومع ظرب الشمس له بيشرب واجد من الماء ولازم يظهر
وواجد من البل مالها سنام يا اما من الضماء ولا من قل المعشاء والمغداء
تمهل ولا تستعجل عليه
اكرمه الله يكرمك من واسع فضله
أخوك \ العجمي

[هوايتي مكشات]

يفيدونك الاخوان............

[راعي الطافحة]

كيف حالك والد الجنوب
الحاشي وانا اخوك خل البرسيم عنده في السطل دئما مليان
الشعير والمكعب عطه على شوي الين يواكله عشان مايتخم وبعدين خل السطل مليان على طول
وعسى الله يرزقنا وياك بجنه الفردوس ان شاء الله

[راعي طلاع]

ارك عليه بحليب البل صبح ومسا الحليب ضروري..................

[بازار شريف]

فيه اهل ابل مايقطعون الحليب عن الفحل مادام على قيد الحياه يحلبون له في مناقل
وانت الله يهديك تفطمه من امه ابن ثلاث شهور مايصير ياغالي رده لامه والا عطه حليب
بالطاسه لا تقطعه هذا اذا شرب لانه بيكون ضعيف بسرعه رده على الحليب بالتدريج شوي شوي

[ماجد الجبارة]

ما أخذه من تحت أمه صغير ,,, الله يستر عليك

[المرتعد1]

يا الحبيب تغانم الحوار ان كانه طيب وضيره على ناقه وكبله الغدير مكعب لانه راح يعفش

[راع القنص]

أمش على كلام أبو مشاري هذا رايي يالغالي