تكفوووون يالرربع فززعتكم

[جميل الفعايل]

مساااااكم الله بالخير جميعا

هل الجره تذذبح الابل ؟؟؟؟؟؟

انا كان عندي بكرتيين وحده شعلا السنه الجاايه المفرووض ان نلقح علييها

والثاانيه ملحاء ثنيه كانت لقحه بالبطن الثااني !!!

رحت يوم عطيتها خخبز ورشييتها جرره ولعلمكم الجرره مااجاات ع الخخبز ابدا الكلام هذا

الععصر واليوم الثاني الصبااح الا والسوداااني يدق عليه يقول البكره الشعلا مااتت

والملحااء اللله يكررمكم مذرقه

جيت انا الصباح وسحبنا البكرره والملحاء الحمدلله عطيناها ببسي عاايله وبيره والحمدلله

جلست يومين وقاامت

السوداني يقول هذ1 من الخبز وانا بعد قلت ممكن من الخخبز

بعدها ممكن باسبووعين

رحت ورشيت البكره الملحااء اللقحه لانها مرره ملياااانه قردان

رشيتها الععصر بعد ولا عطييتها خخبز

الا واليوم الثاني ويتتصل السوداني قال البكره ماتت

انا الى الحيين مو مصددق انو البكااار مااتت من الجرره لانها الجره مخففه بالماااء

ماادري اذ1 كاان في دااب في الششبك او اللله اعلم

ارجو منكم اعطااائي هل الجره تذذبح الابل بهذي الطرريقه ؟؟؟؟؟:mad::mad:

والله يعووضنا خيير والحمدلله دامها في الحلاااال بس وربي حززنت لانو احس انو انا
السبب فييها وششكرا لككم :(:(:(

[Hch]

اذا فيها جرح من القراد او دم ودخل الجره معه للدم تموت على طول بس ابي اسالك واسال السوداني هي تشنجت وماتت ولا باركه لين ماتت ولا صح الصبح ولقها ميته ...

لأن الجره اذا دخلت الدم من جروح القردان يصيبها تشنج وتموت على طول واذا قرصه شفها انت وقص اثر الداب دار مادار على المراح يمكن تلقاء له اثر لاكن اتوقع انه من الجره ماهو داب الجره بصيف ماهي زينه حاره عليها واكيد انها تسمم في الدم ..
كان عند حاشي فيه قردان رشيته جره بيدي وتشنج على طول ومات في دقايق ودورت فيه ليقت فيه جرح وقالي البيطري تسمم الدم دخل فيه جره والجره معروف انها سم ,..
الله يعوضك ,

[محمدالزبيدي]

الله يعوضك بخير منها

[كامب نو]

الله يعوضك خير في حلالك اللى راح... اللى يقول الجره تذبح ما عنده سالفة... عندي اباعر يوم وراء يوم ارشها بجره ولا فيها إلا العافية....بس ما هي مركزة.... نياقك ذبحها والعالم الله البشمة من الخبز أكلت كثير ويمكن الخبز ما هو يابس.... ويم ابشمت شربت ماء وهذا يذبحها على طول.... وأبي أسالك نياقك تعطيها شعير... أرجو الرد.... وأعلمك

[salem63200]

شفت اللي يقول ان الجره هي اللي ذبحت البل مااعتقد لان الجره نشربها اياها في الماء خل عنك الرش


والى يمكن انك مكثر الجره مره عليها والدنيا حر فهاذا احتمال ان كانت جره 60 ومكثرها عليها احرقت المطيه

[ذهب صافي]

يا أخوان الكلام الي يجمد على الشارب إذا رشيت الجره وكان البهيمة سواء غنم ولا أبل او طير وكان فيه جرح شرط جرح وجته جره يتسمم على طول

مات عندنا قعود رشيناه بجره وكان به جرح ولا أنتبهنا ومن بكره والله اننا ساحبينه يم الشعيب وحارقينه

[جميل الفعايل]

شااااكر ع مرووركم جمييعا

واللي يقول انها من الخخبز لاا لانه البكره الملحاء الاخيره مااعطيتها خخبز ابد

ولا فيها جررح كبير الا اذا كان من اثر القردااان

واللي يقول تششنجت ؟

انا ماادري عنها لكن البكاار كلها جيت وكلها مشننصه والبكره الملحااء جينا ولقيناها كااسرة الرزازي وططااحة علييه يعني جنبها جاء ع الرزازي والظااهر عينها بعد انفقعت لان فيه دم تحت رااسها

واللي يقول تعطوها شعير ايه انا اعطيها شعير ومكعبات لكن ممكن مااعطيتها الا قبل ماتموت باسبووعين

وشاااااااااااااااااااااااااااااااااااااااااااااكر مرررررررررررررررررروركم جميييعا

[سعود1212]

الله يعوضك ان الله وان اليه راجعون قدر الله ولا اعتراض على ماقدر الله

[هلي 1999]

انا اول مرة اسمع عن الجره هاذي بعد اباعرنا يمين بالله الشايب حالف يمين مايلمسها دختور بيطري وتاكل من العلف ماغير حنا زارعين في المزرعه برسيم ونعلفها من علفنا ولاعليها خلاف اما القراد وانا اخوك رشها بالما القوي وان شاء الله يروح اما جره وهالعلوم هاذي مالي علم فيها وابشركم سهيل دخل خخخخخخخ والله يعوضك ياراع الملحا والشعلا بطرش مجاهيم وطرش شعل مير عسى ان تكرهو شيء وهو خير لكم .!!! يارجال وان كان قارصها داب تعين في مراح الابل جره الداب لكن ماهو داب وخذ العلم اللي يجمد على الشنب لان الابل تبى تجفل ان شافت الداب لكن الله واعلم دام عينها منفقعه هذا بلية داخل دمها عاد الجره ذي هي وشهي هارب مافيه اسيد والله يعوووضك ..!!!

[عبدالله العمرو]

الله يعوضك خير منها ..

لكن عندي ملاحظة : تقول الثانية عطيتها بيبسي وبيرة وعتقت !!!!

لو كان تسمم من الجرة (على جرح) كان الببسي والبيرة ما أثرت عليها ...
يعني الأكيد انه شيء (هضمي) إما ان الجرة داخلة لبطونها بنسبة مركزة ...
أو ان ابلك تاكل من جلّتها (دمنها ) تكرمون ...وهي مرشوشة لأن بعض البل تعوّد وتاكل الجلّة ..
ولا هي قرصة داب لأن مثل ما تفضل اخونا بتجفل البل مؤكد ...
ولو قرصة داب ما تشاوت على بيبسي وبيرة ...

أنا برأيي الشخصي انه لاهو تسمم جرح ولا قرصة داب .. هذا شي هضمي ودور وش ابلك تاكل ...

عسى الله يعوضك باللي راح ويزقك من اللي بقى ...

تحياتي

[صقر دكوة]

الله يعوض عليك

[جميل الفعايل]

مششكككوووور على مرووووووورك ياستاااذ عبدالله العمرو

ولكن الله اععلم هو من الخخبز او من الجرره

لكن الله يعوووضنا خير

وشاكر لمرووووووووووووووووووور الجمييييييييييييييييييييييييييييييييييييييع ،،،

[عبدالله العمرو]

مششكككوووور على مرووووووورك ياستاااذ عبدالله العمرو

ولكن الله اععلم هو من الخخبز او من الجرره

لكن الله يعوووضنا خير

وشاكر لمرووووووووووووووووووور الجمييييييييييييييييييييييييييييييييييييييع ،،،


لا شكر على واجب اخوي جميل الفعايل ....
لكن لا تهمل الموضوع ... من رأيي تتفقد علف ابلك ..
إذا كان لبن فك وحدة من اللبن يكون فيها عشبة وتفقد
لا يكون هي اللي ضرت الأبل وتفادى لا تخسر غيرها ...


عموماً الله يعوضك خير منها ويوفقك ...
تحياتي /

[q81963]

لاتشرب حليبهااا لا ترووح فيهاا

[مكشاتي كوكتيل]

الجرة وش تركيزها؟ . وكيف خففتها بالماء؟ يمكن إن تركيزها عالي أو إنك ماخففتها بشكل جيد أو إبلك فيها جروح بليغة ودخل فيها السم . أو مثل ماقال مشرفنا يمكن رشيتها في المراح وجاء شيء من الجرة على الدمن وأكلت الإبل من دمنها وتسممت .

دائماً ينصح بتخفيف الجرة بشكل كبير خصوصاً إنك ترشها بشكل دوري يعني يكفي إن الجرة تكون مخففة جداً . وحاول إنك ماترش الناقة كاملة يعني رش أماكن القراد في نحرها ورفوغها وذيلها وبس .



والله يعوضك بالجنة .

[بوعلي الشمري]

الله يعوضك خير بس لو تشوف بيطري افضل لا يروح الحلال بالتجارب وعسي الله يسلم

[عيون الغالي]

الله يعوض عليك بااخير منها والله يخلف عليك,,,,
بالنسبه لى انا اقول الجره ما لها دخل هذا تسمم غذائي تاكد وش هى ماكله الجره ماتذبح الا الحيران واما الابل الكبار ما عليها منه بس اهم شى لاتشربه..........
هذا والله اعلم

[مهداوي]

العين حق والله يعوضك

[قاهر الخيل]

الله يعوضك

[مشراق المر]

الله يعوضك باطيب من اللي راح
ان استبعد انه يكون من الخبز لانه اذا كانت
المطيه بشمانه ثم ذرقت فهي عدت الخطر
لكن تاكد من الجره يمكن تكون ضاربتها شمس
او محفوظه بمكان حار لانه يزيد تركيزها مع الحراره
وتذبح الحلال

[ابوحمد 2009]

الله يعووضك بالي ااحسن منهن