تم بحمد الله شراء الموتر ولاكن....؟

[هاااوي الضبان]

السلام عليكم ورحمه الله وبركاته

تم بحمد الله شراء شاص 2005 وكاله والله يوفق خالي ابو ملفي والخوي ابو حمدان على مساعدتي للشراء الموتر ولاكن...؟

عندي كم سؤال بخصوص الشاص.؟
ماهي الصيانه اللازمه للموتر ؟
وكيف احافظ عليه؟؟ تعرفون لانه بيقعد معي طول العمر ان الله احياني واحياكم

ودمتم سالمين.

[أبـ [مطلق] ـو]

مبروك يالغالي


والله يعطيك خيره ويكفيك شره


وتقطعه بالعافيه يالغالي .......

بس يالذيب ياليت تضيفني على الماسنجر

taeh_alfekr@hotmail.com


تحيااتي

.

[القشيع]

عز الله إنك عرفت تشتري والله يطعمك من خيره ويكفيك شره

[البرحه]

مبروك الله يعطيك من خيره ويكفيك شره

شـــــــــــــــــاص عز الله انه الموتر

وشوله تحافظ عليه ؟؟ كامري !!

حديد في حديد ما يحتاج

ابد زيت وبنرين وكره كر الحمير

[ماجد الشمري]

مبروك الله يعطيك خيره ويكفيك شره ....
الله الله اخوي هاوي الضبان بالتمرين .. لاتدعس عليه بقوة وخل مشيتك عليه خفيفة ولا تعدي 80 ومستحسن تلينه بالليل ولاتشغل المكيف ولاتثبت على سرعة وحدة ولاتشغل الدبل ولا تسحب اي سيارة ثانية ... كل هذي الاسباب راح تخلي سيارتك قوية ان شاء الله وماتصرف بنزين ....






اخوكم ماجد الشمري

[ابوحازم]

الله يبارك لك فيه ويعطيك من خيره ويكفيك شره
ودي اعرف هل هو خليجي او سعودي وبكم خذته؟؟؟

[ع.ف.الدرويش]

ما شاء الله تبارك الله
الله يطعمك خيره ويكفيك شره
.
.
بالنسبة للصيانة فاحرص على انك توديه للوكالة كل ما مشيت 5000كلم
فهم يسوون كل العمليات الضرورية اللي تغنيك عن الحوسة
وبإذن الله بيدوم الموتر معاك إلى ماشاء الله
.
.

[الربذي]

اخوي هاوي حبيت ابارك لك وربي يعطيك من خيرة ويكفيك شره اهم شي خلة تحت رجلك انت فقط ولاتعطيه غيرك هذا اهم سبب الا خالك عدة دورة لانه ساعدك وماقصر ّ! ولاتحافظ عليه مره ترا يخرب تصدق!!! ماودك تدلع الموتر مره وتخاف عليه بالحيل !
محبك

[هاااوي الضبان]

السلام عليكم ورحمه الله وبركاته
الاخ ابو مطلق شاكر لمرورك وللاسف ايميلي مسروق .
.........
القشيع مايحتاج طال عمرك وشاكر لمرورك
..........
البرحه والله انك صادق لاكن دافع فيه دم قلبي وانت ابخص.
.........
ماجد الشمري عز الله كفيت ووفيت ولله يعطيك العافيه .
.........
Adeel1425 امين الله يسمع منك وانا شاريه سعودي ب96500 من جده معرض خميس مشيط وكاله تابع لعبداللطيف جميل
..........
الاخ ع ف الدرويش الف شكر على المعلومه وش اكيد كل 5000 كيلو لابد لاكن المشكله ان اقرب وكاله بالنبه للديره 200 كيلو لاكن اتعبله مايضر.
........
الربذي الله يبارك في ايامك واحب ابشرك ان خالي مايحب شي اسمه شاص لاكن يحب صاحبه والله يحفضه ويحفضك.
اعيد الف شكر على مروركم
ودمتم سالمين

[ماجد الشمري]

انصحك اخوي هاوي الضبان بما ان السيارة جديدة فغير لها زيت موبيل 1 على طول ...
ان شاء الله بيحافظ على المحرك من التآكل كثير وبيعطيك عزم حلو ويفضل لو تشتري لك بالجملة .. راجع موضوع افضل زيت ...






اخوكم ماجد الشمري

[salehhd]

مبروك ياماله العفيه ويعطيك خيرة ويكفيك شرة

عليك بصيانة الوكاله ولا تصلحه بره الوكاله

ولا تدعس عليه قبل 1000 كيلو

[داب الرمث]

مبروك اخوي هاوي يعطيك خيره ويكفيك شره ,,,,,, بس عندي نصيحه صغيرة ......... لاتوديه تكفى لصيانة ابو جميل :no: وده للبازعي يامال الغناة :good: يستقبلونك ويرحبون بعد ... لان البازعي يخلونك تشوف موترك وهم يشيكونة قدام عينك :) ويسلمونك اياه بعد شوي اما ابو جميل والله ماتشوفه لوتطير :mad: ........... هم ناظروه.... شيكوه.... ماتدري :confused: هذا غير اذا ما كان يتدرب علية طلاب المعهد الملكي الي هوايتهم تقطيم المسامير والصواميل باحتراف اقول ذالكلام لأن ولد عمي يدرس هناك والطلاب يطبقون عند ابو جميل على سيارات العملاء مباشرة وهو يعلمني عن سوالف زملاه و ان واحد من زملاه بالمعهد قال له المدرب اي مسمار تشوفة في بطن السيارة شده راح الطالب يربط وقطم مسمار من سيارة العميل وقال للمدرب بلي صار ورد المدرب بالحرف الواحد: ارجع لصق المسمار بالسليكون ........ وعلمني بقصص مروعة داخل ورشة الصيانة واهمال الموظفين وقيادة سيارات العملاء الى الحوش اقصد ععععاااان ط ط ط ط ط ط ط ط ط ط ط ط ط ط بعد الانتهاء من التشييك بعض الاحيان وانت ياغافل لك الله .......................................... وانا والله ماودي اني قايل هلكلام :no2: بس والله انه واقع وحقيقة يااخواني وانه من حرصي عليكم ولاحد يفهمني غلط رجاء..... ملاحظة: الفرع الي اتكلم عنه هو الفرع الكبير الي على طريق خريص وواحدثاني كبير .......... والسلام

[هاااوي الضبان]

السلام عليكم ورحمه الله وبركاته
اخوي ماجد طبعا انا من اول اغير لاي موتر لنا زيت موبيل حتى صار عشره مانقدر نفارقه والف شكر للنصيحه
..........
salahhdالشر مايجيك ان شألله والف شكر للمرورك
........
داب الرمث مع احترامي لعبد اللطيف جميل كل الكلام الي قلته 100% وانا بعد سمعت عنه الكثير لاكن الفروع الصغيره ممتازه وكلها فلبيينيه شاصات وشاكر للمرور..

دمتم في حفظ الله
اخوكم
هااوي الضبان

[المكنيكي]

مبروك الله يعطيك خيرة ويكفيك شرة
وانشاء الله نبي نعطيك بعض التعليمات الهامة في الصيانة العامة .

[عريدان]

مبارك إنشاء الله وتكفى إلا الوكاله لا لا لا لا لا توديه للوكاله أبد أبد ترى بيشكل معك ويسخن ويحيسونه ليما يقول بس لأنه مصاريه المهندسين والفنيين مشكلين ولهنا دبرة الله يكافي يعرفون يخربون ويسحبون فلوسك وحدهم السياكل وعسى بعد.

[Abo Nader]

الله يعطيك خيرة ويكفيك شرة


ولا يهون أخوي
ع.ف.الدرويش


أنصحك كل 10000 لأن على ما يبدو أنة 5000 بس يغيرون الزيت و هذا الي شفتة حتى واحد من العاملين بشركة نيسان الحمراني قال أنة الأساسي 20000 و 40000