دبة الرصاص [الأرشيف] - منتديات مكشات

مشاهدة النسخة كاملة : دبة الرصاص

awod

23/08/2010, 02:18 AM

السلام عليكم
عندي استفسار عن دبات الرصاص اللي تجي في السيارات الامريكية
هل ازالتها تحسن حرارة السيارة لام السيارة عندي تتعدى النص في الزحمة مع المكيف ؟
هل تزيد في عزمه ؟
هل فيه اثار جنبيه ؟
نوع السياره فورد ونيت f150 2006 دفع رباعي
وسلامتكم جميعا

mgs71

23/08/2010, 02:48 AM

الافضل لاتشيلها ولكن فيه حلول بديله الاخوان المشرفين ان شاء الله يردو على موضوعك لانه قرات قبل كذا عن هاذا الموضوع وحله في نفس المنتدى

awod

23/08/2010, 01:05 PM

للرفع الله يرفع قدركم

ALBDRANE

23/08/2010, 07:31 PM

شلها مؤقت وشف الحرارة أذا فرقت كنسلها وارتح

awod

24/08/2010, 06:30 AM

للرفع جزاكم الله خير

تناهيت

24/08/2010, 08:33 AM

والله وناخووووووووووك

الانلبير ما يتغير عندك اذا شلتها لاكن المكينة بترتاح اكثر ويخف الضغط عليها مما يزيد من ادائها بعض الشئ

انا شلتها من جمس حوض وتغير علي الموتر للافضل .........

تحياتي

prof2

24/08/2010, 08:09 PM

نصيحة لا تشيلها من واقع تجربة واحذر ابو يمن يضحك عليك تراهم يستخدمونها للتلحيم علشان مادة الرصاص الي فيها وكثير منهم يضحكون على الناس ويقولون مسكرة لازم تشيلها انتبه !!
اذا تبي تعرف انها مسكرة فك الشكمان وبدون ما تشقها باللحام من وتفك الشكمان راح تشوف مجاري الهواء اما تكون مسدودة او عاديه ما فيها شي واما العزم اذا شلتها راح يضعف عزم موترك والسبب ان الحساسات تعطي اشارة الى الكمبيوتر حق السيارة ان فيه نسبة عالية من ثاني اكسيد الكربون ويقوم الكمبيوتر بزيادة ضخ الوقود وتبدأ عندكم سلسلة الخرابات تكتيم عدم استقرار في المكينة الين تكربن البلوف وتحتاج الى فك الروس لصنفرتها هذا من واقع تجربة وانت وكيفك
الي يبي يزيد العزم بفك دبات التلوث لازم يعيد برمجة كمبيوتر السيارة من جديد على اساس عدم احتساب كمية غاز ثاني اكسيد الكربون لكن ! وين تحصل الي يقدر يبرمج الكمبيوتر المبرمجين الي عندنا ما غير يشيلك انذار اللبمة حقت المكينة وبس لكن الكمبيوتر مازال يعطي امر بزيادة ضخ الوقود انصحك لا تدخل في وجع الراس وتتكبد خساير مالها اول ولا ثاني ( سعر دبات التلوث للجموس 11700 ريال لانها تجي مع الشكمان كامل !!!!!!
بالتوفيق
ملاحظة : عمر دبات التلوث في السيارات ما بين 15 سنة الى 20 سنة حتى تتسكر والله اعلم

awod

24/08/2010, 08:18 PM

نصيحة لا تشيلها من واقع تجربة واحذر ابو يمن يضحك عليك تراهم يستخدمونها للتلحيم علشان مادة الرصاص وكثير منهم يضحكون على الناس ويقولون مسكرة لازم تشيلها انتبه !!
اذا تبي تعرف انها مسكرة فك الشكمان وبدون ما تشقها باللحام من وتفك الشكمان راح تشوف مجاري الهواء اما تكون مسدودة او عاديه ما فيها شي واما العزم اذا شلتها راح يضعف عزم موترك والسبب ان الحساسات تعطي اشارة الى الكمبيوتر حق السيارة ان فيه نسبة عالية من ثاني اكسيد الكربون ويقوم الكمبيوتر بزيادة ضخ الوقود وتبدأ عندكم سلسلة الخرابات تكتيم عدم استقرار في المكينة الين تكربن البلوف وتحتاج الى فك الروس لصنفرتها هذا من واقع تجربة وانت وكيفك
الي يبي يزيد العزم بفك دبات التلوث لازم يعيد برمجة كمبيوتر السيارة من جديد على اساس عدم احتساب كمية غاز ثاني اكسيد الكربون لكن ! وين تحصل الي يقدر يبرمج الكمبيوتر المبرمجين الي عندنا ما غير يشيلك انذار اللبمة حقت المكينة وبس لكن الكمبيوتر مازال يعطي امر بزيادة ضخ الوقود انصحك لا تدخل في وجع الراس وتتكبد خساير مالها اول ولا ثاني
بالتوفيق
ملاحظة : عمر دبات التلوث في السيارات ما بين 15 سنة الى 20 سنة حتى تتسكر والله اعلم

اشكر لك تفاعلك وكلامك المنطقي
لكن توقيعك اعجبني :good2:

prof2

24/08/2010, 08:24 PM

اشكر لك تفاعلك وكلامك المنطقي

لكن توقيعك اعجبني :good2:

الله يسلمك
والله يااخي اليوم الغش والضحك على الناس كثير ياليت الي سبق له وتعرض لتجربة مثل هذة المفترض ينبه الناس حتى لا يروح ضحايا النصب ويصير عندنا خبرة اكثر
شاكر لك

awod

25/08/2010, 01:10 AM

الله يسلمك
والله يااخي اليوم الغش والضحك على الناس كثير ياليت الي سبق له وتعرض لتجربة مثل هذة المفترض ينبه الناس حتى لا يروح ضحايا النصب ويصير عندنا خبرة اكثر
شاكر لك

كلامك جميل حبذا لو احد يفيدنا من التجارب .

MjNo0oN

25/08/2010, 05:37 AM

ريح راسك شل الشكمان كامل مع الشعبه

وركب لك هدرز من العتيبي مع دبات امريكيه اتوقع اسمها بورلا او شي قريب منه وفيه نوعيه ثانيه الي هي فلو ماستر وبرمجه من ابوعامر والسلام ختام <<الهدرز بياكل عليك حول ال2000 و البرمجه من ال700 ريال لل1200 ريال ويفرق معك عزم الموتر بشي ماتتصوره ويريح المكينه

لااكن المشكله بتكون في الصوت بس فيه دبات كاتمه للصوت على حسب الطلب من المصنع

awod

25/08/2010, 03:53 PM

mgs71

25/08/2010, 09:06 PM

صامولي

25/08/2010, 09:30 PM

يفيدونك الأخوان ان شاء الله

awod

26/08/2010, 02:47 AM

كلام الاخ prof2 سليم
واذا تبغى تلغم كلام الاخ mjno0on سليم
خش على هاذي الروابط ان شاء الله تستفيد:
http://www.mekshat.com/vb/showthread.php?t=305220

و

http://www.mekshat.com/vb/showthread.php?t=251036

هاذا والله اعلم

جزاك الله خير
وفعلا كلها معلومات قيمة جدا .
شكلي باهون ماني فاك الدبه واخليها الين تطفي السياره .:eek:

awod

27/08/2010, 03:54 AM

السلام عليكم
وديت السيارة لحقين الشكامين
وقالو لو فكينا دبات الرصاص بتولع لمبة check engine ولازم تشوقلك مبرمج لها.
من يدلني على مبرمج ممتاز وله الدعاء .

prof2

28/08/2010, 02:10 AM

السلام عليكم

وديت السيارة لحقين الشكامين
وقالو لو فكينا دبات الرصاص بتولع لمبة check engine ولازم تشوقلك مبرمج لها.

من يدلني على مبرمج ممتاز وله الدعاء .

شوف مبرمج ماراح ينفع لانه بس بيطفي اللمبة فقط لكن الحساسات مازالت تعطي كمبيوتر السيارة قراءة ان ثاني اكسيد الكربون عالي وبالتالي راح يصير عندك حوسة في كمية خلطة الوقود داخل المحرك يؤثر على عزم المحرك واشياء اخرى يطول شرحها انصحك ترجع الدبات او تدور في التشليح
تحياتي

mgs71

29/08/2010, 05:40 AM

انا كان عندي كامري استخدام شلت الدبه اسبوع واحد بس ورجعتها
اللي صار انه السيارة صار لها ريحه (زي السيارات القديمه )مكربنه بس بعد ماركبتها رجعت السيارة تقطر مويه من الشكمان
اللي خلاني الغيها كان الحرارة

واتوقع انها ماتخرب الا بعد مده مثل ما قال الاخ prof2