طلبي نادر لكن اتمنى المساعده

[نورالدين2]

السلام عليكم ورحمة الله وبركاته


مطلوب سفاري gl المطور 2005 او 2006 اللي يجي مكيفين

ياليت اللي عنده ، أو يخبر احد عنده ، أو شايفه بمعرض ويبشر بحقه


تحياتي للجميع

[ابونادر2008]

يوجد عندي بترول موديل 2009 مكيفين 0532440440

[نورالدين2]

يشرفني مرورك وعرضك يا بونادر ، وعز الله ان موترك ماعليه كلام الله يعطيك خيره ويكفيك شره

ويرزقك بالبيعه اللي تسر خاطرك

اما بالنسبه لي الموتر فوق استطاعتي ، الميزانيه يالله تجيب 2005 او 2006

[abu-turki2009]

شفت واحد البارح بأحد معارض حائل 2005 فل كامل
يقول صاحب المعرض انه مسيوم بـ83 وأفرق السوم وخذه
عيوبه طقات حصى صغار في مقدمة الكبوة

[نورالدين2]

حياك الله يابو تركي وشاكر اهتمامك ، انا طلبي gl وهذا بين من سعره انه sgl

على العموم مشكور يالغالي

[برق الشمال A]

الله يرزقك السياره اللي ببالك

[SRAAAB]

الله يرزقنا ويرزقك

[نورالدين2]

برق الشمال الله يجزاك خير ، ولك بمثل ما دعوت لنا


سراااب اللهم آمين يارب العالمين

ويشرفني مروركم اخواني

[أبو عاصم النجدي]

لله يرزقك الموتر اللي يسرك

[نورالدين2]

حياك الله اخوي مكشاتي ، ويجزاك خير

مار القمري وصل ولا لقينا اللي نبي ، يرزق الله

[نورالدين2]

ما زال البحث جاريا

[كلاسيكو]

اغلب الشباب يتعاملون بنوعيت الجيب من حيث التسميه الشائعه
من حيث انه يكون اما
سلقه (كفر سخيف ) بجميع انواعه مكيف او مكيفين
او فتك رقم 1
فتك رقم 2
سوبر سفاري

ولو حددت المبلغ الي مخصصه لسياره يكون افضل لكي يسهل على الاخوان تقديم عروضهم

تقبل مروري

[نورالدين2]

تسلم اخوي كلاسيكو على الملاحظات

والله الاعلان فن وحنا نفتقد لهذا الفن

أنا خفت اكتب سلقه او سلوقي ، يعتقد الاخوان اني اطلب ربع وهو المعروف عند الشباب بالسلوقي

على العموم مشكور على مرورك