أرغب بشراء فراش البر ,, وأريد نصائحم

[عتب]

السلام عليكم ورحمة الله وبركاته

كل علم وانتم بخير اخباركم انشاء الله بخير

اما بعد انا ودي افصل فراش للبر ابيكم تنصحوني بالفراش الزين هل اخذ (تفصبيل -ولا جاهز)

ولو اخذت تفصيل وش القماش الزين وكم رقمه

وش احسن حسب تجربتكم ( الفرو . المفرش . البطانيه )

وش احسن محل يفصل <<<<<< تراك ازعجتنى ماتعرف شي انت :(

وشكرا

[البارق الاصلي]

اخوي افضل فراش من وجهة نظري فراش الدريويش

[هاوي نفود]

ما جربت فراش السنيدي إلا مرات بسيطه

لكن بصراحة ما أعجبني تحس بالأرض إللي تحتك لو حصيه تذيك بالمنام

غير إن مواده إللي يستخدمها رديه نوعاً ما <<< أكرر هالكلام له مدة يعني كان تحسن ولو إني أستبعد

---

برق الحيا موب بعيد عن السنيدي لكن ما يخرب الفراش بسرعة

---

القاضي ما جربته لكن واحد من الشباب معه فراش الفصول الأربعة ويمدحه لولا كبر حجمه بعد اللف

---

الدريويش من رأيي هو الأفضل له عندي فوق السبع سنوات والحمد لله أفضل ما يكون

لكن أرجع وأقول ما أدري عنه من تالي إن كان خامات تغيرت

ولو بأشتري ما تعديت الدريويش

[خالد ...]

فراش القاضي له معي اكثر من 7 سنوات والحمد لله عملي وقوي

[aaez]

http://www.mekshat.com/vb/showthread.php?t=185190

شف هالرابط للعمده أبومها بيض الله وجهه

[محلات الكشاتة]

عليك بالقماش التنزاني رقم 303

ويمكنك زيارة المحل ورؤية الفرش بأنواعها

وهلابك

[عتب]

مشكورين وماقصرتُ

[ابو عبدالله 911]

فراش الصحراء نصيحة لا تشتري غيرة ماتندم طول عمرك

[-الساري-]

أخوي :
أنا قبلك أستفسرت عن الفراش واللى نصحوني كثير
واستقريت على فراش الصحراء أخذتة من السنيدي 350 ريال
وأقرأ هذا الموضوع لأبو مها أضغط على كلمة القول
قول الفصل لإختيار فرشات النوم، وتجربة علمية وعملية..................من( أبو مها ) (http://www.mekshat.com/vb/showthread.php?t=185190)

[عصاقيل الدخله]

اذا بتشتري جاهز لا تتعدى الدريويش او الصحراء
واذا بتفصل خذ لك بطانيه عليها الكلام ورح للغرابي ويفصلون لك عليها بس نصيحه لا تحط بين البطانبه والقماش شي مثل يقولك بحط لك بلستر ولا غيره قله لاااااااااا

[العاذر]

السلام عليكم ورحمة الله وبركاته

كل علم وانتم بخير اخباركم انشاء الله بخير

اما بعد انا ودي افصل فراش للبر ابيكم تنصحوني بالفراش الزين هل اخذ (تفصبيل -ولا جاهز)

ولو اخذت تفصيل وش القماش الزين وكم رقمه

وش احسن حسب تجربتكم ( الفرو . المفرش . البطانيه )

وش احسن محل يفصل <<<<<< تراك ازعجتنى ماتعرف شي انت :(

وشكرا
شف موضوع ابو مها

[SIF]

اخوي افضل فراش من وجهة نظري فراش الدريويش

[ابوصالح77]

الصحراء أو الخليج عند السنيدي ، الفصول الأربعة وميزته تستخدمة صيفاً وشتاءً
شف وش يقول عمدتنا أبو مها
http://www.mekshat.com/vb/showthread.php?t=185190

[رمز العطاء]

فراش الصحراء نصيحة لا تشتري غيرة ماتندم طول عمرك

أبو عبدالله أدري إني داخل عرض بس توقيعك أضحكن الله يضحك سنك ويازين البساطة

[كاشخ 24 ساعه]

الصحراء عن تجربه هو الافضل

[بـــرق نجـــد]

لا صحرا ولا دريوش

رح للغرابي وخذ بطانيه على كيفك وفصل تنزاني 303 وبسعر ارخص من الربع والمقاس الي ع كيفك

الكلام هذا من تجربه وسو فيه الي تبي

نصيحه لوجه الله رح وبتعرف الفرق

[مهاجر161]

عليك بطريقة ابومها .. الله يجزاه خير ..
وبصراحة انا عندي فراش امريكي روعة .. أسمه (كولمن) 350 ريال اشتريته 1424هـ تقريباً وحتى الان موجود .. دافي جدا جدا .. سألت عنه قالوا لي كان الجيش الامريكي يستخدمه ..
وقد كانت نصيحة .. صاحب محل المقناص بمخرج 15 .. وبالفعل نصيحة جزاه الله خير في محلها .. من مميزاته خفيف جدا بإمكانك ان تحمله بثلاث اصابع وكذلك ضد الماء ومجرب .. يتحمل درجات برودة ممتازة .. وفي كثير من الأحيان عندما نقوم بالفجر نجد ثلج عن الفراش ومن الداخل ماتحس بشي .. والله على مااقوله شهيد


قبل كذا كنت كل سنة فراش وشركة جديدة .. حتى استقريت على تفصيل فراش (بطانية اسبانية .. قماش تنزاني ممتاز) وفي نهاية المطاف .. وجدت ضالتي وهو فراش التي ذكرت (فراش كولمن) مع العلم انه مقطوع لاتجد منه إلا القليل
تحياتي للجميع .. تقبل منا ومنكم الصيام والقيام وصالح الاعمال ..
المهاجر .......