الامير نايف يوجه بتنفيذ عقوبة قطع اليد للصوص

[مشعان جكسار]

وجه النائب الثاني لرئيس مجلس الوزراء وزير الداخلية في خطاب عاجل وزير العدل بالتأكيد على القضاة بعدم التهاون بتنفيذ حكم قطع يد السارق وعدم الاكتفاء بالسجن أو التوقيف بما في ذلك لصوص السيارات كما اكد سموه على وزارة الداخلية ممثلة في أقسام الشرطة بالرفع الى المحاكم المختصة بصورة عاجلة لتنفيذ الحكم الشرعي .

[مشعان جكسار]

بشارة خير ان شاء الله والله خير الحافظين

[صوعان]

جعل من سرق مسواك تقطع يده
الصراحه الواحد قام يخاف في بيته لابد من قطع اليد
اذا سلمك الله كل جمعه نتفو لهم اربعه ثلاثه والله ان تخلي سيارتك شغاله في الشارع اسبوع ما احد يقرب لمها
البيوت سرقت والسيارات سرقت والجوالات سرقت با القوه من اصحابها
حتى الاطفال ماسلمو
اتمنى من كل قلبي ان الخبر صحيح

[فتى التويم]

يالله يارب يكون الخبر صحيح وانه يطبق

[fares2011]

جزاه الله عنا كل خير...
والله الواحد صار ما يامن على عياله بدارهم
ولا على شيء من كثر اللي نشوفه من المشاكل
والقصص !!!

[ناصر الدهمشي]

اللهم آميـــــــــن

قضاتنا الله يهديهم قاموا يتهاونون حيــل بهالمسألة

وش استفدنا من هالتهاون غيــر سيارات وبيوت وغيرها بالالآف تسرق ولا عندك أحد

الله يعيـد زمان أول

[محمد الشاوي]

هذا هو الحكم الشرعي العادل في حق هؤلاء

وهو الحكم الكفيل إن شاء الله بزوال هذه الظاهرة التي انتشرت بشكل كبير في كل مناطق المملكة ولا حول ولا قوة إلا بالله .

وحتى المقيمين من الجنسيات الأخرى أصبحوا يتجرأون على السرقة في وضح النهار


جزى الله الأمير خيرا على صرامته في حق هؤلاء المجرمين .

[هواوي صيد]

جزاه الله خير وان شاء الله يطبق

[ولد وايل]

ياريت يكون صحيح تكفى


وربي نجرع مثل اول كل شي بمكانه

[saadkath]

الله يطول عمرك يا نايف ويمتعك بالصحه ويديم امننا علينا ، نعم سرق جيبي لاندكروزر ابيض 2007 لوحه وال 094 من خمسة اسابيع ولا علم ولا خبر والأمر في الرياض لا يطاق ووصل الاستهتار اكبر عندما عطلت الحدود الشرعيه فاللهم اجعل هذا الخبرصحيح .

[wafi4sa]

إن شاء الله يكون الخبر صحيح ويطبق بأسرع قضية بكرى

[ستة خليجي]

للأسف الخبر غير صحيح لعدم وجود المصدر

كما أني بحثت في قوقل ولم أجد شيئاً!!

هداك الله يا صاحب الموضوع

[ابورايف]

اتمنى ان يكون الخبر صحيح
والله ان السرقات كثرت عندنا واصبحت بالشكل الذي لايكاد ان يتصور
اكرر امنياتي بأن يكون الخبر في محل الصحة
اشكر صاحب الموضوع
وتقبل مروري

[وقت]

العاقل خصيم نفسه

[أبوحمد 505]

طيب عطنا مصدرك
وإذا كان الخبر صحيح فهو قرار صائب

[مشعان جكسار]

الاخوة الاعزاء الخبر صحيح ومؤكد والخطاب من الصعب عرضه على صفحات النت ولا هو كل امر يصدر بتنزل منه نسخة بالموقع ,, شاكر لكم مروركم وردودكم واطلاعكم

[الذبياني]

من امن العقاب اساء الادب والله قبل ثلاثه اسابيع انسرق من بيتي ثلاث ساكتونات هوائيه ومودم وجهاز لاب توب جديد وشوي ذهب بقيمه 5000 الاف ريال ومبلغ 500 ريال هذا غير اضرا الدخول الى البيت وتحطيم الشباك الخارجي واخراجه من الصبه بالقوه هذا غير دخول البيت وش السبب مافيه قطع يد للسارق مافيه احكام صارمه لمثل هولاء الشرذمه مافيه تطبيق للشرع والتهاون في الاحكام من قبل القضاه الله يهديهم

[نحال الجبال]

الله يسمع منك ماقعد شى ما انسرق والله بهذلونا والمصيبه العماله السايبه ومعاه سياره

[مراقب الصيد]

بشارة خير ان شاء الله يطبق ونسمع ان سارق قطعت يده

[شلقة]

أنا معك يالغالي ..

لكن السيارة إذا كانت في الشارع في ليست بحرز ..

وقبل سنتين بالقصيم سرق بيت .. ويوم مسكوا السارق أحتجوا بأن ( شبك مروحة الشفط ) غير موجود ..
يعني أن البيت بغير حرز .. والسالفة معروفه عند اهل القصيم كلهم ..

آآآه بس ..

[ابو نايف التميمي]

لو ان الشرع يطبق مثل اول كان ارتدعو الناس

[ناقل الخير]

ياااارب تطبق هذه العقوبه ونفتك من شرهم

[طفران بس بطران]

بيض الله وجهه

[برق البطين]

جزاه الله خير وياليت لويضيف ساهر في الخطاب كان نمت وانا اسعد انسان

[ابوراشد04]

وين مصدرك يالحبيب ؟؟؟؟؟؟؟؟؟؟؟؟؟؟؟؟؟؟ظظ

[بقعااوي]

ايه تراهم طبقوه

[المصمم76]

من سنين ما سمعت في بيان( بقطع يده اليسرى من مفصل الكف)
اذا رجعوا يطبقونه فأبشروا بالعزة من رب الجلال
وبالأمطار والخيرات على المسلمين

[ملقاط بن جمر]

ياليت يطبقونه ..

واليد المقطوعة تعلق في مكان عام ..

كود هالحرامية يرتدعون ..

حسبي الله عليهم ..الواحد ما عاد يامن على حالة .. يادافع البلا ..

[السلمان2010]

الله لا يجزى من عطل حدود الله خير

[المنتهي2000]

الله المستعان 00000صار تطبيق الأحكام الشرعية يبشر بها انها ستطبق0

[سحاب1]

ان شاء الله يكون الخبر صحيح..
لو يطبق هذا القرار ستخف السرقات بأذن الله ونرتاح من المفحطين والله الواحد صار يخاف على عياله في البيت
ما دام ما فيه رادع لهؤلاء اللصوص ..
واقول لكم قصه صارت لاحد الاشخاص اللذي اعرفهم . عند احد محطات البنزين على طريق الرياض نزل للبقالة واهله في السياره جيب لاند كروزر وما يسمع الا صوت الكفرات . المصيبه مرته في السياره وطفلين والخدامه .قامت المره فتحت الباب وقفزت وفي يدها طفل والخدامه في المرتبه الخلفيه ومعها طفل اتوقع في سنه الثالثه او الرابعه قفزت واصيبو برضوض لاكن سلموا ولله الحمد.. والجيب راح وعند مطاردته انقلب واصيب السائق او اللص بشلل رباعي ..
واعذروني لسوء طريقة التعبير لاني مستعجل....

[ابوناهض.]

اكود الخبر صحيح ياولد ,, الله يجزاك خير

[ذيب المقانيص]

يارب ان هالخبر صدق عشان يتوبون ماعاد يسرقون

[الطنايا_hail]

جميع الردود تنظر الى جهه معينه؟!!!

ليش ماسألنا انفسنا,,,

ليش يسرق؟؟

(((اكيد الحاجه))

زين تتوقع اذا وفرت له وظيفه راح يسرق!!!

واذا صار بجيبه فلوس تتوقع راح يسرق!!!

لا لا لا لا.. :no2:

لا تقولي ابوه والا امه راح يعطونه فلوس ^بعض المراهقين يروح يسرق ولا يطلب اهله افلوس (((لانه يشعر بالاهانه))


اعرف ناس قديما كانوا اكبر حراميه ,بعد ماتوظفوا تسنعت امورهم وشتروا سيارات (ولو تجيه الحين تقوله رح اسرق راح يضحك عليك)


فكروا زين....


والسلام عليكم

[أبوجهاد التبوكي]

الحمدلله....

[العاذر]

.......................
.................................................. .........................
فكروا زين....
والسلام عليكم

نفكر زين ؟
وشلون.. نفكر زين ..
الله يهديك .. كونه محتاج ما يسرق سيارة بـ100الف ولا يبرر له
وانا اعرف قصدك لكن المحتاج ما يسرق فوق حاجته ..( لو افترضنا مثلا)
ويدمر ممتلكات الناس ..
وبعدين من قال ما عندهم وظايف ؟
الان حبيبي اصبحت تجااااااارة .. وبزنس
ويسرق علشااااان مخدراااااات
الظاهر ما احد سرق لك حاجة ..( الله يكفيك شرهم )
وما ذقت حرقتها في قلبك ( الله يبعدها عنك)
وبعدها تعرف تقول فكروا زين ..
تحياتي لك اخي العزيز

[سموالمرقاب]

اهم شي تطبيق الحكم سواء سعودي او اجنبي اللي يروح ويجي ولحد حوله:mad:

[((ابوملاك))]

ياليت يطبق سواء هندي ولا سعودي ولا بنقالي ولا امرريكي ولا اوروبي

ياليييت

واللي يقول محتاج محتاج

باللعنه

ما يروح ياخذ حلال غيره وقسم بالله لو يروح للامير نايف ولا الملك عبدالله

والله مايقصرون معاه بالوظيفه اللي يبي

[خالد البدائع]

أنا ما راح أصدق الخبر إلين أشوف بعيوني الثنتين تطيير الأصابع و اليدين , ها كالساعه أصدق
(الله يحفظ لنا أسد السنه الأمير نايف و رجاله)

[العابر سبيل2]

اللهم احفظ لنا الامير نايف واحفظ لنا محمد بن نايف فهم بعد الله الدرع الواقي لأمن هذه البلاد

[خيال العشواء]

المصدر ياسيدي

[برق_جدة]

المصدر الله يجزاك خير

[اسطورة الصمت]

يارب يطبقونه ونفتك من هالحراميه اللي تعبونا على بيوتنا وسياراتنا وخاصه في المناطق الشعبيه ترا بجد تعبنا منهم