سؤال مهم ونبي رايكم ياصقاره؟؟؟؟؟

[نايف الخالدي]

السلام عليكم ورحمة الله وبركاته اخواني صقاقير مكشات هذا السوال يتردد دائما من الاسرع الحبارى والى الحمام
وسبب طرحي للسؤال انه يتردد واسمع ناس يتناقشون فيه :confused: :rolleyes:

[أبو رداد]

وعليكم السلام ورحمة الله وبركاته


هلا اخوي نايف ... حياك الله
سؤالك ياخوي ..... صعب الاجابه
الحبار منه صعب المنال .. والحمام منه صعب المنال
واعتقد ممارسة وضرواة الطير على جنس معين لاتقاس على الجنس الاخر
حيث عندي طير ما يلحق بالحمامه ام 12 لكن ياويلها الحباره الي ترف بجناحها قدامه
والسبب هو لانه ضاري على الحبار من اول مايخرج من المقيض لين اقيضه ورصيده اكثر من 300 حباره
وكذلك عند طير يوم كان فرخ كان في الامارات عند صديق وماهده على غير الحمام والبط
ويوم اخذته منه وعلمته وبديت اهده على الحبار كذا مره انسبق .. لكن ياويلها الحمامه الي ترف بجناحها قدامه

واذا كان مافيه بد الامن ترشيح احدهم
فانا ارشح الزاجل البري من الحمام ... لان مره شفت شاهينه فرخه وحش خرت من الحوم
وعجزت عنه بعيد ... اضافه الى شكله الانسيابي وقوة عضلاته ولياقته

صدق ينايف ردت امسح الترشيح لان تذكرت حباره تنمر كل 200 متر
ويختلف جناحا بكل تنميره ههههههههه

لالالالا خلني على الزاجل لانه موجود في وسط المقناص والوحوش اصلا ماتفكر فيه من سرعته
والسلام

[ابو عايد]

السلام عليكم ورحمة الله وبركاته

موضوع جميل ياخ نايف الخالدي ورائع

وقد كان موضوع نقاش في بعض المجالس ولم نستفد بمعلومه واضحه

ولكن الحبارى من طباعها الهجره ولا تهاجر الضعيفه او الهزيله مثل الصقور

لكن قد قرات في احد الكتب عن محمية الحبارى في الامارات ... وذكر انهم في تجربه وضعوا اجهزة تعقب

بعد اطلاقها في احد براري الامارات .... وبعد ثلاثه ايام وجدوها في الصين .......!

لكن النقاش مفتوح في هذا الموضوع ونريد معلومه شافيه ومفيده

تقبل تحياتي // العاشق الولهان

[راعي مسكت]

كلام اخوي ابو رداد عدل وخاصه حباري العراق معروفه بالسبق اما الحمام فالزاجل والدحول بعضه ماينلحق.

[fhd97]

السلام عليكم ورحمة الله وبركاته
مشكور على طرح الموضوع وما قصرت لان فعلا فيه فايده ومعلومه

دايم والشباب يهدون الطيور على الحمام فى وقت الجرد يجون الشياب ويقولون الحبارى ماهى مثل

الحمام ويقصدون السرعه ودايم يرفضون مقارنة سرعة الطير على الحمامه وقياسها على الحبارى

دايم اذا قلنا يلحق الحمام قالوا الحبارى غير

ورأيي ان الحبارى اسرع فى المسافه وسحبها للمسافه لان الحمامه اسرع فى وقت الانطلاق والمناوره

ومثل ما قالو الشباب حبارى العراق ههههههههه فيها زود سرعه ماهو طبيعى يغير مفاهيم كثيره فى الطير
المحب لكم فهد

[الفيتو]

بسم الله الرحمن الرحيم
السلام عليكم ورحمة الله وبركاته

مساء الخير يا جماعه
الحمام مهما كان سريع ليا هديت عليه ما تمشي بالموتر واجد ولو الطير ما لحقها
بس تمشي تحتها على هونك ... إيه بس الحبارى الخارم ليا طردها الطير
وتابعتها بالموتر تطير وتوقع ولا تقدر تحفضها هي والطير دون عاد انك
تجي تحتها (( في بعض المرات يمكن يتعطل الموتر بعد وإما
تعطل إحتمال وارد تفتح البيبان الخلفيه ويتثر قشك وأنت
تطرد وإلياصاد الطير يمكن تفقد واحد من إخوياك
ترجع على الجره تلقطه مع القش اللي طاح ههههههه ))

إصبر إصبر إصبر يا عجلك.. يالمري !! لاتقول ان التضاريس مهيب وحده ممكن تهد
على الحمام في سهلوعلى الحبارى في وعر . أقول صادق لكن ارجح
الحبارى الخارم في السرعه على الحمام والدليل اليا بغيت ترمي
القطا ودخلت بالموتر وهو مذير يطير لكن تلحق عليه
وترميه وتصيد ان وفق الله بس الخارم لو حاولت
تدخل عليها بالموتر وترميها تبي ترتفع
وتعدى مرمى الشوزل وانت ما جيتها

ويش ؟ ويش ؟ ويش ؟ ما سمعت ..يالمري.. وش تقول .؟
المهم الحبارى انا اشوف اسرع
والسلام
الفيتو
الحجاز
12 - جماد-1426هـ

[المري]

السلام عليكم

اخوي نايف تشكر على ذا الموضوع اللي اذا تواجهو الصقاقير قاموا يتساؤلون مثل ذا السوال وسبحان الله عيو يتفقون على رأي

واحد , واحد يقول الحبارى والثاني يقول الحمام الزاجل اسبق بكثير من الحبارى ..

وأنا اقول رأي الشخصي ان الحبارى ماهيب حول الحمامه لامن بالطيار وهي اقطع منها للمسافات وسرعتها تفوق سرعة

الحمامه , بعض الربع اللي قنصو العراق يقولون يمشون مع الحبارى 140 بالسيارة ويالله يالله ..

هذا رأي من رأي الفيتو واللي عنده كلاااام عليكم بالفيتو ...

وسلامتكم ..

اخوكم / المري

[أبو شعلان]

بسم الله الرحمن الرحيم

لاهنت على هالموضوع أخوي نايف
ولاكن اسمحولي أقولكم اللي عنده طير يطرح الحمامه سلم (السوادي) لايفرط فيه لان الطير اللي يطرح الحمامة سلم يبي يطرح أسبق حبارى يشوفها .. هذا والله أعلم ,, ولا يهونون الربع
ويعطيكم العافيه