ايهما تفضل

[راعي براك]

يسرني يا اخواني الاعزاء ان اقدم لكم هذا الموضوع لمجرد التلطيف ومعرفه ميول كل صقار :good2:


ايهما تفضل الطير (الوحش) ام( التهجين)مع ذكر السبب؟:)

[رداد المهاريب]

انا مع التهجين رغم اني في رجوع الكراوين افضل فرخ الشاهين

والاسباب ان كان اول الوقت ومقناص حباري التهجين ماعليه كلام وفي اعتقادي انه يصيد اكثر من الوحش في اليوم الواحد
اما لاحر الوقت وفي رجوع الكراوين لك عليه شوي وافضل على التهجين الشاهين الوحش

[فيصل النعيمي]

السلام عليكم
والله يا خوي انا اشوف الوحش احسن لان الوحش يجيك هاد فبلاده الي جاي منها وبعضهم مايحتاج انك اتعلمه اتهده فصيل
اما بالنسبه للتهجين
والله يا خوي عباله ولا زم اتعلمه على كل شي

[راعي الخريب]

الوحش مافية كلام
والتهجين يالله تطيحلك على شي زين

[الصارم1]

الوحش ثم الوحش ثم افكر بالتهجين


الوحش نفسيته ما تتغير بس التهجين تعلمه ويجحد في بعض الاحيان

[مخاوي الليل؛؛]

الوحــــــــــــــــــــــش

[ابرق آلريش]

,,

الوحش وانا مع اخوي
الصارم1الوحش نفسيته ما تتغير
والتهجين يجحدك بعض الاحيان
وهذا صار مع احد الربع
,,,

وتقبل مروري
,,

[ابوناصر السهلي]

الوحش لا صار عابر لديارنا لأنه (اصيل) ولأنه صايد على يده ولا يبور ويعرف انواع الصيد وعنده مناعه عن الامراض

[البروالطير]

أفضل الوحش تحس ان في ذكاء وهو يصطاد اما الهجين يعتمد علي القو تهدة مثل الصاروخ الموجة لايعرف ايسكر الريح علي صيدة ولافي اي مناورات ممتعة مثل الوحش...لكن الحق في طيرجير شاهين لصديق نعرفة عمل شغل فالحباري العام الماضي ما سونة الوحوش.

[بو هاشم]

بسم الله الرحمن الرحيم
السلام عليكم ورحمة الله وبركاته
في الاول ما كان يفرق معي وحش او تفريخ اهم شي الطير الزين والفاعل
وبعدها تغيرت نظرتي بسب تجربتي في التهجين لم اوفق فيهم كثيرين الامراض والتعب وبعدين طبوعهم تفرق واجد عن الوحش اما في المتعه المهجن امتع في ممارسة تعليمه وخطواته اكثر من الوحش
الوحش يجيك اغلب الاحيان متعلم من واقع الطبيعه اللي تعلمها من ابويه وهذا مايريح الصقارين واحب لهم واختصار للوقت
اما المهجن انت راح تعلمه كل شي هذا بنسبه لي متعه اما اذا الله وفقك بطير فاعل عزالله انه باشط في الصيد وطرب النفس
ويعطيك العافيه على الطرح

[sfalcon]

افضل الوحش

[راع الحشه]

مافيه مثل الوحش يكفيك منه اسمه

[@قرناص@]

يعتمد على الصقار ...

الوحش منآسب لانه جااهز انقل وهد ..........

اما التهجين كل يوم عذروووب ولاكنه فالأخير فيه الطيب والردي وفي السنوات الاخيره يعتمد على المزرعه .......

[مستر غربال]

اولا اخوي اشكرك على طرح السؤال

بالنسبه لي افضل الوووحش

[قرناس شماالي]

السلام عليكم
والله يا خوي انا اشوف الوحش احسن لان الوحش يجيك هاد فبلاده الي جاي منها وبعضهم مايحتاج انك اتعلمه اتهده فصيل
اما بالنسبه للتهجين
والله يا خوي عباله ولا زم اتعلمه على كل شي

[علي الصقار]

انا رايي ولا يهونون الربع كل شئ يعتمد على طيب الطير والتعليم الجيد من قبل الصقار

[صقار القبيله]

الوحش افضل
لجاك تحطه على مزاجك