جول حباري , ماهو الـجول ؟

[المري]

السلام عليكم

أخواني الأعزاء دائما نسمع كلمة جول مثلا: جول حباري أو جول كراوين او جول قطا..


فما هو الجول؟ وكم عدد الصيد حتى يطلق عليه مسمى جول؟؟


علما أن فيه ناس؟ يطلقون عليه اسم الجول رف ...

هذي صور للجول:


http://bo7or.com/imagehost/show.php/22741/jool hubari.jpg

http://www.mekshat.com/pix/upload/images9/mk1168_jool hubare.jpg


أبدا:

اتوقع اذا صارت الحباري او الكراوين او القطا عن ثلاث يسمى جول ..

هذا حسب رأي

أخوكم / المري

[تواق]

السلام عليكم

ابو معيض والله الجوووووووووووول ههههههههههه

انا اقول الحين كل واحد لشاف اكثر من ثلاث قال جول بسبب الندره والقل لكن الاولين يقولن على الجول من التسع وانت طالع

لكن الله يرزق الجميع بجول مثل ذا



اخوك / تواق

[المري]

تسلم على المشاركة اخوي ابو سلطان

الظاهر بغير رأي عن ثلاث الى سبع ...

شكرا لك على الرد وفي انتظار باقي الربع..

اخوك / المري

[نايف الخالدي]

السلام عليكم يابو معيض الضاهر ان الجول من ثلاث وطالع بس انا زعلان عليك ليه ماعطيتنا وجه نضرك في الصور الاخيره وانا كنت ابي اشوف رايك ولا قصور في الربع ؟؟؟؟؟ ولا تصدق كلن ازعل منه الى انت ههههههه

[الوافي السابع]

هلا اخوي المري
عز الله انك راعيها
والله عليك اسألة لها فايده عضيمه وربي
اشكرك من كل قلبييا بعدي
الجول يطلق على الجوزين يعني اربع طيور والعلم عند الله يا قلبي
تحيات
اخوك
الوافي السابع

[المري]

مرحبا اخوي نايف وحياك الله يالغالي..

رديت على موضوعك اللي هو ويش الأسبق الحمامه ولا الحبارى ؟؟ وحسبته ذا اثاري عندك موضوع ثاني .!!!!

أبشر بروح ادور له الين اعينه وأرد باللي كاتبه الله.. شكرالك.

***

الوافي السابع

ماعليك زود وردك وسام افتخر به ..

وشكرا لك على المشاركة..

**

اخوكم / المري

[أبو شعلان]

بسم الله الرحمن الرحيم

ماشاء الله عليك أخوي المري دايم مواضيعك تشد الواحد وخاصة بالصور

حسب معرفتي أن الجول مثل ماتفضلتو ثلاث أو أكثر

لاكن عندي سؤال هل يختلف إسم الجول إذا صار واقع ..

والله يعطيك العافيه

وماقصرت

[سرهيد1]

السلام عليكم ورحمة الله وبكاته

اخواني مساكم الله بالخير ... بالنسبة لمعلوماتي البسيطة هي كما يلي :

الزرف : ما فوق الاثنين حتى عشر
الفرق : ما فوق عشر حتى الخمسين
الجول : ما فوق الخمسين حتى ماشاء الله

السرب : ما كان فوق الثلاث ولا يعرف عدده الصحيح

والله أعلم

[المري]

مرحبا اخوي ابو شعلان

الجول ان كان طاير وان كان موقع يسمى جول..

****

مرحبا بسرهيد وحياك الله يالسنافي..

معلوماتك أسمح لي اكبر من معلوماتنا بكثير

بارك الله فيك وجعلك ذخر

***
أخوكم / المري

[أبو رداد]

السلام عليكم ورحمة الله وبركاته

هلا يابو معيض ... حياك الله
ماشاء الله سباق لاثارة المواضيع الجميله والمفيده
وشكل القيظ راح يخلص ... ومحنا شاعرين بالفراغ
اما بخصوص (الجول)
فهذا المصطلح عندنا في العراق نخص به الحبار دون غيره واذا كانو اكثر من ثلاثه
اما ( الرف) .. فيشمل القطا والوز والحمام والحجل واي طير يعيش على شكل مجاميع
وكذلك نخص الغزلان اذاكانوا اكثر من ثلاثه بمصطلح (الجميله)
لاعلم اكيد عندي بصحتها في اللغه ... ولكن هذا امر متعارف عليه عندنا
بالمناسبه انا بديت اقص اثاركم انت وسرهيد ههههههه
وكان بودي اهديك صور لرفوف ... لكن الخط مايساعد
وسلامتك

[مارشال]

السلام عليكم
حسب ما اعلم
ان الجول لا يطلق على القطا وانما (فرق) مثل الحمام
اما الحبارى والكروان والطرائد يطلق عليها جول

والله اعلم

[الجروووح]

تسلم يا اخوي على هالطرح .

واما عن الجول وعدده .

فهو علمياً مايكون مجموعه من سبع وما فوق . يسمى جول .


والله اعلم ... وانتم اهل العرف والخبرة .


تقبل تحيات اخوك .

[صقر]

حلوة مواضيعك .

حسب معرفتي سأدلي بدلوي معكم.:

الجول يطلق على الحباري والكراوين والغزلان ( الظبى)

ويطلق عليها جول عندما تكون ثلاث أو أكثر.

والله أعلم ومنكم نستفيد.

[طيرحوران]

الجول يالمري وحنا شفنا جول علشان نعلمك وشو الجول .لكن أتوقع أنه من التسع فما فوق ولاأسمعه إلا في الحباري .تحياتي

[ابو عايد]

السلام عليكم ورحمة الله وبركاته

تسلم على هذا الموضوع الرائع يابو معيض ..... موضوع جميل جدا

من ناحية الجول في الحباري من اربعين وفوق ..... هذا حسب معلومات شيبانا

والله يجزاك خير

تقبل تحيات // العاشق الولهان

[قتال]

السلام عليكم ورحمة الله وبركاته ،،،

أخوي المري .. ولا يهونون الربع ..

الزرف أقل من الجول .. وأعتقد أنه لا يزيد عن تسع ..
ودائماً يطلق على المجموعة القليلة من الطيور المسرعة ..

الجول يطلق على ما زاد عن الزرف بدون تحديد العدد .. مثل القطيع في الماشية ..

والسرب يطلق على الطيور وهي طايرة .. ولا له بالعدد شي ..

وأما بخصوص الحباري .. حسب ما أعلم بأنه يطلق على العشر وأكثر الحوش ..

والله أعلم ..

[المري]

مرحبا ومسهلا بقتال والحمد لله على السلامة مبطي وحن فاقدينك عسى ماشر؟؟

تسلم اخوي على المشاركة في الموضوع.. وماقصرت

أخوك / المري

[قتال]

السلام عليكم ورحمة الله وبركاته ،،،

هلا فيك يا بومعيض .. ما شر إن شاء الله ..

شاغلنا الدوام .. وبعض الضروف .. أدع لنا الله يفرجها ..

إلا أنت كيف حالك يا الغالي .. والصورة الأولى منين أنت جايبها ..

[المري]

ليش تسأل ؟؟

كأنك بتخاويني صوبها علمتك

اخوك / المري