قفل السلاح

[MjNo0oN]

بسم الله الرحمن الرحيم

السلام عليكم ورحمة وبركاته

يا شباب شفت في مواقع لمحلات خارج المملكه اقفال للسلاح بجميع انواعه من السدسات و البنادق وغيرها وجازت لي بحيث انها ماتسمح للأطفال اللعب في السلاح وتزيل الخطر عنهم وحتى للكبار و الشباب الطايش

وهاذي بعض الصور لها

http://www.mekshat.com/pix/upload04/images177/mk112975_6078.jpg

وهاذي الثانيه

http://www.mekshat.com/pix/upload04/images177/mk112975_26377.jpg



وياليت الي عرف اماكن بيعها في الرياض او في المملكه ياليت يدلنا عليها ويفضل وجود السعر والي يعرف لعيوبها ومميزاتها لايخفيها عنا

[صيادالشرقيه66]

وعليكم السلام ورحمة الله وبركاته
يعطيك العافيه اخوي مجنون على الموضوع
والله الواحد لازم يحتاط بس انا ما سمعت انه موجود
في الشرقيهاذا موجود يفيدونا الاخوان ان شاء الله
وان شاء الله موجود

[ابونواف نيسان]

قفل ممتاز ويستاهل الشراء

[مكسر اللمبات]

أخوي السنيدي عنده قفل للسلاح بس مختلف بس القفل الي عندك بين انها ممتازان شاءالله يفدونك الاخوان

[هوايتي مكشات]

شي طييييب ياغالي...........

[MjNo0oN]

هاذا القفل لقيته في موقع لاحد المحلات في الكويت والاسعار متفاوته مابين ال40 ريال لل120 ريال صراحه المحل ممتاز ويستاهل الزياره

وهاذا رابطه

http://www.mmcfishing.com/

[MjNo0oN]

وعليكم السلام ورحمة الله وبركاته


يعطيك العافيه اخوي مجنون على الموضوع
والله الواحد لازم يحتاط بس انا ما سمعت انه موجود
في الشرقيهاذا موجود يفيدونا الاخوان ان شاء الله

وان شاء الله موجود


الله يعافيك واكيد الحيطه و الحذر واجب وانا اخوك وانا عجبني هاذا القفل خصوصاً ان ام صتم تلقاها في المزرعه في كل مكان والصغار يلعبون بها بعض الاحيان وخايف عليهم لايجيهم شي والكبار مهوب موجودين
والله يسمع منك لعل وعسا نقدر نوصل لها

شاكر لمرورك

قفل ممتاز ويستاهل الشراء

نبيه بس وينه...!!! وجاري البحث عنه

يعطيك العافيه على المرور


أخوي السنيدي عنده قفل للسلاح بس مختلف بس القفل الي عندك بين انها ممتازان شاءالله يفدونك الاخوان

قفل السنيدي بمفتاح مثله او لا واذا كان بمفتاح ياليت مجربين له اخاف يكون مثل الاقفال ام ريالين ماينفع اي مفتاح يفتحه

مشكور يا الطيب على الرد


شي طييييب ياغالي...........
جزاك الله خير يا اخوي

ومشكور على ردك

[بريداوي اصليm]

قفل ممتاز وأمن
بس لو موجود ما شريته
يكفي زر الأمان
مشكور

[MjNo0oN]

قفل ممتاز وأمن

بس لو موجود ما شريته
يكفي زر الأمان
مشكور

معليش يا اخوي ولد اخوي مثور في رجلي بـ ام صتمه ديانا وانا قايل له لاتلمسها ومامن عليها وشايل الفشق منها << الحمد لله انها جت سليمه وما احتجت الا عملية لاستخراج الصتم وتنضيف الجرح وربك ستر علي

والدعوه تامين وزيادة حرص هالمره جت سليمه جرح خارجي فقط اما المره الجايه الله يستر من العواقب

وعن نفسي ان مالقيته سافرت له مخصوص اجيبه من الكويت لاني محتاجه

[بريداوي اصليm]

معليش يا اخوي ولد اخوي مثور في رجلي بـ ام صتمه ديانا وانا قايل له لاتلمسها ومامن عليها وشايل الفشق منها << الحمد لله انها جت سليمه وما احتجت الا عملية لاستخراج الصتم وتنضيف الجرح وربك ستر علي

والدعوه تامين وزيادة حرص هالمره جت سليمه جرح خارجي فقط اما المره الجايه الله يستر من العواقب

وعن نفسي ان مالقيته سافرت له مخصوص اجيبه من الكويت لاني محتاجه

الحمد الله ع السلامه
ماتشوف شر أخوي
لا بس يعني ماهي معقوله ولا بالعقل أعشق البارود داخل البيت
بين البزران أكيد أبحطه بالجراب وأقفل عليه
ع العموم جزاك الله خير ع الموضوع المفيد

[MjNo0oN]

وانا اخوك رافعين عنهم الرصاص ومفضين البنادق بس انهم قشران وسكن ماتدري من وين يجوبونها منه ولمعلوميتك نقفل عليها في غرفه ويطلعونها سكن مهوب اوادم والله لو تشوف وشلون يطلعون البنادق تمسك راسك وسراقه وتحدي بيناتهم وان قفطناهم خذلك هواش وبعض الاحيان نجلدهم وفوق هاذا كله يطلعونها وبدبرون لهم فشق ((عصابة بزارين واذا نشت منهو الي مطلعها كل واحد يشر على الثاني))

انت مابعد جو عندك مثل هالسكن الي عندي يشيبون شعر راسك ((تشوفه راكد وش حليله وماتتوقع منه الخطيه ماتدري الا وانت تسمع اصواتهم على الفجريه -انت عليمي وانت ماتعرف هاتها انا احسن منك)) وعجزنا عنهم زعلنا عليهم وهاوشناهم وجتنا فتره نمردغ الي نمسك معه البندق وحسنا في هالغرفه لين تعبنا ويطلعونها كنك با ابو زيد ماغزيت نشتغل منا وهم يطلعونها منا

يعني بهالقفل بيطفشون منها ولاعاد بهم محاولين يطلعونها

لمعلوميتك الموقع مزرعه وليس منزل ((وهاذا الي مبهذلنا زود)) لانها كبيره

[أبوصقر]

هذا تحصله وأنا أخوك عند السنيدي..بس الموجود عنده بدون مفتاح..عليه أرقام سرية..نفس نظام شنط البكم القديمة..

[نباك]

والله انه جيد لم ابو محاله لانه ماله تامين

[اهل الردات]

جيد وحلول مشكووووووووووووووور

[عقيد حرب]

يفيدونك الاخوان

[جبل الحضر]

شي طيب الله يعافيك على الخبر والصور

[sameer_1798]

الاقفال انواع عديده فيه مثل الشكل الاول قفل الزناد وفي بعضها قفل الترباس وفيه للسبطانه
وافضلها قفل الزناد لانه يركب على اي سلاح اما الانواع الثانيه تكون مخصصه لكل سلاح
على حسب ماقرأت انها تباع في جده بمحل المقناص وأسعارها حول 100 ريال
هذا النوع لقفل الزناد للكلاش

[هوا]

يعطيك العافية على هذا الخبر

[MjNo0oN]

يعطيكم العافيه وانشااء الله بنسير على السنيدي عما قريب

[وقت]

يرحم والديك