وش الحل الوحش يكفخ عند مانقله ودهله

[راعي الدويمع]

السلام عليكم ورحمة الله وبركاته
وش الحل الشيهانه فرخ ووحش وتكفخ عند ما أ نقله وهومفرع وله على ها الحاله 9 ايام كل ما فرعته كفخ

[البروالطير]

السلام عليكم خبرتي قليلية مقارنة بالصيادين بخيمة الصقور .ولكن جرب انك تكون شايلة دوم لمدة يومين وأذا تعبت اعطي غيرك ايشيل الطير وسهره ماتخلية يطوي اينام وعودة علي كثرت الناس حولة ونقص علية العلف .ونشالله يفيدوك الصيادين أبخير من رأيي..

[الفيتو]

بسم الله الرحمن الرحيم
السلام عليكم ورحمة الله وبركاته
صباح الخير/ راعي الدويمع
عندي راي وجربه
غرق الطير بالماء وهو مبرقع غرقه
عقب انقله مفرع في مكان مايمشي وراك احد
كم يوم .. واليا دعيت الطير
بيترك هالطبع بإذن الله
*
والسلام
AL Khapt Brother Naif
الحجاز
14-9-1431هـ

[ولد مساكن]

السلام عليكم ورحمة الله وبركاته
يا خوي عليك تبخ الطير بالماء و حاول تكون ناقله طول اليوم و حتّى لو خرجت من الدّار حطّه على الوكر و هو مبرقع أمام التلفزيون و حتّى في الليل حطّه مقابل التلفزيون و حط قناة حواريّه حتّى يعتاد على صوت البشر و قصّر عليه بالعلف و اللّه يوفقك

[ابوناصر السهلي]

سهره وطمره يوم ولا يومين ورشه بالماء وانقله دايم ويطيح اللي في راسه وماقصر اخوي اللي قبلي افادك

[قنااااص]

فعلا طوفه لاتعلفه وأسهره..

والاخوان ماقصروا..

[ابو عمار 2006]

والله الشيهانه بطبعها تكفخ لكن ساهرها وانقلها واقصر عليها

[قرناس شاهين]

بخ الطير كل ماكفخ بالماء وبخه واجد

حاول تعطيه اعلف وهو مفرع واذا برقعته شغل له التلفزيون

[قرناس شماالي]

بسم الله الرحمن الرحيم

السلام عليكم ورحمة الله وبركاته
صباح الخير/ راعي الدويمع
عندي راي وجربه
غرق الطير بالماء وهو مبرقع غرقه
عقب انقله مفرع في مكان مايمشي وراك احد
كم يوم .. واليا دعيت الطير
بيترك هالطبع بإذن الله
*
والسلام
AL Khapt Brother Naif
الحجاز

14-9-1431هـ


:good2::good2::good2::good2::good2:

[أبوفرحان]

افااادوك الاخوااان الله يجزااهم خير

[راعي طلاع]

الشيهانه يبيلها صبر عليك بالما واقصر عليها بالعلف ............

[كنق الشرقيه]

افادوك الاخوان

[قنيص غير]

افادوك الاخوان اخوي

[عزوتي وايل]

السلام عليكم ورحمة الله وبركاته
يا خوي عليك تبخ الطير بالماء و حاول تكون ناقله طول اليوم و حتّى لو خرجت من الدّار حطّه على الوكر و هو مبرقع أمام التلفزيون و حتّى في الليل حطّه مقابل التلفزيون و حط قناة حواريّه حتّى يعتاد على صوت البشر و قصّر عليه بالعلف و اللّه يوفقك

جاك العلم:good2:

[النـادر]

سبحان الله ياخوان لاتفتون خطا

الشاهين مايطوف مايخطر ابد

اخي اذا نقلت طيرك اقصر له فالجرير لاتخليه طويل عشان مايتلف ريش الذنيبا وانقله دايم ولاتفرع به على طول فرع به شوي شوي اذا شفته مل برقعه وخذلك شوي وفرع به لين يتعود وان رشيته بالماء في دواغره وكفوفه ابرك واحس لكن نصيحه لاتتطوفه (لاتخطره)

[كامب نو]

سلامي للجميع... والربع افادوك عليك بالماء

[لبيه يمنادي]

طول بالك علي طيرك وابشر بالعشاء

العجله وانا خوك مافيها خير

النقل المستمر والسهر والصوت والتفريع بين الفتر والفتره والنقص في الاكل ورش الماء

جميعها عوامل اتساعدك في ترويض الطير .

[رياض 11]

الخوان عطوك الصحيح

[ملاعب السباع]

الشيهانه يبيلها صبر عليك بالما واقصر عليها بالعلف ............

ماقصرو الاخوان
وهاذا الحل طيب بحكم البر والخلاء ماعندك لا تلفزيون ولاغيره
لاكن أبعطيك حل أنشاء الله ينفع معك وجرب على التوام الشياهين ونجح
خذلك مطاط حق الفلوس وأطبقه لفتين وأجمع الذنيبا وخله في المنتصف
وخل طيرك مبرقع وقت المطاط في الذنيبا وقبل لاتفرعه اسحب المطاط
ولا تعودها رش الماء كثير ولا على المطاط يعني بين فتره وفتره
ولا تقصر عليها بنقل على يدك قد ماتقدر
والله يركده وتاكل من صيدها وتنومسك في المهاد

[جير شاهين DK]

السلام عليكم كلام اخوي الفيتو 100% ومجرب وناجح

[العاتق]

بخبرتي المتواضعه... رش الطير وثم انقله وخليه فتره طويله على يدك ودهله واذا تعبت خله على وكره من غير برقع طبعا وتكون امام الطير حركه مثل اطفال يلعبون او عند اي ممر في البيت اهم شي لا تعزل الطير لحاله خليك على هالحال ثلاث ايام وشوف النتيجه...بالاختصار
1- رش الطير ضروري
2- تدهيله على يدك ضروري جدا
3- لا تعزل الطير لحاله مهم جدا
4- لا تبرقع الطير فترات طويله مهم جدا جدا...
بعدها انشاء الله الطير يهدأ ويركد... تحياتي

[دعاس]

اضافه لما ذكروا الاخوان
انقلها على يدك وهي مبرقعه لفتره ونقزها عن العلف ليله وحده
ونسرها على يدك قبل تكشفها’’وعطها صديف واحد وبرقعها
ولا تكشفها ’’’ال ثاني يوم وسوها معها نفس اول واذا حاولت تكف خلها تكفخ ياما تمل لانها تعودت انها اذا كفخت برقعتها وخل مرش الماء معك وبخ على ارضيتها وعلى صدرها وحاول تكشفه بزاوية المجلس
حتى مايمر من حولك ناس وتنشغل فيهم
وخل صنعتها زينه اذا هي تركيه ترى التركيات مايدانن الجوع ويمكن هذي ضعيفه
وتقبل مروري

[راعي الدويمع]

يعطيكم العافيه جميعا من اول من ردعلى الموضوع الى اخر واحد ر دعلى الموضوع وبيض الله وجيهكم جميعا

[مختااار]

ماشاءالله الاخوان ماقصرو كلهم صقاقير وعطوك المعلومات

اهم نقطه بين النقاط

1 ..... تطمر الشيهانه بشكل مستمر على اساس تتعود على الدس

2..... كثرة النقل على اليد بعد العلف

3.... بعد العلف قطع لك نسور خفيف متقاطع وحطه بين اصابعك اذا حسيت تبي تكفخ عطها نسور خفيف اطمئنان
لها لكي لا تكفخ وهذا يركدها اكثر على الدس ....... وتقبل مروري

[skeet]

والله ياخوك هاذي على كلامك فرخه وشتبي فيها تفرعه وتركده هاذي خرشه ما تركد

[الهاجري ج]

أفاادوك الاخوان


والفيتو ولا يهونون اخواني جاك بحكم الفيتو ...عطاك العلم :good::good::good:


والدعوى يبيلها طولة باااااال وعدم إستعجال واذا عاندته زاد اعناده ولازم الطير يآمنك على نفسه لانه يكفخ خااايف منك
خله يدري ان حاجته اللي هي العلف عندك وحاول انك وقت عشاه ماتسحب العلف منه غصب لانه يزيد في الوحاشه كذا
ايضا حاول تعلفه قطع لحم صغيره تخليه ياخذها من اصابعك


كل هذا علشان تأمن الطير
بعدها افعل ما بدالك

[المظلي 1]

السلام عليكم ورحمة الله وبركاته
عندي راي وجربه
غرق الطير بالماء وهو مبرقع غرقه
عقب انقله مفرع في مكان مايمشي وراك احد
كم يوم .. واليا دعيت الطير
بيترك هالطبع بإذن الله رائى من رائى اخوى الفيتو