ارجو من الجميع الدخوووووووووووووووول

[راعي طلاع]

السلام عليكم ورحمة الله وبركاته

يالربع ابي فزعه منكم وفزعه بدراهم لكن النصيحه منكم انكم توصوني

او تدلوني يالربع ولكم الاجر بما ان سهيل ظهر والفحول كلها ايام وتبدى

ظهورها تبرد والله يجيب الرزق والخير على المسلمين المهم يا اخوان

ابي دكتور فااااااااااااااااااااااهم ذبحونا هالنصابين لان عند اخوكم ثلاث

نياق طيبه ثنتين ماولدو ابد واما الثالثه فمبطي ما ولدت ونبي نشمي

بحقه يدخل على الابل الفحول كل سنه تضربها ولابه شي صيد وقطعنا

وحدتن منهم جانا واحد وقال معشش واظهرناه والى يومك لا جديد فنبي

واحدن فااااااااااااااااااااااااااااااااهم يفيدنا ونفيده الموقع مفرق رماح وعسى الله يكتب الخير .....

[عبدالله العمرو]

حياك الله اخوي الواضح انهن معششه وللأسف ما اقدر افيدك لأني بعيد عن منطقتك ... ربما الأخوان بإذن الله يفيدونك ....
راجع لاهنت العيادة البيطرية (http://mekshat.com/vb/showthread.php?t=106195)
(( العياده البيطريه لخيمة الإبل والخيل (http://www.mekshat.com/vb/showthread.php?t=106195) ))
لأخينا الحبيب خيال الصبحا وستجد بإذن الله حلاً لمشكلة نياقك ..
مع التحية /

[كامب نو]

سلامي للجميع ومن غير قصور في الموجودين.... يبيلك واحد باخص في هالأمور إبعد عن الدكاتره ... واحد من أهل الأبل... خله يغرف عنها وينظف رحمها.. ويشوف الصيد ويقطعه عنها... وبعد هذا كله يحط في داخل الرحم حبوب لونه زرق للقاح وبعد ثلاثة أيام تكون هي والفحل في شبك واحد ما تطلع ولا يفارقها الفحل مره لين تتعاشر والله يا جعله... الله يباركلك فيها... وإنشد عن واحد شايب في الجنادرية رشيدي يمدحونه

[كتام]

والله ياخوي ياخوفي اللي دخل على الناقه قطع شعيراها....
والشعيرا لا راحت ما عاد به شي إسمه عشاااار :(

[راعي طلاع]

اخوي المشرف عبدالله مشكور وسيعمل بالنصيحه.........

[راعي طلاع]

سلامي للجميع ومن غير قصور في الموجودين.... يبيلك واحد باخص في هالأمور إبعد عن الدكاتره ... واحد من أهل الأبل... خله يغرف عنها وينظف رحمها.. ويشوف الصيد ويقطعه عنها... وبعد هذا كله يحط في داخل الرحم حبوب لونه زرق للقاح وبعد ثلاثة أيام تكون هي والفحل في شبك واحد ما تطلع ولا يفارقها الفحل مره لين تتعاشر والله يا جعله... الله يباركلك فيها... وإنشد عن واحد شايب في الجنادرية رشيدي يمدحونه

اخوي كلامك طيب ما ذبحنا الا العالم النصابه واما من ناحية الرشيدي

جبت واحد من الجنادريه بس ماهوب شايب لكن لك عليه وان كان عندك

رقم احد تبخصه تكفى افزعلي ياخوك وشكرا..........

[راعي طلاع]

والله ياخوي ياخوفي اللي دخل على الناقه قطع شعيراها....
والشعيرا لا راحت ما عاد به شي إسمه عشاااار :(
لا ابدا سليمات ولكن البل عليها زود حال بعد........

[Hch]

الله يعينك والله انها تمرضك لاصارت كذا بعض الناس في يده بركه وبعضهم يزيدها قشر ..
شف الرشيدي اسمه حمد في الجنادريه جيد يمدحونه وانا والله ماعرفه لكن في ريجيل في الجنادريه تقهوية عندهم الاسبوع اللي راح يمدحونه ..
لاتكثر علاجات عليهن بس جب الرجال وخله ينضفهن ويقطع اللي تبي تقطيقع وقله ابيك تشذبلي فقاره وهو يعرف يقطعه لين يدمي بالموس ..
ان شاالله السنه الجايه تمنحنه وعيالهن تحتهن قل امين.

[راعي طلاع]

لاهنت وجزاك الله خير وسيعمل بالنصيحه............

[هلي 1999]

يادافع البلا في واحد بس بعيد عنك وانا اشهد انه دختور مامثله بس انه في رنيه وعصيمي شايب يفهم بالابل فهم كم مره فكنا من مشكله وبيض الله وجهه لكن اترك الدكاتره وبس خذ العلم
ومن ناحية الرشيدي اللي قاله ابى اتنشد عنه دام انه بالجنادريه وابى ابحث عنه وابشر باللي يبى يدور لك عن اطباء فاهمين والله يفرجها عنك ان شاء الله

[راعي طلاع]

بيض الله وجهك يا هلي 1999 وان كان خبرت احد علمني تكسب اجر يا كحيلان

ولا هنت لا انت ولا من شارك............

[مشراق المر]

السلام عليكم
الله يبارك لك بحلالك يارعي طلاع خذ الرقم لرشيدي بالجنادريه
اسمه حامد رجال فاهم ومجرب 0554588060

[راعي طلاع]

السلام عليكم
الله يبارك لك بحلالك يارعي طلاع خذ الرقم لرشيدي بالجنادريه
اسمه حامد رجال فاهم ومجرب 0554588060
لاهنت يا كحيلان وجزاك الله خير.........

[ابوحمد 2009]

يفيدونك الاخواان