غشيمهـ تطلب المشورهـ من اهل الخبرهـ

[عضوه جديده]

السلام عليكم ورحمة الله

سجلت هنا لخبرتكم ماشاء الله وانا اتابع المنتدى وبالاخص الكشتات اللي دايم ينزلونها الاعضاء واتابع التقارير الرائعه والمسابقات لكن الان ابي اخذ من خبرتكم شوي لاني غشيمه بامور القارمن وماجاوره وابي اشتري جهاز هديه ولا اعرف اي شي عن هالجهاز


اتمنى منكم مساعدتي بنوعيه تكون كويسه وسعرها يكون معقول ومميزاتها عاليه مع وضع الاسعار واذا امكن اسماء المحلات المتوفره في كل من الرياض والدمام

واي شي بخاطركم عن الاجهزه اكتبوه

وابي ذكر المميزات لاني ماحب ادخل محل وانا ماادري عن الشي اللي راح اشتريه لابد يكون عندي خلفيه كامله عن الجهاز

الله يعافيكم ادري طلباتي كثير لكن املي بتلبية طلبي اكبر

انتظر منكم الردود

الله يعافيكم جميعاا

دمتم بود

[tammam]

طالما انه هدية فحدثينا عن المهدى اليه راعي\ـة بر او بحر اوسياحة مولات واسواق والمنسب لكل هذه المواقف كلها هو جارمن اوريقون 550 وتجدين استعراض عنه في الماضيع اللميزة

[عبدالعزيز-1]

شخصياً انا افضل اجهزة النوفي

وتحديداً جهاز نوفي 775 لانه جهاز صغير ظريف خفيف و فيه خرائط امريكا واوروبا اصليه وهي مايهمني في الحقيقه.

وامكانيات الجهاز جباره

[الجمــــــــــــــل]

اول شيئ كم الميزانية للهدية الأجهزة سعرها من 500 ريال الى 2000 ريال

[أبوعُمر]

1410 الآن عليه عرض عند دارموجة 900 ريال

[bassam abdullah]

وعليكم السلام والرحمه

لازم تحددين لنا الاسعار

لكن عندك نوفي 780 بس ماادري عن سعره

وعندك نوفي 205w وسعره مناسب 500 ريال

ومن ناحية الشراء واماكن البيع فيه بعض الاخوان هنا يعرضون لك الاجهزه اللي تبينها

او روحي لجرير تحصلين عنده عروض

اتمنى اني افدتك لو بشي بسيط

[الروض]

نصيحة أخ
ابعدي عن دار موجه وعن جرير حرامية
خوذي من عند محل خرائط الصحراء اسعار معقولة وخرائط ممتازة
وزوري موقعهم على النت اكتبي
في قوقل موقع خرائط الصحراء
تحياتي

[عضوه جديده]

الجهاز اللي ابيه يوضح خرائط المدن او الطرق بين المدن سواء داخل المملكه او خارج المملكه

الميزانيه من 1000 الى 1500 تزيد بشكل بسيط

وابي اعرف وش الفرق بين النوفي والجارمن ؟!!

هل هو مسمى الشركه فقط او فيه مميزات تختلف من جهاز للاخر

اشكر كل من رد ع الموضوع والله يعافيكم وماقصرتو وجزاكم الله خير

[الجمــــــــــــــل]

النوفي مجموعه أجهزة تتبع شركة جارمن وتتميز بشاشاة تعمل باللمس
واذا الميزانية 1500 أنصح ان لا يطلع الاختيار عن احد هذه الأجهزة على الرابط
http://www.desertmaps.com/products.php

http://a.imageshack.us/img801/1976/93235896.jpg

[كل القصيد]

باختصار شديد النوفي من انفيجيشن وتعني الخرائط وهو ممتاز للخرائط والمعالم الحضارية داخل المدن
وال جي بي اس ممتاز لتحديد المسارات ووضع الخطوط الدلالية داخل الصحاري والبحار
هذا باختصار
وحسب كلامك خلك على النوفي

[ابورشيد]

هذا احسن وببلاشhttp://mekshat.com/vb/showthread.php?t=324567

[awod]

ممتاز الله يدلك على الشي الزين
انا من ناحيتي استخدم النوفي للطيران الشراعي وممتاز جدا .
بالتوفيق انشاءالله.

[ابو باسل]

ياحظه ياليت واحد من أهلي زيك يهدين

[عضوه جديده]

جزاكم الله الف خير


الله يعافيكم جميعا وماقصرتو


طيب سؤال اخير علشان مااحس اني داخله المحل وماادري وش السالفه


بالنسبه للتركيب .. هل يحتاج لتركيبه في المحل او تركيبه سهل وعادي


وبالنسبه للجهاز هل ينزلون فيه الخرائط بشكل تلقائي يعني يتبع نفس السعر او لازم انزلهم انا من نفس المحل يعني لها ميزانيه ثانيه وغير كذا اكيد فيه اصدارات بالخرائط اذا ممكن ايش اخر اصدار اطلبه ينزله


غير كذا هل فيه اكسسوارات يحتاجها وتكون مهمه وتسهل علي او مايهم ..


ابي اي اضافات تحسون انها مهمه وانا غافله عنها

وياليت اسم محل معين تنصحوني فيه وبالذمه علشان اروح له مباشره وبالنسبه لمحل خرائط الصحراء وين فرعه بالرياض او بالدمام وياليت اللي يعرف محل بالرياض او بالدمام يكون ثقه يبلغني عنه واكون له شاكره





ادري الطلبات كل مالها تزيد لكن الله يكتب لكم الاجر

[وحيد الدرب]

ابي اتكلم عن جهاز النوفي
مافيه شي يحتاج تركيب
يجي الجهاز بالكرتون معاه شاحن بالقاعدة وسلك التوصيل بالكمبيوتر
بالنسبة للخرائط
هناك الوكيل (دار موجه) بالدائري الشرقي بالرياض بين مخرجي 12 , 13 باتجاه الجنوب واعتقد انه ينزل الخرائط
هناك اشخاص يبيعوه بالنت وينزلون خرائط الصحراء والبراري بالاضافة الى الخرائط التي تكون بالجهاز من الأساس مثل أوروبا وغيرها
الفرق ان (دار موجه) يضمن الجهاز بينما عن طريق النت بدون ضمان لكن هناك فرق كبير بالسعر
اضافات أخرى
الجهاز يجي معاه شاحن سيارة فقط
ممكن تشتري شاحن منزلي وجراب
والسلام

[اابوسلطان]

جزاكم الله خير

[الجمــــــــــــــل]

]وياليت اسم محل معين تنصحوني فيه وبالذمه علشان اروح له مباشره وبالنسبه لمحل خرائط الصحراء وين فرعه بالرياض او بالدمام وياليت اللي يعرف محل بالرياض او بالدمام يكون ثقه يبلغني عنه واكون له شاكره



محل خرائط الصحراء

http://www.desertmaps.com/pages.php?id=2#

للإتصال

هاتف 4176665 1 00966

جوال 0555253917

info@desertmaps.com

العنوان البريدي الرياض 11362 ص.ب 291456

موقعنا الرياض - الدائري الغربي - بين مخرج 28 و مخرج 27 في الجهة الغربية بعد تجاوز بنك البلاد بحوالي 50 متر

الأحداثي N 24 34.213 E 46 36.861

علما انه يوجد عندهم توصيل مجاني للأجهزة

[tammam]

الاوريقون هو الانسب من كل النواحي قيمته عند السياري 1200 ريال تقريبا ويقولون توصيل للبيت وعليه خرائط الصحراء

[عضوه جديده]

الله يجزاكم خير جميع

واللي عنده اي اضافه وراح تفيد لايقصر علينا فيها

الله لايحرمكم الاجر بهالشهر

[MjNo0oN]

دامه هديه وتبين توضيح للمدن فقط

اتوقع من افضل الاجهزه النوفي w205 لان ماعليه حسوفه لو يخرب وسعره رخيص اذا خذيتيه من الموقع لان الاعضا تبيعه وتقرين تاخذينه من موقع امزون بـ450 ريال واصل لمكانك بـس يبيله برجمه وتنزيل خرايط
يعني خذي من الاعضاء جاهز ببرامجه وخرايطه اسهل واسرع

[االجباب]

1410 الآن عليه عرض عند دارموجة 900 ريال

انا مع ابو عمر الجهاز معالجة سريع وحجم الشاشة 5 بوصه اكبر شاشه وهذي ميزة

جميع الاجهزة نفس المواصفات مافية اختلاف الا بالاحجام 1410 مناسب جدا

بالتوفيق ورافقتكم السلامة في الحل والترحال