... موضوع لنقاش الله لايهينكم ...

[ابوسمرى]

السلام عليكم ورحمة الله وبركاته
والصلاة والسلام على رسول الله

يأخوان موضوعي عن الشيهانه التركيه
ناس قالو انها ماتنفع ولايرغبونها الصقاقير وناس قالو ابد ممتازه ومجربه
أبي العلم الوكاد الله لايهينكم..

[عاافك الخاطر]

وعليكم السلام ورحمه الله وبركاته

اخوي ابو سمرى مساك الله بالخير اول شى الشيهانه التركيه مو كلهن تجي مايحتاج بلعكس بعضهن لابااس وبعضهن الله يعزك ماااش ماهي مثل الفاارسيه ماشافت ذبحت ولك تحياااتي...

[الطبشي]

والله ياخوي
مب كلهن سوى
اذكر جت عندنا تركيه سبق فارط وماشافت ذبحت
لاكن الاغلبيه ماينفعن ابد
000000000000000000000

[راعي الهريس]

عليكم السلا م اخوي
جربت التركيات لاكنها مزاجيه يوم تعطيك الطيار الي يحبه قلبك ويوم تطيك الطيار الي يدبل كبدك وبعضها يفعل ويطير وهذي نادره وسئل المجرب0
تقبل مروري0

[ABN-DSHIN]

وعليكم السلام ورحمه الله وبركاته

موضوعك جميل

منول ابوي عنده تركيه 14 * 14 تقريبا ...

وأقنص معه وصادت 4 كراوين (الريش عند الريش )

وصادت الحبارى عقب ما علمناها عليها (ماجاتها فصيله)

ومزاجها مضبوط وكل ما منها زين وضاعت على كروان عقب طير ..

والسنه اللي فاتت شرينا بحريه (خلويه) الله والعالم ثنو 15.5 * 15.5 او تقصر شوي ...

فقالوا انها فارسيه وقالوا انها من كازاخستان (مطروحه في رفحاء) على ما اعتقد

والشاهين هذي كل شي تشوفه بعينها تطلبه (حمامه بر + حمامه بلاد + كراون + طيور بحر (النوارس واللي مثلها) وطلبت اللي كنه حبارى (طير بحري) ولا هديناها لقرب البحر


وسلامتكم

الأفضل (الفارسيه الوافيه) اللي كل شي تطلبه

[AL-DOSSARY]

عليكم السلا م اخوي
جربت التركيات لاكنها مزاجيه يوم تعطيك الطيار الي يحبه قلبك ويوم تطيك الطيار الي يدبل كبدك وبعضها يفعل ويطير وهذي نادره وسئل المجرب0
تقبل مروري0

هذا اللي انا شفته .. التركيييه طيارها على المزاج .. مرررررره سبوق .. ومره تطلب الصيد شوي وبعدها .. تهون

ويفيدونا الاخوان ..

[@قرناص@]

عليكم السلا م اخوي
جربت التركيات لاكنها مزاجيه يوم تعطيك الطيار الي يحبه قلبك ويوم تطيك الطيار الي يدبل كبدك وبعضها يفعل ويطير وهذي نادره وسئل المجرب0
تقبل مروري0


مزآآجيييه والله يعينك عليهـآ .. غير المكافخ والنفسـيه فيهآ ..

أنصحك بمثلوثه البحر آفضلك ,,

[أبوفرحان]

افاااادوك الشباااااااااب

[ابوناصر السهلي]

عطوك العلم وافادوك وابركلك الفارسيه

[ابوسمرى]

بيض الله وجيهكم وما قصرتو
والله يجزاكم خير ولايهينكم.

[VXR2000]

يااخي العزيز التركية كما افادو الاخوان وماقصرو مزاجية
عليك بالفارسي

[العاتق]

ما قصرو الرجال عطوك العلم الاكيد

[ذراع الذيب]

السلام عليكم ورحمة الله وبركاته,,
مسيت بالخير يابوسمرى,,

مثل ماقالو الاخوان فشايلها اكثر من فعايلها وكله حظ ونصيب,,
والله يرزقنا وياكم بالطير الطيب تحياتي لك,,

[دعاس]

حياك الله يالغالي
وبالاختصار المفيد التركيات عموما :
فيهن الزين وفيهن الشين
والفارسيات كذلك’’’ ماكل فارسيه تلحق
الاكيد: ان التركيات فيهن مغامره من حيث المزاجيه
لان لها عده(وزنة هدد) تهد عليها
وما تقاوم الجوع وطيبتهن نادره وقليل الخايبه
والاحسن ان التركيه تقرنس وتطلع مع الطيور
وفيهن نوعيه نادره وقليله
والنادره تسوى وتستوي
وتقبل مروري

[ابوسمرى]

فكسار 2000
جزيرة فرسان
ذراع الذيب
دعاس
الله لايهينكم على المرور وماقصرتو..

[طيرالحمــــاد]

ماهن واحد بهن الزينه وهي قليله من العشر ثنتين ثلاث

[طير الهقاوي]

السلام عليكم ورحمة الله وبركاته
جميع الطيور فيها خيب وطيب لاكن التركيات الشياهين الي تقولهاا لنا ان الله عطى منهم يجي منهن مايحل
محل البحريه
ولاكن ادر وخبر اذا الطير طيب ولافيه كلام الدور والباقي على صقاره
والله من الطيور الفارسيه الي مثايلهاا طيبه وتهقى فيهن بكل شي
بس للاسف ماينفع في سبعة المذاهب
والسبب كف الي صاقره وطريقته معه
تقبل مروري

[ابوسمرى]

طير الحماد
طير الهقاوي
الله يجزاكم خير على المرور وماقصرتو..

[عبدالعزيزالثبيتي]

ماشاءلله
تبارك الرحمن
والله يوفق الجميع ان شاءلله

[مختااار]

مثل ما افادووك الاخوان ولو خيروني بتركيه وفارسيه لاخترت الفارسيه بدون لا اشاور

لان بلاد فارس تحتوي على كثير من الحباري والكراوين والشيهانه ماتتعبر من بلاد الا بلاد الا وتحتاج الا اكل

وبهذى المعلومه مايحتاج اكيد بالطريق حولت لها على حباره او كروان او قطا وبهذي اكيد بتكون قوي جناحها

ولا ماتصيد الصيد هذا ومثل منت عارف كل الصيد الي ذكرتهم قوي طيارهم

اما التركيه اول شي مجلوبه يعني مو عابره وبالطريقه هذى تبي لها صقار يصقرها ولا تفلسها وخلها تستهد يعني

كلام وعوار راس اخذ فارسيه والله يوفقك انا انت مخير واذا كانت عندك التركيه اتعب على صقارتها وبالتوفيق