اتشدك ( 11 ) لغز التحدي الثالث ..... اللغز حله ( شقاوي الديرة ) .... الحل ( المسواك )

[صاحب الذئب]

بسم الله الرحمن الرحيم
لغز التحدي الثالث من سلسلة انشدك رقم ( 11 )


:fللجـــــــــــــــــــميــــــــــــــــــــــــ ـــــع:f

يابو ماجد وطرجم وياراع الحزم والسيف=ولاهان باالخيمه من فوارس حمايل
انشـــدكم عن عــود تزاهى بالمواصــيف=من عقـــب ماكـــان باامــه خصــــايل
ماطـــاه يلمــع كمـــا بــــارق الصــــيف= وزودا علــى ماطـــاه كثــــرة فضـــايل


----
بداية اللغز دعابه مع الاخوان وكلكم يعلم الله غالين ولاهان الجميع في هالمنتدى
وسلامتكم

[ابو ماجد 2]

صح لسانك
لغز وافي من وافي
رمعه قبل الافطار
الخيل كما وصفها القرآن الكريم
قال تعالى
وَالْعَادِيَاتِ ضَبْحاً * فَالمُورِيَاتِ قَدْحاً

[راع الحزم]

صح لسانك يالغالي
لغز طيب من وجه طيب
سلمت وسلم فكرك واحساسك
رميعة والله مدري عنها
الاثر في مقام ابراهيم عليه السلام وامه هي قدم ابراهيم

[صاحب الذئب]

صح الله ابدانكم
والرمعات مالكم لواااا

[torrjom]

صح السانك اخوي صاحب

وبيض الله وجهك

تسجيل حضور وجاري التفكير

كل الووووووووووود

[ابو ماجد 2]

طيب يالغالي
مايكون معول رسول الله صلى الله عليه وسلم عند ضربه حصاة الخندق حين اعترضتهم وظهور مثل البرق عند كل ضربه مع ظهور البشارات للرسول صلى الله عليه وسلم بالفتح الاسلامي

[جرير]

طبة غشيم.......... ماعودها
(رمضان )

[ناصر العلي]

صح لسانك ولا تهون وش رايك
بالقطارأو قطار المشاعر

[صاحب الذئب]

ياهلا وغلا والله
لاوالله حاشاك من الغشامه ياجرير
وياهلا بنا صر والله
والرمعات مالكم لواااا

[ناصر العلي]

تسلم يالغالي طيب وش تقول
بالحجر أو مايسمى بحجر إسماعيل

[فزاع الشمال]

الله يعطيك العافية ياالغالي
وش رايك
بيت الشعر
ولك كل الاحترام

[عصام 861]

يامرحبا صاحب الذئب صح لسانك
أشرايك فى
أرضيات الحرم الرخام
ولك تحياتى

[صاحب الذئب]

ياهلا وغلا والله ياالغالين
والرمعات مالكم لواااا
وننتظر القصف

[أحمد55555]

صح لسانك أخوي , يكون الربيع بعد إجداب الأرض...

تحياتي.......

[صاحب الذئب]

صح بدنك يالغالي
والرمعه مالك لوااا

[torrjom]

اخوي صاحب صباح الخير

رمعه

حليب عطايا الرحمن

كل الووووووووود

[صاحب الذئب]

ياصباح النور وياهلا والله
والرمعه مالك لوا ياالغالي

[صمت البشر]

صـح لسانك يا الشاعر
وماقصرت

[صاحب الذئب]

صح بدنك يالغالي

[ابو اسامه 2]

وعليكم السلام ورحمة الله وبركاته

صح لسانك يا غالينا

وش رايك في

السعي بين الصفا والمرى

قديماً

http://up2.m5zn.com/photo/2009/3/5/06/3he6o2b23.jpg/jpg


حديثاً

http://islam.maktoob.com/image3164_500_361/500X361.jpg

تحياتي لك

[جرير]

...................
ياصاحبي

وش رايك بصحن الحرم (المطاف )
.........

[صاحب الذئب]

ياهلا وغلا والله
مالكم لوااا
وننتظر المرماع القاصف

[فزاع الشمال]

مرحبا ومسهلا ياالغالي
يعطيك العافية
وش رايك
غدير المطر
ولك كل الاحترام

[صاحب الذئب]

ياهلا وغلا والله يافزاع
والرمعه مالك لوااا يالغالي

[ابو ماجد 2]

اخوي صاحب الذيب
مايكون اللحام وفضايله تجويد الحديد ببعض وماطاه لدرجة انهم يلبسون نظارات واقيه عن شدة ضوئه

[صاحب الذئب]

ياهلا والله يابو ماجد
والرمعه مالك لوااا
وكل بيت يشرح شي لحل اللغز الذي هو شي واحد

[فزاع الشمال]

مرحبا وغلا ياالغالي
يعطيك العافية
وش رايك
اللقن
لقن العزيمة اذا خالي يلمع من النظافة
واذا فية الذبيحة فية كل الفضايل
ولك كل الاحترام

[صاحب الذئب]

مالك لوااا يافزاع الشمال
ننتظر القاصفه
لاتنسون ماطاه

[ابو ماجد 2]

طيب يالغالي
ممكن السؤال عن عُود فرمعتي عود الكبريت

[صاحب الذئب]

مالك لواا يالغالي
وترى برمعتك قام الحوف من بعيد

[شقاوي الديرة]

صح لسانك ياالذيب يا صاحب الذيب
ويش رايك بالمسواك

[أبو رافع الظاعن]

صح لسانك يا صاحب الذئب ...

يمكن البخور ؟؟

[صاحب الذئب]

صح لسانك ياالذيب يا صاحب الذيب
ويش رايك بالمسواك

لله درك لله درك لله درك ياشقاوي
صح لساانك مليون مليون
عز الله قضيت عليه من الوريد للوريد
نعم المسواك
عود وتزاهى بالوصف وكان خصله في امه
ولمى يمر على السنون تبرق بياض واكيد فيه الفضايل مطهره للفم ومرضاة للرب
صح بدنك وعلى شانك ومقدارك:good2:

[صاحب الذئب]

صح لسانك يا صاحب الذئب ...




يمكن البخور ؟؟

صح بدنك يالغالي
والحل عند شقاوي:good2: