ماجهلهم حضر وبدو (جديد) ......اللغز حله ( برق القصيم ) ... الحل كلمتي ( اراك و جراك )

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغيز خفافي



ماجهلهم حضر وبدو=اهل العماير والسدو
هذا له الناس اهتدوا=هذا به الغادي غدا
اربع حروف بالعدد= ماجهلهم ابن البلد
الروس تخلف ياولد=وين اللي رمعاته قدا
اثنين جبهم يابعدي=ذا طيّبٍ هذا ردي
بالالف هذا يبتدي=بالجيم هذا ابتدا
بالفم هذا يارده=ياكم نفس مسعده
بالراس هذا تاجده=ياعل فاله للعدا
عن وصفهم جبت المفيد=ماظن نحتاج المزيد
مرماع من عقبه يبيد=لغزٍ تقاصر بالمدا




تحيتي وتقديري لجميع الزملاء



ابو ماجد 0 منتديات مكشات



14-9-1431هـ

[ابو اسامه 2]

وعليكم السلام ورحمة الله وبركاته


صح لسانك ملايين يا ابو ماجد


ما شاء الله تبارك الله


إبداع إبداع إبداع



الله يزيدك من فضله


وصدق من سماك فارس الالغاز


وصدق من سماك الزعيم



تسجيل اعجاب وجاري التفكير


تحياتي لك

[أبو رافع الظاعن]

صح لسانك يا زعيم ...
كل واحدة تمحو آثار سابقتها ...جمالاً ...وروعة ...

لله أنت ...

اسمح لي بهذا التساؤل : تقول ليس فيها نقط ...ثم تقول :بحرف الجيم بدا ...؟؟

[ابو ماجد 2]

وعليكم السلام ورحمة الله وبركاته




صح لسانك ملايين يا ابو ماجد


ما شاء الله تبارك الله


إبداع إبداع إبداع



الله يزيدك من فضله


وصدق من سماك فارس الالغاز


وصدق من سماك الزعيم



تسجيل اعجاب وجاري التفكير



تحياتي لك



هلا بك ابو اسامه
والابداع انتم من اهله
واستلمت رسالتك بالفعل نسيت حرف الجيم واللغز وضعته على عجل قبل الافطار
واجتمعت عجله وشيب ولغز طويل
تم التعديل يالغالي

[ابو ماجد 2]

صح لسانك يا زعيم ...



كل واحدة تمحو آثار سابقتها ...جمالاً ...وروعة ...


لله أنت ...



اسمح لي بهذا التساؤل : تقول ليس فيها نقط ...ثم تقول :بحرف الجيم بدا ...؟؟


هلا بعميدنا الغالي ومديح منك تاج على راسي
وتساؤلك بمكانه
اللغز طويل + عجله قبل الافطار + وقبلهن الشيب
ثلاث عناصر موردات للغلط
تم التعديل يالغالي

[راع الحزم]

صح لسانك يالغالي
هذا اللغز اسمع رعده من بعيد قبل ادخل
سلمت على السبك البديع
لي عودة بعد ان استجمع قواي

[راع الحزم]

الصفحة شزر تطلع عندي هناك خلل ما

[ابو ماجد 2]

صح لسانك يالغالي
هذا اللغز اسمع رعده من بعيد قبل ادخل
سلمت على السبك البديع
لي عودة بعد ان استجمع قواي

هلا بك ياراع الحزم
والله لايحرمنا واياك سماع الرعود والامطار والربيع
سرني مروك وكلامك الطيب
انتظر مرماعك يالغالي

[ابو ماجد 2]

الصفحة شزر تطلع عندي هناك خلل ما

شرحك يالغالي الصفحه هذي بالذات تطلع عندي على غير باقي الصفحات
ماتاتي عن يميني بالصفحات هنا يظهر يساري والعكس بالعكس

[أبو رافع الظاعن]

صح لسانك أبا ماجد ...
أنا استدار رأسي مع الصفحة !!
كأني أقودالسيارة في بلد الدركسون عندهم عكسنا !!
بس أتخوبل من كل شيء ...
لذلك طلع معي : الذي بالرأس بحرف الجيم ...جنون ...
وهو الذي يغدي به الغادي ...

[ابو ماجد 2]

صح لسانك أبا ماجد ...



أنا استدار رأسي مع الصفحة !!
كأني أقودالسيارة في بلد الدركسون عندهم عكسنا !!
بس أتخوبل من كل شيء ...
لذلك طلع معي : الذي بالرأس بحرف الجيم ...جنون ...


وهو الذي يغدي به الغادي ...


ههههههههههههههههههههههههههه
والله انك صادق وانا عند كل رد اضغط معاينه على اساس هو اعتماد المشاركه ولا انتبه الا بعد خروج صفحة المعاينه
الرمعه مالك لوى وجنون فيها ثلاث نقط يالغالي وانا قلت مافيهن نقط ولكن طلع لنا حرف الجيم بالبدايه
انتظر مرماع قادم

[جرير]

والله اللي اوجع راسي لغزك يابو ماجد جمعت وطرحت وقسمت وقدرتي محدوده
ولا طلع شيء
اشك انها حول النجوم
لعلي اعيد الحساب بعد الدلة والبرحي يمكن تاتي الطاقة كاملة
.....لك التحية

[ياعين ابوي]

وعليكم السلآم ورحمة الله .. صح السانك مليون .. بس ليه الصفحه يسار !! المطلوب واحد أو اثنين ؟

محاوله ورمعه أولى .. يكون جدار ..

[arrow]

صح لسانك ابو ماجد على هالجزالة ,,,,

جاري التفكير ,,,,

وفقك الله ,,,

[أبو رافع الظاعن]

آلمني رأسي من وضع الصفحة المقلوب ...+ اللغــــــــز الثقيل الوزن ...= ففررتُ إلى الأدول ...؟؟


http://www.ameinfo.com/images/arabic/small/0/13880-99819-DSC.jpg

[torrjom]

صح السانك ياابوماجد


وماشاء الله عليك


والله يزيدك من فضله


هذا اللغز كله عيون


على شان كذا تشتت الفكر


مع اي العيون نسك الدرب


كل الوووووووووووود

[torrjom]

بسم الله الرحمن الرحيم






السلام عليكم ورحمة الله وبركاته


لغيز خفافي



ماجهلهم حضر وبدو =اهل العماير والسدو
هذا له الناس اهتدوا =هذا به الغادي غدا
اربع حروف بالعدد =ماجهلهم ابن البلد
الروس تخلف ياولد =وين اللي رمعاته قدا
اثنين جبهم يابعدي =ذا طيّبٍ هذا ردي
بالالف هذا يبتدي =بالجيم هذا ابتدا
بالفم هذا يارده =ياكم نفس مسعده
بالراس هذا تاجده =ياعل فاله للعدا
عن وصفهم جبت المفيد =ماظن نحتاج المزيد
مرماع من عقبه يبيد =غزٍ تقاصر بالمدا







تحيتي وتقديري لجميع الزملاء





ابو ماجد 0 منتديات مكشات




14-9-1431هـ




..................................

[ابو ماجد 2]

والله اللي اوجع راسي لغزك يابو ماجد جمعت وطرحت وقسمت وقدرتي محدوده

ولا طلع شيء
اشك انها حول النجوم
لعلي اعيد الحساب بعد الدلة والبرحي يمكن تاتي الطاقة كاملة

.....لك التحية



يسلم راسك يالغلا
ومن شان اريحك ماهو بالنجوم يالغالي
انتظرك بعد الدله والبرحي وصحصحة الراس

[ابو ماجد 2]

وعليكم السلآم ورحمة الله .. صح السانك مليون .. بس ليه الصفحه يسار !! المطلوب واحد أو اثنين ؟

محاوله ورمعه أولى .. يكون جدار ..

صح بدنك اختنا العزيزه
هاللغز تعسرت ولادته كان فيه غلطه ونبهني عليها ابو اسامه وابو رافع والحمدلله تمكنت من تعديلها قبل نهاية فترة التعديل
اما المشكله الثانيه فهي بالوضع المقلوب ولعلها تنحل متى ماانتقل لصفحة اخرى
المطلوب الاثنين واكيد متى ماعرفتي واحد من الاثنين ستعرفين الآخر وما عليك الا استبدال الحرف الاول فرمعتك جدار لو كانت صحيحه ماعليك الا ان تقولي ادار ليظهر لك المطلوب الثاني
انتظر المرماع القادم
تحيتي لك وتقديري

[ابو ماجد 2]

صح لسانك ابو ماجد على هالجزالة ,,,,

جاري التفكير ,,,,

وفقك الله ,,,

هلا بالداهيه
صح بدنك
وانتظر مرماعك يالغالي

[ابو ماجد 2]

آلمني رأسي من وضع الصفحة المقلوب ...+ اللغــــــــز الثقيل الوزن ...= ففررتُ إلى الأدول ...؟؟




http://www.ameinfo.com/images/arabic/small/0/13880-99819-dsc.jpg


هههههههههههههههه
يسلم راسك

ماعليش يالغالي انا اواجه المشكله مع كل رد
وكأني بالنهايه اخذت على الوضع وياخوفي اذا انتقل الى صفحه وتحسن وضعه يتعسر تحسين وضعي انا بعد ان تبرمجت على الوضع المقلوب

[ابو ماجد 2]

صح السانك ياابوماجد



وماشاء الله عليك


والله يزيدك من فضله


هذا اللغز كله عيون


على شان كذا تشتت الفكر


مع اي العيون نسك الدرب


كل الوووووووووووود



صح بدنك يابو عبدالعزيز
انا عادة اذا ماتعسر اللغز الحق بيت او بيتين هالمرة الدعوى جت جميع
هلا بك يالغالي وننتظر مرماعك

[ابو ماجد 2]

بسم الله الرحمن الرحيم


السلام عليكم ورحمة الله وبركاته

لغيز خفافي

ماجهلهم حضر وبدو=اهل العماير والسدو
هذا له الناس اهتدوا=هذا به الغادي غدا
اربع حروف بالعدد= ماجهلهم ابن البلد
الروس تخلف ياولد=وين اللي رمعاته قدا
اثنين جبهم يابعدي=ذا طيّبٍ هذا ردي
بالالف هذا يبتدي=بالجيم هذا ابتدا
بالفم هذا يارده=ياكم نفس مسعده
بالراس هذا تاجده=ياعل فاله للعدا
عن وصفهم جبت المفيد=ماظن نحتاج المزيد
مرماع من عقبه يبيد=لغزٍ تقاصر بالمدا


تحيتي وتقديري لجميع الزملاء


ابو ماجد 0 منتديات مكشات

14-9-1431هـ

[ابو ماجد 2]

الصفحة تمكنت من تعديلها عندي آمل انها تعدلت لدى الجميع

[أبو رافع الظاعن]

الصفحة الثانية تمام ...والأولى على حالها ...

[ابو ماجد 2]

الصفحة الثانية تمام ...والأولى على حالها ...




كان عدد المشاركات بالصفحه الواحده 40 مشاركه وقلصتها الا 30 والحمدلله تحسن الوضع
والمقصد اقهر الهيل واعلمه اني ماني سهل بالكميوتر

[صاحب الذئب]

صح لسانك يابو ماجد
عز لله اني تغربلت بالصفحه الاولى حتى تناثر الزهاب اللي محضره للرمع والقنص
رمعه
جركل حق الماء
والثاني الماء

[صقارمكشات]

السلام عليكم ورحمة الله وبركاته
الاخ ابو ماجد تحياتي لك ولكل المشاركين
وكل عام وانتم بخير

يمكن جمعه وأمعه

[ناصر العلي]

وعليكم السلام ورحمة الله وبركاته وصح لسانك
ويش تقول ب
أيوب عليه السلام,,,,,,,,,
جيوب ( من الجيوب الأنفية)

[ابو ماجد 2]

صح لسانك يابو ماجد
عز لله اني تغربلت بالصفحه الاولى حتى تناثر الزهاب اللي محضره للرمع والقنص
رمعه
جركل حق الماء
والثاني الماء

صح بدنك يالغالي
كلنا تغربلنا واكيد انا حايس الدعوى بس ويش اللي انا ضاغطه علمي علمك والله اني بالعاده اللي ماعرف له مااقربه
الرمعه يالغالي مالك لوى
وعلى افتراض ان مرماعك جركل صحيح لابد ان تكون الثانيه اركل فالاسمين متشابهين عدا الحرف الاول
انتظر مرماعك القادم

[ابو ماجد 2]

السلام عليكم ورحمة الله وبركاته
الاخ ابو ماجد تحياتي لك ولكل المشاركين
وكل عام وانتم بخير

يمكن جمعه وأمعه

وعليكم السلام ورحمة الله وبركاته
الله يحييك يالغالي
الرمعه مالك لوى ولكن على هالوزنيه من حيث تشابه اللفظين

[ابو ماجد 2]

وعليكم السلام ورحمة الله وبركاته وصح لسانك

ويش تقول ب
أيوب عليه السلام,,,,,,,,,

جيوب ( من الجيوب الأنفية)


صح بدنك اخوي ناصر
مالك لوى وماله علاقه باسماء الانبياء يالغالي
انتظر مرماع قادم

[صقارمكشات]

ما رأيك بـ/ جبان
وأبان - اي- وضح الشي وأبانه

[الرويعي]

:lrصح لسانك يا ابو ماجد

[ياعين ابوي]

يكون جراد .. أراد

[ابو ماجد 2]

ما رأيك بـ/ جبان
وأبان - اي- وضح الشي وأبانه

حياك اخوي صقار
مالك لوى يالغالي
انتظر مرماعك القادم

[ابو ماجد 2]

:lrصح لسانك يا ابو ماجد


صح بدنك يالغالي
والف شكر لمرورك

[ابو ماجد 2]

يكون جراد .. أراد

مالك لوى اختنا العزيزه
انتظر محاوله اخرى

[arrow]

ابو ماجد ,,,, طلع معي رمعتين غير متأكد منهن ,, لكن للمشاركة بقولهن :

جبهه + أُبَِِهه

ابله + جبله

[ابو ماجد 2]

ابو ماجد ,,,, طلع معي رمعتين غير متأكد منهن ,, لكن للمشاركة بقولهن :

جبهه + أُبَِِهه

ابله + جبله

هلا بك يابو عمر
على هالوزنيه يالغالي ولكن لاتنسى
بالفم هذا يارده

[برق القصيم]

صح لسانك زعيمنا

جراك ويجي براس الشيشه وهو سيئ وخبيث
واراك اللي هو المسواك ويارد الفم

[صقارمكشات]

الاخ ابو ماجد2 بعد اذنك ابي اقول لبرق القصيم صح لسانك%

[ابو ماجد 2]

صح لسانك زعيمنا



جراك ويجي براس الشيشه وهو سيئ وخبيث

واراك اللي هو المسواك ويارد الفم


صح بدنك يالغالي
البارح وعن طريق الجوال كنت مع الشيخ مسكين
وكان يقول لغزك ماهو محلول طبعا هو لايعرف حله فقلت اصبر يجي برق القصيم ويحله
وما خيبت ضني يالغالي
ماهو قصور بالربع ولكن لك الغاز تكون بارع اكثر في حلها
صح لسانك ملاييييييين
كفوووووووووو كفووووووووووو
والله ان هاللغز بالذات ماحبيت ازود فيه ابيات والسبب ان مااريد قوله اتيت به جميع
نعم
اراك جراك
الاراك مطهرة للفم
والجراك مفسدة للفم والصحة والمال وقولي بالراس اي راس الشيشه
بيض الله وجهك
والظاهر رجعت على تختل الالغاز الصعبه وقنصها

[المستوي 1]

........... الكعبة ............

[ابو ماجد 2]

الاخ ابو ماجد2 بعد اذنك ابي اقول لبرق القصيم صح لسانك%


الا والله قلها له بالفم المليان يستاهل
وانت صح لسانك على تأكيد المرماع

[ابو ماجد 2]

........... الكعبة ............



الحل يالغالي عند برق القصيم

[راع الحزم]

صح لسانك يابرق القصيم
كالعادة
صح لسانك ابو ماجد

[ابو ماجد 2]

صح لسانك يابرق القصيم
كالعادة
صح لسانك ابو ماجد

صح بدنك يالغالي

[arrow]

صح لسانك اخوي برق القصيم ,,,, ماشاء الله تبارك الله ,,,,

وصح لسانك ابو ماجد على هاللغز السهل الممتنع ,,,,ومع ذلك اعجزنا وقدر عليه الذيب برق ,,,

وفقكم الله ,,,

[أبو رافع الظاعن]

صح لسانك يا برق ...وصح لسانك أيها الزعيم ...


والله إني أمس لما مسَّنا الضـُّر من هذا اللغز إني أقول في نفسي ...
يا حللات يا برق !! تفكنا من هالنشبة !! لأني عارف إنه يعرف يوريه الطريق !!
بيض الله وجهيكما ...

[ابو ماجد 2]

صح لسانك اخوي برق القصيم ,,,, ماشاء الله تبارك الله ,,,,

وصح لسانك ابو ماجد على هاللغز السهل الممتنع ,,,,ومع ذلك اعجزنا وقدر عليه الذيب برق ,,,

وفقكم الله ,,,

صح بدنك يالغالي
وممكن مكمن الصعوبه ان اسم اراك رغم معرفتنا فيه الا ان كونه غير متداول يجعل الاهتاء اليه فيه صعوبه

[ابو ماجد 2]

صح لسانك يا برق ...وصح لسانك أيها الزعيم ...



والله إني أمس لما مسَّنا الضـُّر من هذا اللغز إني أقول في نفسي ...
يا حللات يا برق !! تفكنا من هالنشبة !! لأني عارف إنه يعرف يوريه الطريق !!

بيض الله وجهيكما ...



صح بدنك يالغالي وبرق ماشاء الله يقف عند كل كلمه ويحاول يوردها على جميع الاحتمالات وهذا اكتشفته فيه منذ ان تواصلت في منتدى قبل منتدانا الشامخ