مساعده يااهل الباترول

[mjoodee]

السلام عليكم ورحمه الله وبركاته

اخواني عندي جيب باترول ربع موديل 95 فيه مشكله

طقطقه التنده مع المطاب وهاذي في اكثر الباترولات .

ووديته اكثر من ورشه وقالو لي الرباطات اللي ماسكه

التنده متفككه ويبي لها لحام , قالو لي لازم ينفك القزاز و

القماش الداخلي اللي تحت الرباطات , وانا ماابي افك

القزاز لأن شغلاته كثير , ابي تكفون تدلوني ع ورشه تلحم

الرباطات بدون فك القزاز وترجع القماش زي ماكان .

[راعي ذرف]

اخوي اعتقد والله اعلم مالها حل الا توديها للمنجد عشان السقف من داخل
والورشة مالها دخل حلها عند المنجد ان شاء الله
وشغلها سهل

[_دربيل_999]

اخوي ترى فيه ورش تصلحها بطريقة مافيها لحام..
إن شاء الله الشباب يدلونك عليها..


وفقك الله


الروقي

[mjoodee]

يعطيكم العافيه ع الردود ..

واللي عنده حل لا يبخل علينا تكفون

[ابوفواز1000]

وعليكم السلام ورحمه الله وبركاته

حياك الله اخوي المشكله هذي حلها بسيط جداً ما فيها فك قزاز ولا شيء والورشه ناوين ينصبون عليك
تنده الباترول يجي فيها عوارض حديد تكون لا صقه ومثبته في التنده بمعجون المعجون مع الوقت ينفك وتنطلق وتصير التنده تضرب فيها ويطلع الصوت اللي تسمع وحلها بسيط تروح الى محل تنجيد محترم وتقوله عن المشكله وهو يفك التنجيد حق التنده ويحط معجون بين العوارض الحديد والتنده ثم يرجع التنجيد وتضبط بحول الله انا صارت لي هذه المشكله وضبطت ولله الحمد اذا تبي محل اللي صلح لي التنده ابشر وهو في بريده
الله يوفقك.........

[mjoodee]

ابو فواز ... ارسلي رقمك تكفى ع الخاص بكلمك من شان المنجد

[ابوفواز1000]

اسم المحل نسيته والله اذا تبي الوصف ابشر
http://www.mekshat.com/pix/upload04/images177/mk153872_jthgrfdth.jpg

[mjoodee]

جزاك الله خير

[سلطان 2010]

شف يالحبيب لا تستعجل وتروح للمنجد على طول كانت هذه المشكلة عندي فكيت لمبت السقف كاملة ثم حشرت اسفنجة بين العارضة والسقف وراح الصوت ..
انت جرب هذا الحل وان مانفع مر المنجد يفك التنجيدة..
الله يحل مشكلتك باسروع وقت وما تشوف شر.

[اميرالصمت]

اخوي اذا حطيت معجوان لازم ياخذ 24ساعه
عشان يمسك زين لاتروح المنجد ولاغيره
هذا فيه سعودي يصلحها بس يطول بشغله شوي
اذا حبيت اعطيك رقمه

[صوت الجزر]

وعليكم السلام ورحمه الله وبركاته

حياك الله اخوي المشكله هذي حلها بسيط جداً ما فيها فك قزاز ولا شيء والورشه ناوين ينصبون عليك
تنده الباترول يجي فيها عوارض حديد تكون لا صقه ومثبته في التنده بمعجون المعجون مع الوقت ينفك وتنطلق وتصير التنده تضرب فيها ويطلع الصوت اللي تسمع وحلها بسيط تروح الى محل تنجيد محترم وتقوله عن المشكله وهو يفك التنجيد حق التنده ويحط معجون بين العوارض الحديد والتنده ثم يرجع التنجيد وتضبط بحول الله انا صارت لي هذه المشكله وضبطت ولله الحمد اذا تبي محل اللي صلح لي التنده ابشر وهو في بريده
الله يوفقك.........


:good2::good2::good2::good2: هذا الكلام :good2::good2::good2::good2:

[mjoodee]

الاخ سلطان ... مشكور ع الرد

لاكن انا عندي العوارض كلهن طايحات

جزاك الله خير .


امير الصمت / يطول بالموتر .؟ كم يقعد عنده الموتر ..؟

ياليت والله تعطين رقموه


وجزاك الله خير يالغالي

[mjoodee]

للـــرفـــــع