أدخل ورشح أفضل أريل سياره استخدمته

[الكاتم]

حياكم الله ياأعضاء مكشات
بصراحه فكرت وش أختار موضوع يشارك فيه الجميع لتعم الفائده ولقيب أحسن شي أن كل واحد يدخل ويرشح أحسن أريل سيارة جربه وأنا أول واحد ببدأ
أحسن أريل جربته بالنسبة لي أريل أنتنكس القزم 1و4 ديبي قيمته 30 ريال مع القاعده 60 ريال وانتبهوا أن
الأريل يكون نحاس صراحه على صغره لكن ماشاء الله ارساله طيب0

[amasy]

اخوي الكاتم ممكن تروح على الرسائل الخاصة لاني ارسلت لك رساله ضروري ترد عليها

[جفيل]

مشكور على الموضوع الرائع

انــا استخدمت الدايموند واللارسن فقط اللارسن اقوى من الدايموند بقليل

قد مره كـــــان الجو قافل (( يعني مافيه لا ضباب ولاشي)) وراسلت باللارسن مســافة 75 كيلوا وانا حاط الأريل فوق التنده


وبعد قد راسل مره به وكان الجو فاتح راسلت واحد بالثمامه وانــا بسدير يبعد عني 90 كيلوا

ولكن انصحك بعمل تأريض للبيت او للسياره

واي اسئله انا حاضر على العين والراس . بجاوب على الي اقدر عليه

[الكاتم]

أخوي شايب سدير
السلام عليكم ورحمة الله وبركاته
أشكرك صراحه على التجاوب مع موضوعي لكن عندي سؤال بالنسبة لأريل اللارسن وشلون أعرف أنه الأصلي لأني رحت للمحلات اللي بالمرسلات ولقيب ب 70 ريال مع القاعده لونه أسود ولقيت ب150 ريال وقال لي أنه الاصل هل صحيح أنه الاصلي اللي ب150 ريال
وشكراً،،،

[جفيل]

هذا واجبنا يالغالي,,


طبعاً انا خبرتي متحركه لي 10 سنين وانا كلما اركب موتري لازم اراسل((( خبرك ايام جهاز الكنود القديم))

شف وانــاخوك كل الي بالسوق مضروب (( تقليـــــد)) ولايهمونك .... ولكن هذي ليست اصليه لكنها افضل من التقليد بقليل

طبعاً اللارسن الي عندي تقليــــد وارساله 100% بتقولي ليه؟؟

اقولك ليه

اول شي اريل التقليد توافيق مره تطيح في واحد سنع ومره تطيح في واحد داج


طال عمرك تبي نصيحتي

ان كنت زبون عند احد من هاالمحلات سو الي اقولك عليه

خله يجيبلك قياس الرجع(( تخبره الي يقيس الواط وقوة الراجع))

ووجب كل اريل وقسه الين يطلع الراجع اقل من 1,5 لأن اذا زاد الراجع قل الواط الخارج من الجهاز

.. وبكذا راح تضمن اريل ممتاز

ملاحظه:

ياحبذا اذا كان عند البائع جهاز قياس الديــــــبي

واي اسئله انـــا حــــاظر (( ولاتنسى التأريض ))

وتقبل تحياتي

[جفيل]

بس بسألك عن الأريل انتينكس الفضي القصير

الـــديبي حقه مفتووح

كم سعره

آخر مسافه وصلت لمها

ارجوا الأجابه يالأخ الكاتم

[الكاتم]

الأخ شايب سدير

السلام عليكم ورحمة الله وبركاته
أشكرك جداً على المعلومات الطيبه بالنسبه للأريل انتنكس الديبي 1و4 بس المسافه ماأذكر بالضبط لكن ارساله ممتاز بالنسبة لصغر حجمه السعر 30 ريال مع القاعده 60 ريال بس زي ماذكرت لك فوق انتبه ترى الأصلي على حسب خبرتي يكون نحاس وليس نيكل من أسفل الأريل داخل الدائره0

[صقر بريدة]

انا بنسبة لي احسن اريال زي ماقال أخوي الكاتم التينكس بس الون أسود وقزم

ملاحضة:احسن مافية اذ كنت في الديرة علشان ماتشوفك الشرطة لأنه صغير والأرسال قوي
وبنسبة إذ كنت في البر والله مادري .....

[المرشود]

اخوي الكا تم بعد السلام أول مشاركة لي عندي سؤال ماتخبر لي إنتكس ابوعقال بللي هو به وللللللللك الشكر ارجوا ان أن أكون ضيفا خفيفا

[جوكر]

السلام عليكم ورحمة الله وبركاته




والله يا اخوي الكاتم ولا يهونون الربع


انا اشوف ان اللي يسمونه استيشن سيارة وصلتين اللي يجي طوله اكثر من مترين اللي

لونه فضي -نيكل- هو الأفضل .... :good:

اذا كنت ماسك خط فك الوصلة اللي فوق على شان ماينسفط عليك –فيه ميزه مع السرعة وانت مركب

الوصله الثانية اللي فوق ماينكسر ينصفط من عند القاعده- ;)

وقوته تقريباً 6.5DB... وقوة استيشن البيت اللي يجي وصلتين6.7DB :eek:

وفيه ناس يمدحون اللي مثله بس يجي لونه اسود وهذا النوع انا ما جربته بس احس ان مابينها فرق :)

والله اعلم....








....................

[الهيثم]

السلام عليكم
افضل اريل للسيارة واللي جربته كوميت وصلتين طوله 2.53م تقريباً الديبي 6 عيبه طوله ويليه سيريوس الايطالي الديبي من 3 إلى 5 تقريباً يتحمل 150واط يليه الدايموند ويتحمل 280واط
هذا الكلام من واقع التجربه ويمكن انا وشايب اسدير طلعنا سوا على الاجهزة وحنا شباب في ذيك السنين
73 من Hz2ae
عبيد الرويس

[الكاتم]

أخوي المرشود
السلام عليكم ورحمة الله وبركاته
الصراحه أحرجتني خصوصاً أن هاذي أول مشاركه لك ياليت والله يا الغالي أقدر أخدمك، لكن عندك أخونا شايب سدير والشباب فيهم البركه0
والله يوفقك،،،

[جفيل]

اجل يالهيثم يوم كان شباب...الله الدنيا

اقول يالكاتم هذا واجبنا...


الآن الأستيشن وصلتين السياره هو عندي نوعه (( كـــــومت)) الأسود رافعه 16 متـــر

واستقبل حقين الرياض وارسلهم.. بعضهم يستقبلووني يررجين وبعضهم بزي وانــا بديرتي الحبيبه خطامة سدير

تقبلوا تحياتي

شايب سدير


النــداء: خيمه بدون عـــامود

المكتب: 144,100 بمنطقة سدير وماجاورها من بلدان

[العاني]

السلام عليكم ورحمة الله وبركاته
اسف على التأخر بالرد لكن اعذروني
اخوي الكاتم تسأل عن افضل اريل جربه الواحد منا
انا اذكر اني كد شريت اريل لارسن اصلي امريكي قبل حوالي خمس سنوات لكن لم ارى احلى ارسال منه بالبيت واقطع على الاستيشنات
وردا على سؤالك كيف تعرف الاصلي ولايهون شايب سدير الاصلي قاعدة الاريل عريضة والمغناطيس سخيفة شوي
بعكس الديموند

[AL-OTAIBI]

فيه نوع اسمه الشاهين هو قزم بس قوته 6.5

[الكاتم]

Al-otaibi
السلام عليكم
لوسمحت وين أحصل هل أريل اللي ذكرت وكم سعره0

[AL-OTAIBI]

هذا طال عمرك أنا شاريه من رفحا في محل يقال له العصيمي لزينةالسيارات
بس أظنه والله العالم انه في محل القناص بالدمام
و أي خدمه ثانيه يا خوي الكاتم انت تامر

[الكاتم]

الاخ
alotaibi
السلام عليكم ورحمة الله وبركاته
أشكرك على الرد لكن ماذكرت لي كم سعره وهل ارساله قوي وهل طوله مثل الانتنكس القصير ياليت صوره للاريل إذا مافيه مانع

[الكونترولCONTROL]

انا جربت الارايل التالية مع نسبة قوتها :
داموند 285 60%
=================
لارسن امريكي أصلي 90 % اسود نحيف مرة و قاعدته خفيفة بلاستيك صغيرة و سعره 380 ريال قبل 4 سنوات
و مشكلته انه طويل و لافت للنظر
==========================
كوميت صغير 40 سم 85 % و هو افضل واحد استعملته من ناحية انه قصير و مختفي و قوي جدا جدا خاصة اثناء السرعة
و هو المفضل لدي و سعره لا يتجاوز 50 ريال - و لكن يفضل وضعه على قاعدة ثابتة في مؤخرة السيارة ليكون ممتازا
==================
انتينيكس 40 % للنوعين الاسود و الفضي و هو سيء جدا
===================================
اما الاستيشن السيار فلم اجربه لعدم جدوى تركيب اريل طويل (( ما له داعي )) بالعربي الفصيح
و الله لو حنا نروح للصحراء الكبرى بالجزائر !!!!!