ياأخوان عندي مشكله مع الذلول

[نجد 111]

ياخوان ياليت اللي عنده حل للمشكله يساعدني
عندي ذلول حره ومعسوفه طبعا بكر ماسبق ولقحت
بس المشكله كل ماهدينا الجمل عليها للضراب يعضها ويتركها
واللي غيرها يضربها مدري وش المشكله
تكفون اللي عنده خبره يفيدني

وشكرررررررررررررررا

[راعي الدستن11]

اخي الكريم فحلك عيوف وهذ1 طبع بعض الزمول يعاف بعض النياق والحل انك تحجره اذ1 هاج وتهده عليها او تدور لك فحل غير

[نجد 111]

مشكور اخوي

بس الجمل ليش يعافها هي بالذات؟
يعضها ويتركها ويروح لغيرها بنفس الوقت؟

[راعي الدستن11]

مافي سبب اخوي هذ1 طبع بالابل انا عندي ناقه ماخليت شي عن الفحل عيا يضربها ونفس حالتك وديتها لفحل جاري وقبله اضربها مع العلم ان فحلي اول الهدد اول ماهديته على الابل اضربها ومن عقبه عافها

[نجد 111]

تسلم ياخوي خلاص انا بشوف فحل والله يعين على البحث لاني قليل خبره بالابل واظن لابد جمل حر يضربها مو اي جمل عشان انتاجها

جزاااااااااااااااااااااك الله خير ياراعي الدستن 11

[معانق]

شي طبيعي ،، وبعد فترة إن شاء الله تبي ترجع المياه لمجاريها .
بس جرب تلبس الناقه جلال وتدخلها على البعير ،، هذا من واقع تجربه .
وبالتوفيق للجميع .

[سالم الغانم]

أتفق مع أخي معانق وإذا عندك فحل آخر دور لك قطعة قماش وأمسح عليه وبعدين أمسح على الذلول وهد الفحل عليها خل يشم ريحة الفحل الآخر وإن شاء الله يضربها

[ابوساعد]

ممكن إن الناقة ضامر والبعير مستنكرها ، ولاكن لبسها الجناب والشماله وأشبعها بالعلف وخلها إلين تيسر ، وإن شاء الله يضربها أو على الأقل ما يطردها ، ولا تفك البعير عليها إلا إذا كانت طالب البعير ( ميسر)


بالتوفيق

[بدر الوداعين]

اغسلها يمكن فيها ريح شين

والفحل عافها

[99الوافي]

يمكنة صغيرة ومايابية لانة صغيرة

[عبدالله العمرو]

مشكور اخوي

بس الجمل ليش يعافها هي بالذات؟
يعضها ويتركها ويروح لغيرها بنفس الوقت؟

أخوي نجد / لاعدمتك

مثل ما تفضل أخوي راعي الدستن كلامه 100% صح ...

اغلب الفحول مثل الرجاجيل يعاف ويرغب بناقة عن غيرها وغالبا
تلقى الفحل يخصص ناقة معينه ويكون دايم حولها ... وعلى العكس تلقاه يعاف ناقة معينة او اكثر ويسمى عيوف ...
كلام أخي راعي الدستن سليم وحله سليم الله لا يهينك واياه ....
إذا فحلك حر مأصل وودك تضرب الناقة عليه ... احجر الفحل حتى الهياج وفكه وقتها على الناقة لحالها في شبك لا يشوف غيرها ...
وبإذن الله بيضربها ...

تحياتي /

[هلي 1999]

دور لها والله يهنيك فيها لاصارت خلفه اشررب من حليبها ولو تبي غلق حليبها

[نجد 111]

مشكووووووووووووووووووووووووورين اخواني

معانق

سالم الغانم

ابو ساعد

بدر الوداعين

الوافي

مشرفنا القدير / عبد الله العمرو

هلي 1999

الف شكر لكم وجزاكم الله خير وحرم هالوجيه على النار انا بجرب كلامكم وان شاء الله خير

[ابوفهد123]

اسمع يا نجد111 اذ البكرة مافيها يسرة الفحل علا طول النهش جايها جايها غسل البكرة يمكن فيها شين وتركها لين هي تطلب الفحل واذا البكرة اول ضراب لها الخوف فيها فيها المهم اتركة لين تيسر واذ جاء وقت الضراب فك الفحل وخل العصاء بجنبك وانتبة لاينهشاء وانشا اللة تتسهل الامور ترا مرت علي مثل الحالة

[لاب توب عفيف]

اخوي الرحول وش لونها ؟؟؟
ترى بعض البعارين ما يضرب الا الناقه اللي من نفس لونه العفر يضرب عفراء ولا يضرب ملحا او صفرا
انا عندي بعير ما يضرب الا العفر وهو عفر شريت لي ناقتين وحده حمرا ووحده لونها قريب للزراق وغاليات بالحيل ابي الانتاج وعافهن بالمره ورحت وبعتهن ,,, الله يعوض
لكن شفلك بعير ثاني والله يوفقك

[العاذر]

ياخوان ياليت اللي عنده حل للمشكله يساعدني
عندي ذلول حره ومعسوفه طبعا بكر ماسبق ولقحت
بس المشكله كل ماهدينا الجمل عليها للضراب يعضها ويتركها
واللي غيرها يضربها مدري وش المشكله
تكفون اللي عنده خبره يفيدني

وشكرررررررررررررررا

اعتقد صغيرة سن الفحل مايقربها

[نجد 111]

شكرررررررررررررررا

[نجد 111]

اخواااااااااااااني جربت 4 فحووووووووووووول
اللي يعضها ويمشي

واللي يحط يده ع رقبتها يبي يخنقها
وهي لونها قريبه منهم ولا هي ضعيفه ولا فيها ريح وعمرها كبير تقريبا4 سنوات
وش تتوقعون المشكله شكلي ببيعها لاني ماني فاضي تدريب ومسابقات

[نجد 111]

????????????

[نجد 111]

????????????

[نجد 111]

وش رااااااااااااااايكم يالربع