وسادة نوم هوائية

[aburmsh]

السلام عليكم

دائماً ما احتاج الوسادة في الكشتات بس المشكلة انها كبيرة وتاخذ حجم داخل الفراش

وقد شفت مره مع واحد وسادة نوم هوائية يحطها في جيبه واذا جاء ينام يطلعها ويتفخها ويحط راسه ...

وين القاها وكم سعرها ؟

[روق نجد]

عليكم السلام والله وانا اخوك
انا شفتها في القصيم عند السنيدي لاكن السعر مدري والله كم
تمنياتي لك بتوفيق

[arrow]

وعليكم السلام ,,,

هلا ابو رمش ,,,, هالوسادة تجي مع فراش الفصول الاربعة حق القاضي ,,,

فيها مشكلة بسيطة وهي انك اذا خلصت تافخها تلقى راسك منتفخ معها ,,,,بس يمكن اسرع للنومة ,,,
واتوقع تلقاها عند محلات الرحلات مثل السنيدي ,,,
وفقك الله ,,,,

[Khaled238]

فيها مشكلة بسيطة وهي انك اذا خلصت تافخها تلقى راسك منتفخ معها ,,,,بس يمكن اسرع للنومة ,,,

:) لازم اجربها اسرع للنومة

[فرخ قطا]

موجوده عند السنيدي بـ15 ريال

[aaez]

بالنسبة لوسادة الفصول الأربعه ماهيب جيده أو إن إللي عندي خربانه قد توهقت بها في حايل أول ماشريت الفراش مشكلتها نص ساعه وتنسم أو إن المشكله في راسي (أخوكم في الله أصلع) مع إني أهقى إن الصلع ماله دخل

لا لا فعلآ إللي عندي تنسم بسرعه وتوهق الواحد أما من ناحية فراش الفصول الأربعه ماعليه كلام

[عبيدان]

في وساده فيها حبل تجره تمتلي هواء وفيها تنسيم للهواء

لقيتها في كشته او السنيدي ماذكر بالضبط

واسمحلنا

[راعي اللبرق]

الوساده هذي عيبها الازعاج
ياخي انا كانت عندي الوساده هذي
بس أعجز انام منها مزعجه بالتقلب

[aburmsh]

يعطيكم العافية شباب كفيتوا ووفيتوا

روق نجد ... شكراً انك كنت اول من رد على موضوعي وحمست الشباب
فرخ قطا ...... يعطيك العافية ابمره اليوم اشيك
عبيدان ..... دبرنا بالهوسادة فكرتها جميله وعلى قولت arrow إذا خلصت تافخها ولا راسك منتفخ معها
واخوي راعي اللبرق .. لاعمرك تقلب وماتزعجك ..ههههههه

[مزعل.كوم]

عندي وحده اخذتها بـ 14 ريال ولها عندي سنتين
وممتازه جدا ..واستخدمتها مرات كثيره وماردها الا تنزانيا
ولازالت موجوده عندي
بس عيبها وقت ماتنفخها تتعبك شويه
وبتحصلها في اي محل متخصص للرحلات

[ابو خالد 8]

في وحده عند الرمايه ولا احسن منها
افضل من السنيدي وغيره

[بدر الشويلعي]

والله الي عندي لونها بني وممتازه طبعا من محل بالمدينه اشتريتها ولها قرابه السنه واكثر

عيبها زي ما قالو الاخوان وقت انك تنفخها ولا هي ممتازه خاصه للي مايعرف يفترك وهو راقد يعني على جنبه الين يصبح اما الي كثير الحركه وهو نايم اظن انها ماتناسبه

والسعر على ما اعتقد 5 ريال ان كنت ماني مخطي