المساعد الشخصي الرقمي

مشاهدة النسخة كاملة : كاف والنير


غيث داورد
22/07/2005, 04:40 AM
كاف والنير


هات القلم يابدر والبوك دنه =امري عليك ولالي امرعلى الغير
امر الولي اللي على الناس سنه =اللي فرض خمس الصلوات تذكير
تذكير للي زايغ العقل منه =عقب المرابح عودن له مخاسير
لي ونة باقصى الحشا مستكنه =لوظهرت جاوب لها كاف والنير
يابدر انا باوصيك علمي وكنه =كنه وحذرا يعرفه زيد وعمير
اركب على جمس ورد من مغنه =جمس جديد مسكلبن بالمسامير
جمس غطا كل المواتر بفنه =حط السوتش وشغله والمس القير
وحذراك من طول المسافه تحنه =ترى عمار الجمس طول المشاوير
واذا وصلت اول تلفون رنه =وعطني علومك جعلها لك مسافير
وذا لفيته قبل الراس منه =وقله مجار من الرزا والمعاثير
وسلم كتابي كف عود رمنه =سود الليالي لاجزاهن بالخير
سود الليالي كم مغر فجنه =جنه على غره بليا مناذير
شب الحطب ودق هيله وبنه =ومده لربع جو لجدك مسايير
كيف النشاما موردين الاسنه =اهل الكرم والجود ماهم خماكير
واذبح لهم ماجود جدك وثنه =مادمت عنده خدمه العود لك خير
بعض العرب يابدر جا فيه منه =ناكر جميل ولانوى نيت الخير
مريض قلب ويقرع اقراع شنه =لانافع نفسه ولانافع الغير

شعر:غيث داورد
الذرب جسار
22/07/2005, 06:49 PM
سلمت وصح لسانك
ابو طنب
22/07/2005, 07:53 PM
صح لسانك اخوي على هذه الرائعة


ولا تحرمنا من جديدك



شب الحطـب ودق هيلـه وبنـه * ومده لربع جو لجـدك مساييـر
كيف النشامـا مورديـن الاسنـه * اهل الكرم والجود ماهم خماكيـر
واذبح لهم ماجـود جـدك وثنـه * مادمت عنده خدمه العود لك خير
بعض العرب يابدر جا فيه منـه * ناكر جميل ولانوى نيت الخيـر

اخوك ابوطنب
غيث داورد
23/07/2005, 02:29 AM
السلام عليكم ورحمة الله وبركاته




اخوي الغالي : الذرب جسااااااااار
هلا وغلا ء شرفني مرورك

اخوي الغالي : ابو طنب
مرورك زادني شرف وتامر على الراس والعين والله يقدرنا .
جرير
23/07/2005, 10:47 AM
صح لسانك

وتراني تعبت لا اقراها بسبب الخلفيه واللون الاحمر
مثلك خابر حنا يالشباب الشوف شجر

لا وبعد لابس نظارات
لاكن الصحيح انها رائعه
سلمت
غيث داورد
29/07/2005, 01:26 PM
السلام عليكم ورحمة الله وبركاته



الله يسلمك من كل شر ياخوي يا (جرير)

انا مثلك حول الدعوى وشغلت الخلفية ولون الكتابه الأحمر ماعرف لها سواها غيريلتكن البركه في اخوي ريف النشاما عنده المفا تيح :good: ويبي يعدلها انشا الله
شا كر ومقدر لك تفضلك باالمرور وعساك دايم سالم غانم والسلام
عبل معيقل
30/07/2005, 04:05 PM
يا سلام عليكم يا اهل داورد متحفين الخيمة بابداعكم يا عنك ان الدوادمي بحر شعراء غيث داور من جهه وعليم العطش بقصيد شعيل من جهه اخرى عطو الخيمة شكل غير غيث داورد صح لسانك وياعل النير وكاف وثهلان وماسل وجبلة للسيل والربيع ولعب ام سالم وغناها اللهم امين
سلامي لشخصك الكريم
دغيم
31/07/2005, 11:46 PM
غيث داورد
صح لسانك ومشاء الله عليك كلك ذوق
غيث داورد
04/08/2005, 01:20 AM
السلام عليكم ورحمة الله وبركاته

اخي الفاضل عبل معيقل هذا الاطرا كرم منك وزادني شرف مرورك وراي اعتز به

لك مني اجمل تحيه


اخي العزيز دغيم اللي كله ذوق هو من شرفني بالمرور انت وامثالك


لك مني اجمل تحيه
ريف النشاما
07/08/2005, 09:09 AM
السلام عليكم ورحمة الله وبركاته

حياك الله أخي غيث داورد وبارك فيك وأنورت الخيمه بحضورك


وأشكرك جزيل الشكر على هذه الرائعه التي تسلب اللألباب


حياك ربي ولقد أجدت بهذه الكلمات

تحيتي
النداوي HZ2AF
07/08/2005, 09:49 AM
صح لسانك

وتراني تعبت لا اقراها بسبب الخلفيه واللون الاحمر
مثلك خابر حنا يالشباب الشوف شجر

لا وبعد لابس نظارات
لاكن الصحيح انها رائعه
سلمت

صح السانك يا غيث
اخوك ابو عبدالله
غيث داورد
08/08/2005, 12:43 AM
وعليكم السلام ورحمة الله وبركاته


ومن قال يحيا ياخوي ريف النشاما اسم على مسمى الله لايخلينا منك
والخيمه منوره بمشرفينها مثلك وشرواك وبعضاءها وزوارها
وياهلا والله ومسهلا يوم مريت على اخوك العود وهذا اللي مشجعنا على التواصل



اخوي الغالي (النداوي )هاذي والله الساعه المباركه يوم مريت
وعساك دايم بالف خير يابو عبدالله
بــح ــر الــكــرم
08/08/2005, 12:31 PM
السلام عليكم ورحمة الله وبركاته



صح اسانك



ياغيث


ادورد




تحياتي لك
غيث داورد
08/08/2005, 08:15 PM
وعليكم السلام ورحمة الله وبركاته

هلا بك والله يالسهلي (اسيزو) حياك ربي سعدت بمرورك
بــرق الشمال
09/08/2005, 03:52 AM
صح لسانك اخوي غيث داورد على هذه الرائعه...

ولاهنت...




تحياتي لك
برق الشمال
غيث داورد
10/08/2005, 12:15 AM
ولاهان من يقول وصح بدنك اخوي برق الشمال


سعدت بمرورك
الحضري
10/08/2005, 07:59 PM
الله الله

شب الحطـب ودق هيلـه وبنـه
000ومده لربع جو لجـدك مساييـر

كيف النشامـا مورديـن الاسنـه
000اهل الكرم والجود ماهم خماكيـر

واذبح لهم ماجـود جـدك وثنـه
000مادمت عنده خدمه العود لك خير


رااااااائع وصح لسانك ولاهنت .. في أمان الله وحفظه
غيث داورد
12/08/2005, 10:56 PM
صح بدنك اخي العزيز الحضري

ولاتهون

سعدت بزيارتك بارك الله فيك وفي رعاية الله