جزى الله كل من يثمن هل الموتر

[hp2005]

ياجماعة الخير لقيت موتر موديل 2005 سييرا سعودي حوض قصير اربع ابواب مكينة 6000 cc
دبل ارضي قير تماتيك مقاعد متصلة نظيف على قول صاحبه
كم يسوى هل موتر؟
وماهي النقاط التي يجب فحصها في سييرا قبل شرائه؟
وهل ينفع سييرا ولا ابطل؟

[بوه مير نيم12]

رفع
///////////////////////////////////////

[rpk]

في بحر الخمسين على حسب النظافه

[hp2005]

شكرا لك من شارك وجزاكم الله خير
وارجو من الاخوان النقاط التي يجب فحصها قبل الشراء

[google-999-]

شف ياطويل العمرر... اهم شي تفحص المكينه + القير + الدفرنسات + المكيف لآنك خابر جونا ماشااء الله
ثاني شي ياطويل العمرر نصيحه من آخوك خذ الموتر الى اقرب فحص كمبيوتر
وراح يطلع لك الي تبي وقيمة الفحص 300 ريال شامل للسياره كلها
وكانك بالرياض شف ورشة البريدي . عند الشايب . وورشه الغروب
البريدي تحصلها في معارض النسيم
وموفق خير يالغالي

[صصعفق]

من 40 الى 43 الف

وقيس على الجدير 2010 ـــ بـــــ 107000 فرق 5 سنوات

لو الشور لي ازيد المبلغ شوي واطلع شاص


الله يوفقك

[hp2005]

جزكم الله خير وفيتوا وكفيتوا
صدقت اخي الشاص افضل بس المشكلة غمارة وانا ابي غمارتين والمشكلة مافي سيارة بعد الشاص ال الجمس في نظري الا اذا عندك شور اخي؟

[نديم الشمال]

26



32

[غالي]

جزكم الله خير وفيتوا وكفيتوا
صدقت اخي الشاص افضل بس المشكلة غمارة وانا ابي غمارتين والمشكلة مافي سيارة بعد الشاص ال الجمس في نظري الا اذا عندك شور اخي؟


اذا محتاج غمارتين وانا اخوك انصحك باليوكون

دور موديل 2004 او 2005 سعودي نظيف بتلقاه حول الستين ((منيب متأكد من اقيامها))

لك وللعائله وماشاء الله قوي يتحمل ادخل موقع حراج او مستعمل ودور واحد نظيف لكن تأكد من اسعارها اول

الله يهدي الجميع بعض الناس صاروا اطمع من الشريطيه

يدخل المعارض ويسعرها جوه المعرض ثم يطلب نفس القيمه كنه مايدري ان الشريطيه يرفعون سعرها ولو تسومها باقل بخمسة الاف باعك

وشوف عيني بموقع حراج باترول ربع ستاندر ماشين فوق 50 الف ويطلبون فيها 90 والجديده اصفار فيه عرض بالمنتدى ب80 الف !!!!!!

شف الطمع بس
لكن الله يكون بالعون :)