أتلفت القطع الداخلية للساكتون !!

[PATHFINDER 4]

السلام عليكم يالربع تحمست ولا مشيت على المثل اللي يقول عط الخبز خبازه
فكيت ام صتمه اللي عندي


وشكلي كسرت شئ داخل السلاح ولاعرفت اركبه من جديد


القرادة وماتسوي


سؤالي ابي محل موثووووووق وأمين (عنده على الاقل ذمة ) مايلهط دراهمي



وش تنصحوني الرميح ولا اروح للرماية
ولاتعرفون محل ثاني تنصحون فيه ؟؟


الله يكتب اجركم في هالشهر الفضيل

[هاواوي تبوك]

بتووفيق اخووي بس مووقع بضبط وين

اذا كنت في تبوك ان شاء الله راح ادلك على الطيب

[بريداوي اصليm]

وشي ساكتونك ؟

[عصاقيل الدخله]

اخوي ابو سعود تعالي لمي خلنا نشوفك واركبها لك وبلااااااااااااش بس اهم شي نشوفك
انتظرك

[فرخ قطا]

رح للرميح يصلحه انشاءالله

[PATHFINDER 4]

بتووفيق اخووي بس مووقع بضبط وين

اذا كنت في تبوك ان شاء الله راح ادلك على الطيب



الله يجزاك خير وموقعي الرياض ولو قلتلك في تبوك منتب مقصر يامال الغناة

[PATHFINDER 4]

وشي ساكتونك ؟





نوعها فايروخ مقاس 90

[PATHFINDER 4]

اخوي ابو سعود تعالي لمي خلنا نشوفك واركبها لك وبلااااااااااااش بس اهم شي نشوفك


انتظرك




يامال الغناة ياعصاقيل الدخله ولك رسالة على الخاص

[PATHFINDER 4]

رح للرميح يصلحه انشاءالله




الله يجزاك خير ماقصرت

[بريداوي اصليm]

شف وأنا أخوك
رح وده للرميح وهم يركبونه لك من جديد
بس لاعاد تفك شي إلا وأنت تعرف وشلون تركبه

[PATHFINDER 4]

شف وأنا أخوك

رح وده للرميح وهم يركبونه لك من جديد
بس لاعاد تفك شي إلا وأنت تعرف وشلون تركبه




الشكوى لله السالفة ان الهواء اللي داخلها طار
وشار علي واحد بمنتدى ثاني يقول غير الربل وغير البلف وووو كلها اشياء سهلة
عاد الفضاوة والعجز << لااجتمعو الله لايوريك (افكك اللي ماينتفكك)

[فتى مرات]

اخوي ترا الشغله سهله ما تحتاج لا رميح ولا شي ..
والرميح وانا اخوك مواعيده كذب بكذب .. قبل فتره موديها عنده والله ما فادني ولا شي يبي ياخذ دراهم بلي هي به يطلع خرابات بالبندق والبندق ما بها شي ..
ركبها ببيتك اذا عندك وجار{ مشب] .. بتكوون الشغلله اسهل من السهله ..
الادوات : عفريتة سياره .. اذا المساحه بين الوجار والجدار طويله بلكه عشان تقصر المسافه .. وبالعفريته اضغط السسته وضبط شغلك عا رواقه ..
وارجو ان المعلومه وصلتك .. اي اسفسار انا جاهز ..

[PATHFINDER 4]

اخوي ترا الشغله سهله ما تحتاج لا رميح ولا شي ..
والرميح وانا اخوك مواعيده كذب بكذب .. قبل فتره موديها عنده والله ما فادني ولا شي يبي ياخذ دراهم بلي هي به يطلع خرابات بالبندق والبندق ما بها شي ..
ركبها ببيتك اذا عندك وجار{ مشب] .. بتكوون الشغلله اسهل من السهله ..
الادوات : عفريتة سياره .. اذا المساحه بين الوجار والجدار طويله بلكه عشان تقصر المسافه .. وبالعفريته اضغط السسته وضبط شغلك عا رواقه ..
وارجو ان المعلومه وصلتك .. اي اسفسار انا جاهز ..


هلا اخوي فيه شئ انكسر داخل البندق ولتوضيح الصورة لي ولك
ابصورها بكره انشاء وانزلها واتمنى تواصلك والمعذرة اذا كنت ابشغلك

[هاواوي تبوك]

الله يجزاك خير وموقعي الرياض ولو قلتلك في تبوك منتب مقصر يامال الغناة



موفق ياغالي وفررصه سعيده انا في خدمة الرجال الي مثلك وشرواك دمت بخير:d

[فتى مرات]

هلا اخوي فيه شئ انكسر داخل البندق ولتوضيح الصورة لي ولك

ابصورها بكره انشاء وانزلها واتمنى تواصلك والمعذرة اذا كنت ابشغلك

ابد وانا اخوك انا تحت امرك بالي اقدر عليه ..

[بحّار]

أخوي أبو سعود ممكن تفيدني عنها هل هي عمليه وإلا لا وكم لها عندك لأني لقيت وحده مستعمله ونظيفه وسعرها معقول لكني متردد فيها أبيك تفيدني وجزاك الله كل خير...[اسأل مجرب ولا تسأل طبيب]