مشاهدة النسخة كاملة : لو تكرمتو من يفيدني ويعرف المشكلة اللي ما لقيت لها حل
الراسي231
26/08/2010, 04:41 AM
السلام عليكم ورحمة الله وبركاته
أرجو منكم الإفادة
عندي شوزن بلجيكية شاريها مستعملة عام 1415
لون الزناد عادي ما هو مذهب ولا فضي وعليها جسر
وشريت قبل سنتين شوزن بلجيكية جديدة أخت الأولى بالضبط
لكن الفرق الوحيد عدم وجود الجسر
الزبدة يا أخوان أن الاولى تجيب البعيد والجديدة تقصر دونها ما تجيب البعيد
وش العلة يا أخوان
الفشق واحد وطول الماصورة لكل الثنتين واحد بالضبط
لكن هذي تجيب البعيد وهذي لا
ما فهمت لهن إلى الحين من يفيدني يا أهل العلم
شف طال عمرك أنا اقارن بندقي بندق عمي وهن نفس بعض بس عمي قديمه وانا جديده
شف الماصوره وحط اصبعك داخل الماصورة بتشوف وشلون الماصورة ضيقه
والبندق الجديده اوسع شوي
وانت جرب باصبعك السباابه وبتلاحظ الفرق
هذا حدعلمي واللي عرفته
ويمكن الاخوان يكونون اعرف مني
الكركي الملكي
26/08/2010, 05:38 AM
وعليكم السلام ورحمة الله
أخي المفروض أن تكون التي بدون جسر هي التي تبعد وليس العكس
لأن الشوازن البراوننق القديمة معروفة
التي يأتي فيها جسر يكون طولها 28 إنش
التي بدون طولها 32 إنش وهذي هي الي تسوق أكثر
لاكن كم إنش طول المواصير عندك عشان نقدر نفيدك أكثر .
Auto-5
26/08/2010, 09:37 AM
وعليكم السلام ورحمة الله وبركاته ,
هلا بك ياعزيزي . .
الاخوان ماقصروا , لكن ممكن تشوف الجديدة كم نجمة منحوته عليها ؟
أنظرللصورة التالية لمعرفة مكان النجمة وعطني خبر
http://www13.0zz0.com/2010/08/26/06/954042367.jpg
دمت بود . . .
_دربيل_999
26/08/2010, 09:42 AM
هلا فيك اخوي..
اخوي كل البنادق اللي تستخدم كثير تضعق مع الوقت..
لأن ضغط السبطانة يقل بسبب إتساعها..
بارك الله فيك..
الروقي
ابوحمدjk6
27/08/2010, 02:48 AM
اخوي على السبطانة راح تلقي وحده عليها نجمة والجديدة عليها نجمتين
الراسي231
27/08/2010, 09:46 PM
السلام عليكم
مشكورين يا رجال على المرور وآسف على التأخير أولا
ثانيا
أخذت الشوزن وفكيتها وطلعت الماصورة
وجبت المتر وقستها إلا طولها 29 إنش لكل السلاحين
الخطوة الثانية دخلت الاصبع السبابة وطلعت الجديدة أضوق من القديمة بشي ما يذكر
مع إن الجديدة هي تقصر ما تبعد والقديمة وهي اللي تبعد أوسع بشي ما يذكر
الخطوة الثالثة فصحت السلاحين كم نجمة لقيت كلهم على نجمة وحده
هاه يا أهل العرف وش السواة
ليش هذي تبعد وذي تقصر
و أرجو منكم وش الفرق بين النجوم اللي على جنب
الراسي231
28/08/2010, 08:50 PM
للرفـــــــع
Almohannadi
29/08/2010, 12:06 AM
الاخوان مابيقصرون لاني انا ابي استفيد بعد
لا هنتوا
بن عيد1
29/08/2010, 12:59 AM
تدري وش السبب ؟؟
السبب طال عمرك هذي تحط الهدف على الحبه ( الجديده أم جسر )
والقديمات معروفات انها تزم تحط الحبه تحت الهدف ..
فممكن هذا الفرق بين الشوزنيين . .
لأني أعرف واحد من ربعي حمى ماصوره البلجيك ونزلها شوي عشان يصير الرمي على الحبه مثل الكسور ..
فالي تعود على مراميها يقول يافلان شوزنك تهفي . . .فيرد عليه ويقول : أنا حميت الماصوره عشام احط الصيده على الحبه
ولو قارناها مع نفس موديلاتها شي طبيعي ان وحده بتسوق أكثر لأن هذي شد بلد ( الرمي تنقيل ) والثانيه محميها ومنزلها راعيها فتفرق عن الاولى
لكن اذا عرف السبب بطل العجب . . :d
فهمتوا قصدي يالنشاما
سعودأبوفهد
29/08/2010, 05:48 AM
افادوك الاخوان
صلفان.نجد
29/08/2010, 12:18 PM
السبب واضح ان اللي سوقها ابعد هي (الماقنوم) والاخرى (اللايت).
النجم السيار
29/08/2010, 02:26 PM
بع الماصورة وزد عليها 2000 ريال وركب 32 زيرو
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir