المشورة ياأهل القصيم بوكالة تويوتا بالقصيم ولا يهون الباقين

[slomi]

السلام عليكم ورحمة الله وبركاته
مساء الخير إخواني الأعزاء

عندي استفسار (( مشورة )) للإخوان الي في القصيم
ولاهو قصور بالباقين:good2:

ندخل بالموضوع

معي موتر 2010 صار فيه صدمة من الجهه الأمامية يمين
الصدمة شملة ( الرفرف وصدام السيارة مع الشمعات والشبك )
والحمدلله جت سليمة والأمور سطحية والحمد لله على قضائه وقدره

سؤالي يالغاليىن ((( أنا ناوي بحول الله وقدرته إني أدخل السيارة لوكالة تويوتا بحكم إن السيارة نضام تأجير وعليها تأمين , ومحسوبكم من حائل وتخبرون الوكالة عندانا من جنب القدة :D لأنهم شركة متعاونة مع تويوتا ماهم فرع اساسي لعبد اللطيف قميل
والصراحة شغلهم عندنا لكم عليه
فا جت بالي إني أودي السيارة للقصيم بحكم القرب ولله الحمد
فالمطلوب هو المشورة من إخواننا الي في القصيم هل ينصحووننا بالشدة لم القصيم ؟
وش الفرع الزين هل فرع بريدة ولا عنيزة ولا كلهم عينين براس ؟

وفي الأخير الله لايججنا وياكم لمثل هالأمور
وتقبل الله منا ومنكم الصيام وجعلنا الله وإياكم من المقوبولين ومن العتقاء من النار

أخوكم : أبو أنوار

[الباثفايندر3]

الله ييسر امورك
انا والله ما اعرف لاكن الاخوان يفيدونك ان شاء الله

[m1111m]

افضل فرع عنيزة انظف شغل وأقل زحمة ..

وإلا فرع ابوجميل ببريدة بطريق عنيزة

[slomi]

الله ييسر امورك
انا والله ما اعرف لاكن الاخوان يفيدونك ان شاء الله
ماقصرت يالغالي جعلك سالم
مرورك شرفنا ودعائك أفرحنا

[slomi]

افضل فرع عنيزة انظف شغل وأقل زحمة ..

وإلا فرع ابوجميل ببريدة بطريق عنيزة
جزاك الله ألف خير أخوي جعلك سالم يارب

[علي عليوه]

أخوي أولا الحمدلله على سلامتك وعساها دافعة البلا عنك إن شاء الله

أبي أنبهك لحاجة بسيطة , وهي إن السيارة اللي تدخل الوكالة وهي بنظام التأجير

إذا الحادث اللي فيها مثلا صدام وطرف رفرف ,, يقوم العامل ويضرب البويه على الصدام والرفرف والكبوت واحتمال الرفرف الثاني ,, ولا تآآآمن إنه يمكن يرص التندة ببويه بعد :p:p:p

والحجة طبعا ,, تناسب اللون

وهذي صارت لزميل في وكالة الرياض ,, صدم ( ذيخ الله يكرم القارئ ) بكامري 2009 وتضرر الصدام والشبك والأديتر من تحت ,, الكبوت والرفارف سليمات 100 % ,, قاموا وصبغو له الرفرف مع الصدام
ولا كان يعرف هالشئ إلا بعد اكتشافه من شريطي بالدوام ,, يوم رجع لهم قالوا نعم علشان نضبط اللون

أنا طولت بالكلام ,, لكن مجرد تنبيه لك حتى لا تجد الواجهه مرشوشة بالكامل ,, يعني نبههم إن السليم يبقى برشته

وربي يعوض عليك إن شاء الله .....

[slomi]

أخوي أولا الحمدلله على سلامتك وعساها دافعة البلا عنك إن شاء الله

أبي أنبهك لحاجة بسيطة , وهي إن السيارة اللي تدخل الوكالة وهي بنظام التأجير

إذا الحادث اللي فيها مثلا صدام وطرف رفرف ,, يقوم العامل ويضرب البويه على الصدام والرفرف والكبوت واحتمال الرفرف الثاني ,, ولا تآآآمن إنه يمكن يرص التندة ببويه بعد :p:p:p

والحجة طبعا ,, تناسب اللون

وهذي صارت لزميل في وكالة الرياض ,, صدم ( ذيخ الله يكرم القارئ ) بكامري 2009 وتضرر الصدام والشبك والأديتر من تحت ,, الكبوت والرفارف سليمات 100 % ,, قاموا وصبغو له الرفرف مع الصدام
ولا كان يعرف هالشئ إلا بعد اكتشافه من شريطي بالدوام ,, يوم رجع لهم قالوا نعم علشان نضبط اللون

أنا طولت بالكلام ,, لكن مجرد تنبيه لك حتى لا تجد الواجهه مرشوشة بالكامل ,, يعني نبههم إن السليم يبقى برشته

وربي يعوض عليك إن شاء الله .....


الله يسلمك من كل شرأخوي علي وجزاك الله ألف خير على هالنصيحة
والصدق يالغالي الي خالني أفكر أروح للقصيم كله هاج من الوكالة عندنا أخبرهم بهم عما ألوان وهذا اللي يخوفك
والمشكلة إن لون موتري لؤلؤي لماع عاد رقعه إذا جاء الرفرف أبيض :eek:والصدام لؤلؤي :eek:
صارالموتر سيكل أفغاني :D:Dهههههههههههه
وماقصرت يالذيب على هالتنبية وغفر الله لنا ولك وللمسلمين يارب

[slomi]

للرفع لللرفع

[التعـ King ـديل]

كانك شاد شاد رح لفرعهم بالرياض والله يعينك على الزحمه بس شغل مضبوط

[هاجد2000]

حمد لله ع سلامتك اخوي وماتشوف شر عنيزه افضلك بكثير الي على طريق بريده وتقبل مروري.....

[slomi]

كانك شاد شاد رح لفرعهم بالرياض والله يعينك على الزحمه بس شغل مضبوط

ماقصرت أخوي التعديل
لكن تخبر الرياض ماتنقرب وقت هالحر وهالصيام :d:d

[slomi]

حمد لله ع سلامتك اخوي وماتشوف شر عنيزه افضلك بكثير الي على طريق بريده وتقبل مروري.....

ياهلا والله بك أخوي هاجد الله يسلمك من كل شر يالغالي
والشر مايجيك
الضاهر مثل ماقلت بحول الله أبكلم الوكالة اليوم أشوف هم يستقلون السيارة بعنيزة
ولا مايتقبلونه
وكل شي بمشيئة الله
وجزاك الله ألف خير وماقصرت

[mhmd5100]

عزيزي الغالي السلام عليكم ورحمة الله وبركاته

اولا الحمد الله على السلامه

بكلي صراحه فيه موزع لعبداللطيف جميل معتمد وهي

شركة القرعاوي التجاريه لبيع قطع غيار تويوتا الاصليه
يوجد كل طلبك واسعارهم رخيصه جدجدجد ومكملين للقطع كامله

موقع المركز الرئيسي القصيم بريده جنوب البلديه رقمهم 063274444 كما انا لهم فروع انصحك بهم