عداد ضغط الزيت ينزل للصفر ! جمس 2003

[Fmejrad]

السلام عليكم ورحمة الله وبركاتة

الشهر عليكم مبارك والله يعينا على صيامه وقيامه ولو انها جت متاخره ..

يالربع معي جمس 2003 مكينته 6.0 لتر بهذلني بهالخرابات لكن متحمله والشكوى على الله توني مسوي له صيانه مكلفتني 8 الاف ريال !

المهم المشكله الي فيه .. لاوقفت السياره على طلعة او نزله يعني السياره وانا انزلها من كراج البيت او برقى الكراج ينزل ضغط الزيت عندي لصفر وتطلع لي عبارة ضغط الزيت منخفض .. واول ماعدل السياره واخليها متواسيه يرجع الوضع طبيعي ..

ومرهـ اول ماشغلتها وهي بارده والسياره متواسيه لاهي على نزله ولا هي على طلعة المهم اني اول ماشغلتها طلعت لي عباره ضغط الزيت منخفض واقل من ثانيتين رجع الزيت لوضعه الطبيعي ..

الي ملاحظه هالايام بعض الاحيان وانا واقف او شي اشوف ضغط الزيت على الربع وبعض الاحيان يكون على النص .. مادري وش علته .. ناس قالو طرمبة الزيت بس ماتوقع العلة بالطرمبه .. اتوقع قطعة بالطرمبة او حساس او شي او تتوقعون من الزيت نفسه ؟

دلوني على الحل الله يجزاكم كل خير

[ابو حمد2010]

اذا انت تستخدم الزيت المخصص لسيارتك سواء الخفيف او الثقيل
ومتاكد من الزيت انه موب ناقص
ومتاكد من الامبير انه موب ملخبط
*لاتهمل هالمشكله لانها احتمال 90% انها طرمبه الزيت ظعيفه عندك *

[Fmejrad]

هلا يالغالي ابو حمد 2010 ..

الزيت الي استخدمه 10-30 .. والي مخصص لسيارتي 5-30 ..

والامبير شغال تمام والزيت شيكت عليه لقيت عياره ممتاز والامبير ايضا ممتاز ..

بس ماتوقع الطرمبة لان لو هي الطرمبة بتصير المشكله دائم وخصوصا اول ماشغل السياره وهي بارده !

لكن انا مشكلتي بس اذا كان بنزله او برقية يعني الوجه اذا كان مرتفع او نازل بس

[Dr.drb]

اعتقد والله اعلم انها طرمية الزيت

واحد من الربع معه تاهو 2002 كان تمام التمام .. يغير له زيت 20ـ50

و تهور ذاك اليوم و غير نوعية الزيت الى 10ـ30 وصار الموتر يسوي نفس حالة موترك و أشد .. كان عداد الزيت عنده على الصفر و يطلع صوت في المكينه طق طق طق طق طق .. تحسه صوت البساتم ما فيها زيت

وداه لميكانيكي وقاله هذي طرنبة الزيت ما تدفع الزيت للمكينه << مجيمه
وغير الطرنبه و الحمد لله تمام ألحين ورجع على الزيت الأول 20ـ50

و التكلفه 3000 ريال وعليها مع القطع و شغل اليد

اتمنى اني افدتك .. بالتوفيق

[Jeeper]

إذا لمبة ال Check Gauages تظهر عند إنخفاض الضغط معناه حساس ضغط الزيت .

[عميد سامودة]

هذي من طرمبة الزيت ما ترفع الزيت للبساتم لذلك غيرها قبل تعدم لك المكينه لعدم وجود الزيت

[fhd261050]

هل تسمع صوت طقطقه قويه عند تشغيل السيارة والامبير على الصفر؟؟؟؟
اذاالجواب نعم ...فهذي مشكله في طرمبة الزيت ولا تتهاون فيها...

او صوت طقطقه والسيارة واقفه في ميول؟؟؟؟

اذ الجواب نعم ... ممكن تكون المشكله في شفاط الزيت اللي بالكرتير..
هذا اللي حبيت اوضحه لك ...واتمنى لك التوفيق..........

[Fmejrad]

هل تسمع صوت طقطقه قويه عند تشغيل السيارة والامبير على الصفر؟؟؟؟
اذاالجواب نعم ...فهذي مشكله في طرمبة الزيت ولا تتهاون فيها...

لا يالغالي ماسمع شي ولا حصلت الا مره وحده اول ماشغلت السياره الامبير كان على صفر وفيه طقطقه خفيفه وراحت ورجع للنص وهذي صارت لي مره وحده بس ..

لكن الي دايم تصير انه يطيح على الصفر اذا كانت السياره بنزله او برقيه ..


او صوت طقطقه والسيارة واقفه في ميول؟؟؟؟


طقطقه خفييييفه مره

[Fmejrad]

الله يجزاكم خير على ردودكم بس ياخوان مافهمتوا مشكلتي ..

مشكلتي ياخوان ..

الطرمبة ممتازه وماتوقع فيها شي لكن فقط اذا كانت السياره نازله او مرتفعه يعني موقفها على نزله او موقفها على طلعه ينزل الامبير للصفر واول مادعس يرتفع ..

بس هذي مشكلتي عشان كذا ماقول انها طرمبه .. اكيد من شي ثاني مثل ماتفضل اخوي fhd261050 انها يمكن تكون شفاط الزيت الي بالكارتير

[gm2009]

انا معاي مثل موترك قد حصلت لي نفس المشكله بس بدون ما تكون السياره علي مرتفع او منخفض كانت تجيني ضغط الزيت منخفظ واذا دعست له زبطت الامور وديته ورشه نظف لي الكرتير وغير الوجه ونضف الطرمبة اضاهر والحين ما فيه الا العافيه

[Fmejrad]

انا معاي مثل موترك قد حصلت لي نفس المشكله بس بدون ما تكون السياره علي مرتفع او منخفض كانت تجيني ضغط الزيت منخفظ واذا دعست له زبطت الامور وديته ورشه نظف لي الكرتير وغير الوجه ونضف الطرمبة اضاهر والحين ما فيه الا العافيه

الله لايهينك تقدر تدلني على هالورشه ولا عليك امر

لان امس رحت لورشه قالي هذا الشخال يبليله تغير وشغل اليد بـ 800 ريال والقطعه قيمتها 35 ريال !!!!!!!

[ابونواف]

هلا بك حصلت معي المشكله نفسها والسبب اني ركبت سيفون تجاري مو اصلي وبعدين غيرت السيفون اصلي ونتهت المشكله لحظة ماشغلت السياره بعد تغيير السيفون
السيفون الغير اصلي تكون فتحاته ضعيفه ما يمرر الكميه الكافيه من الزيت للمكينه وللمعلوميه ماتجي المكينه نقطة زيت قبل ماتمر على السيفون
انا اقترح عليك اول شي غير السيفون ولازم يكون اصلي وكاله وإذا ماتغير شي المشكله من الطرمبه اكيد بشرط يكون امبير ظغط الزيت شغال مو عطلان او مفوت
وتقدر تغير السيفون من دون تغيير الزيت وتتأكد قبل الخسائر والله يوفقك

[Fmejrad]

هلا بك حصلت معي المشكله نفسها والسبب اني ركبت سيفون تجاري مو اصلي وبعدين غيرت السيفون اصلي ونتهت المشكله لحظة ماشغلت السياره بعد تغيير السيفون
السيفون الغير اصلي تكون فتحاته ضعيفه ما يمرر الكميه الكافيه من الزيت للمكينه وللمعلوميه ماتجي المكينه نقطة زيت قبل ماتمر على السيفون
انا اقترح عليك اول شي غير السيفون ولازم يكون اصلي وكاله وإذا ماتغير شي المشكله من الطرمبه اكيد بشرط يكون امبير ظغط الزيت شغال مو عطلان او مفوت
وتقدر تغير السيفون من دون تغيير الزيت وتتأكد قبل الخسائر والله يوفقك

معلومه جداً مهمه بارك الله فيك ..

ان شاءالله بغير الزيت والسيفون كلهم .. باخذ السيفون من الوكاله

[عاشق جيمي1982]

اخوي صارت نفس المشكلة عندي في التاهـــــو2002 وكل مااجي عند ورشـــــة يقولي طرمبة الزيت وانا غير مقتنع ذهبت للصناعية خلف ماكس بطريق خريص للورشة وقالى المكنيني بسيطة وهو 7 او 8 ورشة وقام بفك الكارتير وغير ربلة اشتريتها اصلية لونها احمر 45 ريال والحمد لله سيارتي رجعت زي مكان جوال المكنيكي0500296035 قصي اسمة

[Fmejrad]

اخوي صارت نفس المشكلة عندي في التاهـــــو2002 وكل مااجي عند ورشـــــة يقولي طرمبة الزيت وانا غير مقتنع ذهبت للصناعية خلف ماكس بطريق خريص للورشة وقالى المكنيني بسيطة وهو 7 او 8 ورشة وقام بفك الكارتير وغير ربلة اشتريتها اصلية لونها احمر 45 ريال والحمد لله سيارتي رجعت زي مكان جوال المكنيكي0500296035 قصي اسمة

والله ممتاز .. الله يبشرك بالخير .. انا كنت متخوف من الطرمبه ..

بكلم الرجال اليوم وبشوف وش يقولي .. لكن ماقلت لي كم اخذ عليك شغل يد ؟

[Fmejrad]

ياشباب اليوم رحت لورشة بالبيد ..

قالي ان 95% عندك هي طرمبة الزيت .. يقول لان ضغط الزيت عندك على الربع .. وصحيح كلامه اليوم كان الضغط على الربع والايام هذي كل ماشغل السياره وهي بارده يطلع لي صوت طقطقه ويكتب لي ضغط الزيت منخفض وضغط الزيت يكون على الصفر و5 ثواني ويرتفع من حاله ..

لكن اليوم لاحظت اول ماوقف ضغط الزيت بعض الاحيان على الربع وبعض الاحيان بين النص والربع ..

قالي شغل يد فقط بـ 800 ريال والطرمبة بسوي لك خصم عليها وبتطلع لك بـ 300 ريال

وش رايكم يالربع مادري وش السواه والله ..

لانه قالي موترك دفرنسين ولازم نفك صدر المكينه كامل وبتاخذ اسبوع تقريبا

[تناهيت]

الله العالم موترك فيه جلد بلوف
يبيلها تغيير صوت التكتكه هذي من البلوف ولها تأثير على قوة ضخ الزيت للمحرك ومن ثما على اداء الطرمبة
لاكن اسمع كلامي ونا اخووووووك
ارقد عن الموتر وخله عنك هاليومين وخل سواقتك طبيعية عليه الى عقب العيد وشف ويصير
كان معي جمس جلست نفس مشكلتك معي فوق الــ6 أشهرومسكت خطوط عليه وبعته وما فيه مشكلة وراعيه اللي شراه مني اعرفه ما سووى فيه أي شي وماشي معه ويروح عليه للحفر كل شهرين تقريبا من الرياض ..
شف ونا خوووك انت تقول مصينه بـــــ8000 ريال هذا دليل انك موسوس معليش واي ملاحظة تروح به للصناعية وحقين الصناعية عاد حدث ولا حرج الذمة مافيه الا من رحم ربي

طع شوري وتركد الى بعد العيد
تحياتي

[مهندس الكشتات]

ياشباب اليوم رحت لورشة بالبيد ..

قالي ان 95% عندك هي طرمبة الزيت .. يقول لان ضغط الزيت عندك على الربع .. وصحيح كلامه اليوم كان الضغط على الربع والايام هذي كل ماشغل السياره وهي بارده يطلع لي صوت طقطقه ويكتب لي ضغط الزيت منخفض وضغط الزيت يكون على الصفر و5 ثواني ويرتفع من حاله ..

لكن اليوم لاحظت اول ماوقف ضغط الزيت بعض الاحيان على الربع وبعض الاحيان بين النص والربع ..

قالي شغل يد فقط بـ 800 ريال والطرمبة بسوي لك خصم عليها وبتطلع لك بـ 300 ريال

وش رايكم يالربع مادري وش السواه والله ..

لانه قالي موترك دفرنسين ولازم نفك صدر المكينه كامل وبتاخذ اسبوع تقريبا
أنا حصلت لي نفس المشكلة و كان السبب طرمبة الزيت
ولــكن

اذا قررت تغير طرمبة الزيت أستغلها فرصة و بدل كل القطع الاستهلاكية التعبانة او النص عمر ( كراسي المكينة ,, بلاكات ,, ربلات ... الخ )

[Fmejrad]

الله العالم موترك فيه جلد بلوف
يبيلها تغيير صوت التكتكه هذي من البلوف ولها تأثير على قوة ضخ الزيت للمحرك ومن ثما على اداء الطرمبة
لاكن اسمع كلامي ونا اخووووووك
ارقد عن الموتر وخله عنك هاليومين وخل سواقتك طبيعية عليه الى عقب العيد وشف ويصير
كان معي جمس جلست نفس مشكلتك معي فوق الــ6 أشهرومسكت خطوط عليه وبعته وما فيه مشكلة وراعيه اللي شراه مني اعرفه ما سووى فيه أي شي وماشي معه ويروح عليه للحفر كل شهرين تقريبا من الرياض ..
شف ونا خوووك انت تقول مصينه بـــــ8000 ريال هذا دليل انك موسوس معليش واي ملاحظة تروح به للصناعية وحقين الصناعية عاد حدث ولا حرج الذمة مافيه الا من رحم ربي

طع شوري وتركد الى بعد العيد
تحياتي

لا والله يالغالي ماني موسوس بس موتري معي له سنتين ولا قد سويت له صيانه ورحت فحصته وصلحت كل شي خربان فيه باحد الورش وكلفني 8 الالف ..

بس ماتهنيت فيه بعد ماطلعته باسبوع طلعت لي هالمشكله


أنا حصلت لي نفس المشكلة و كان السبب طرمبة الزيت
ولــكن

اذا قررت تغير طرمبة الزيت أستغلها فرصة و بدل كل القطع الاستهلاكية التعبانة او النص عمر ( كراسي المكينة ,, بلاكات ,, ربلات ... الخ )

الله يجزاك خير على النصيحه .. طيب ياخوان ماتخبرون لي ورش اسعارها مناسبه ؟

لان كل الورش الي رحت لهم يقولون بـ 800 ريال شغل يد لان موترك دبل دفرنسين ويحتاج فك صدر المكينه

[بوفهد7]

أستاذي اذا كان فيه صوت تكتكة مستمر بالمكينة حارة باردة ركز على حارة فهي مشكلة طرمبة وان لا فهو نفس الامبير حق الزيت عطلان أن عندي أمبير الزيت مرة يشتغل ومرة لا وماجيته عادي المهم ركز على أول الكلامولاتوسوس وشكرا

[Fmejrad]

أستاذي اذا كان فيه صوت تكتكة مستمر بالمكينة حارة باردة ركز على حارة فهي مشكلة طرمبة وان لا فهو نفس الامبير حق الزيت عطلان أن عندي أمبير الزيت مرة يشتغل ومرة لا وماجيته عادي المهم ركز على أول الكلامولاتوسوس وشكرا

لا مافيه صوت مستمر ..

فقط الصوت يطلع اذا نزل ضغط الزيت الى صفر .. وضغط الزيت ماينزل الا صفر الا اذا نزلت السياره من كراج البيت واول ماتتعدل يرجع الضغط لوضعه الطبيعي

[بوفهد7]

أجل لاتفكر في الطرمبة حط زيت 10/30 ورقم السيفون الخاص بها من الوكالة بالبيد ولا العيسى ولاالجميح أرخص وأضمن من البنشري وشكرا

[Fmejrad]

أجل لاتفكر في الطرمبة حط زيت 10/30 ورقم السيفون الخاص بها من الوكالة بالبيد ولا العيسى ولاا
لجميح أرخص وأضمن من البنشري وشكرا

اخوي انا استخدم زيت 10/30

والسيفون مادري هو اصلي ولا لا لكن المشكله طلعت لي بعد تغيير الزيت باسبوعين تقريبا وسالت ناس كثير قالوا ماراح تستفيد لو تغير الزيت والسيفون بس بتضيع فلوسك ع الفاضي

[njm_saheel]

شف وانا اخوك
كلام اﻻخوان على متمه
انت عرضته على ورشة وحده وبالجوال حسب مافهمت
بدلك على ورشة كويسة بالامريكي وﻻ تعتمد عليها اعتماد كلي رح لكم ورشة لين تشوف الكلام اللي يريحك بس ﻻ تعتمد على الكلام ﻻزم فحص اما كمبيوتر او غيره المهم
الورشة اسمها التقوى على طريق ابو بكر وتقاطع ومخرج تسعة اللي هو اﻻمام سعود او عبدالعزيز يا زين الشوارع اذا صارت ارقام مهيب اسامي
ماعلينا انا جربت شغلهم وشغلهم مضبوط فيها واحد اسمه ابو طارق مر عليه وان شاء الله تكون مشكلتك بسيطة وإذا خلصت من عنده دور لك ورشة ثانية مثل البيان الجديد بحي الملك فهد فيها فلبيني اسم خليل اعرض السيارة وشف وش يقولك واللي كلامه قريب لصح توكل على ربك وصلحها

[al7beeeb]

ايضاً لاتنسى تشيك على ساعة الزيت ترى اذا فيها مشكلة تعطيك قراءة خطأ انشالله اني افدتك

[راع الونيت]

مثل ما قالوا الأخوان ساعة الزيت مهمة ابدأ فيها بالأول لأن تكلفتها رخيصة ولاتأخذ وقت في التركيب
وكثير من الأحيان تسوي نفس المشكلة التي ذكرت
وتقبل تحياتي