فزعة لاهنتم ياهل الخبرة .. باترول 2005 لؤلؤي فل كامل

[أبونورة777]

السلام عليكم ورحمة الله وبركاته


تحية طيبة للجميع


جزيتم خيراً .. اللي عنده علم


وش يسوا باترول سوبر سفاري موديل 2005 لون لؤلؤي


فتحة .. جلد .. لون الداخلي : بيج


مراتب متحركة


ماشي 160.000 كم فقط


استخدام شايب باسمه من الوكالة


خالي من السمكرة ونظيف بدي ومحركات



كم يسوى ؟ الله لا يهينكم


لا يرد إلا اللي عنده علم .. تكفون .. وبسرعة

[كلاسيكو]

حسب ماشفة بالسوق
ان السوبر يفرق عن غيره بشي كبير بالمبلغ
من 82 الف لحد 85 هذي معدل اسعاره
مع اني حصلت لحد 90 الف موقفات داخل معارض ونت تعرف الي بالمعرض فيه فرق عن الي براء بالساحه

تقبل مروري

[التعـ King ـديل]

يوصل 80

وكانك بياع تراني ادور لي مثله

[أبونورة777]

الله يجزاكم خير يا شباب

ما قصرتو ..

[_دربيل_999]

من 85 الى 90 الف وربك يوفقك

[راعي طويلات]

وعليكم السلام ورحمه الله وبركاته
الموتر يسوى 90 الف يابو نوره وكانك بتخطبه من راعيه فهو يستاهل أكثر وخصوصا أنه نظيف من بدي ومحركات وممشاه معقول وعلى يد رجال كبير سن من وكالته وأيضا لونه أبيض لؤلؤي
والله يكتب لك مافيه خير

[أبوفهد7]

وعليكم السلام ورحمه الله وبركاته
الموتر يسوى 90 الف يابو نوره وكانك بتخطبه من راعيه فهو يستاهل أكثر وخصوصا أنه نظيف من بدي ومحركات وممشاه معقول وعلى يد رجال كبير سن من وكالته وأيضا لونه أبيض لؤلؤي
والله يكتب لك مافيه خير

انا اقول ما بين 80-85 لانه معروض علي فل كامل لؤلؤي خليجي يفرق عن السعودي دف لوك مسيوم 90 وحدة 93 موديل 2005 ماشي 86 الف نضيف بدية ومحركاتة ممتازه ومفحوص عن ثلاث محلات وكلهم يقولون سليم من بينهن البريدي

[محمدالعريني]

ماشاالله وانا اخوك الموتر تحط فيه الى 87 الف اذا كانك ناوي تستخدم ميب خساره فيه وان كانك تبي ترزق الله لا تعديه 83

شرط انه نظيف النظيف يعني بطنه ماشهب ولا وجهيته وبديه سالم من البويه ووقفته وقفت الجديد

[أبونورة777]

من 85 الى 90 الف وربك يوفقك

الله يجزاك الجنة اخوي .. ما قصرت



وعليكم السلام ورحمه الله وبركاته
الموتر يسوى 90 الف يابو نوره وكانك بتخطبه من راعيه فهو يستاهل أكثر وخصوصا أنه نظيف من بدي ومحركات وممشاه معقول وعلى يد رجال كبير سن من وكالته وأيضا لونه أبيض لؤلؤي
والله يكتب لك مافيه خير

الف شكر اخوي .. وجزاك ربي الجنة ما قصرت




انا اقول ما بين 80-85 لانه معروض علي فل كامل لؤلؤي خليجي يفرق عن السعودي دف لوك مسيوم 90 وحدة 93 موديل 2005 ماشي 86 الف نضيف بدية ومحركاتة ممتازه ومفحوص عن ثلاث محلات وكلهم يقولون سليم من بينهن البريدي

جزاك الله خير اخوي .. واحب افيدك .. الموتر الحمد لله خليجي وفعلا على كلامك فيه دوفلك .. ما قصرت يالغالي




ماشاالله وانا اخوك الموتر تحط فيه الى 87 الف اذا كانك ناوي تستخدم ميب خساره فيه وان كانك تبي ترزق الله لا تعديه 83

شرط انه نظيف النظيف يعني بطنه ماشهب ولا وجهيته وبديه سالم من البويه ووقفته وقفت الجديد

الله يجزاك خير اخوي .. والله انا صار لي فترة ادور .. وان شاء الله اني ابستخدم .. اذا ما حدتنا الظروف على بيع لا قدر الله :(




تحياتي للجميع .. والله يجزاكم عني كل خير

ابشركم اني ان شاء الله استخرت وكلامكم ريحني كثير والله .. وتقريباً اشتريته ان شاء الله .. والله يرزقنا خيره ويكفينا شره


ادعو لنا بالبركة .. وكل اللي ردو ان شاء الله معزومين ( انزالة بمناسبة الشراء .. اذا تمت البيعة ان شاء الله )

وتقبلو احترام اخوكم الصغير .. ابونورة

[راعي طويلات]

انا اقول ما بين 80-85 لانه معروض علي فل كامل لؤلؤي خليجي يفرق عن السعودي دف لوك مسيوم 90 وحدة 93 موديل 2005 ماشي 86 الف نضيف بدية ومحركاتة ممتازه ومفحوص عن ثلاث محلات وكلهم يقولون سليم من بينهن البريدي
أبو فهد جعل والديك بالجنة ومن يقرا قل آمين
اول شيء السوبر سفاري اجباري فيه دوف لوك ومواصفات السعودي والخليجي وحده باستثناء السفاري تو المطور يجي عندهم بفتحه وحساسات ولحيه ونوع نادر منه يجي بدوف لوك وهو طلبيه
والسوبر سفاري له سعره والسفاري تو له سعره والسفاري 1 له سعره
ثاني شيء الخليجي ينخاف منه ولاتعتمد على عداد لان ترجيعه عندهم مثل شرب كاس المويه
ثالث شيء ترى الموتر المعروض على أخونا أبو نوره هو فل كامل رقم واحد ومن كلامه أنه مع راعية وكالة وهو رجال عاقل ومشروطه نطافته بدي ومحركات وهذي بحد ذاته تفرق بقيمته وخصوصا للمستخدم لأنك خابر الموتر زين وعارف راعيه وسواقته
80_85 بتشيخك بسفاري تو نظيف بالحيل ولامشى واجد موديله 2005 ويمكن تحصل 2006 أبيض لؤلؤي طبعا تبي نظافته الله بالخير تحصله بالسبعينات

[راعي طويلات]

تحياتي للجميع .. والله يجزاكم عني كل خير

ابشركم اني ان شاء الله استخرت وكلامكم ريحني كثير والله .. وتقريباً اشتريته ان شاء الله .. والله يرزقنا خيره ويكفينا شره


ادعو لنا بالبركة .. وكل اللي ردو ان شاء الله معزومين ( انزالة بمناسبة الشراء .. اذا تمت البيعة ان شاء الله )

وتقبلو احترام اخوكم الصغير .. ابونورة


أبو نوره بادعي لك الله يطعمك من خيره ويكفيك شره وجعله مركب مبارك ان شاء الله
وماوصيك بالاستخاره والفحص :good2:

[أبونورة777]

أبو نوره بادعي لك الله يطعمك من خيره ويكفيك شره وجعله مركب مبارك ان شاء الله
وماوصيك بالاستخاره والفحص :good2:

آمين جزاك الله خير اخوي ما قصرت

[حبوب333]

ماله اخو خخخخخخخخخخخخخ

تراي تعبت وانا ادور

[أبونورة777]

ماله اخو خخخخخخخخخخخخخ

تراي تعبت وانا ادور

موجود في السوق حصلت كثير والله ..

وموتري فداك يالغالي .. اذا لك خاطر فيه ;)

[حبوب333]

موجود في السوق حصلت كثير والله ..

وموتري فداك يالغالي .. اذا لك خاطر فيه ;)

تسلم يالذيب الله يباركلك بما شريت

ادري كثير بس النظيف قليل كلها كسر ومطيرين اسعارها