الفزعة يالربع

[حنتوووش]

السلام عليكم ورحمة الله وبركاته

اخباركم طيبين...!

الصراحة تعبت وانا ادور لحم ارانب طازجة...طبعاً انا ساكن بشمال الرياض

وابغى طريقة تصليحها بالمضغوط مع الرز وافضل بهارات لها

وابغى طريقة تصليح السمان في المضغوط مع الرز وافضل بهارت لها ايضاً ايضاً

انتظركم تكفون يالربع عندنا طلعة اليوم وابي ابيض الوجه...

[حنتوووش]

16 مشاهدة بدون اي رد ...!

[بن حاضر]

وش السالفة اليوم القسم كله ارانب ..

عموماً يـ الطيب .. فيه محلات التحسين في الملز عن الملعب بـ الضبط ..

عندهم ارانب طازجة ..

وطريقة الطبخ تختلف من شخص الى آخر ..

عموماً الطريقة المتعارف عليها .. واللي اسويها ..

تحمس البصل ثم الطماط وتضيف البهارات اللي تبي .. بعدين تضيف الارانب وتحمسها مع بعض .. او انك تحمس الارانب البصل فتره عشان تاخذ الارانب نكهت البصل وتضيف الطماط والبهارات والثوم وتضيف الماء المغلي .. وتسكر الكاتم ياخذ قوت من 20 ال 30 دقيقة .. بعدها طلع الارانب وكب الرز واحسب 3 دقايق بعد ما يدور البلف وقصر على النار وخلها 10 دقايق بعدها طف النار ووقت مانت تطبخ الرز تقدر تدخل الارانب في الفرن بعد دهنها بـ الزبدة او السمن عشان التحمير ..

وكذلك السمان بس الوقت طبخ الحمام اقل تاخذ لها 10 الى 15 دقيقة بعد دوران البلف ..

واسواق التحسين تبيع سمان وحمام وارانب وغيره ..

[حنتوووش]

تسلم زننتظر طرق ثانية...

[صقرحايل]

ما شاء الله تبارك الله
وتلقاها عند الوطنيه