رش خفيف شرق بريدة

[أبــوريـــان]

السلام عليكم ورحمة الله وبركاته

كيف حالكم ياخوان
كنت قادم من الرياض مساء يوم الجمعة ويوم دخلت الدائري الشرقي لبريدة وإذ زخات من المطرالخفيف
حوالي الساعة الحادية عشر ليلً وانا ما صدقت على الله بغيت اطير من الفرحة
على العموم اقاربي يقوللون لهم يومين يجيهم سحاب في بريدة
وعذروني راح اغيب عنكم اسابيع لكن لي عودة

تحية طيبة للجميع
ابوريان

[إبراهيم الفوزان]

صحيح اخوي ابو ريان حتى اليوم العصر كانت سحابة غرب بريدة واشوف عواصيف معاها وكنت اتوقع انها تضرب بريدة لكن الخيال بيجي من شمال ويروح جنوب وامس الخيال يجي من جنوب غرب ويروح شمال لاكن كلمني واحد من الشباب اليوم العصر وهو طالع من المدينة بعد التفتيش جاهم مطر زين يقول حتى الجبال كانت فية شلالات وكلام الرجال ثقة

[أبوأحمد98]

الله يبشركم بالخير ياجماعة ...اللهم اجعله امطر خير وبركة ...

((لجى سهيل لا تمن السيل))

الله يلحقنى خير ان شاء الله ..

[القصيعة]

مشكور أبو ريان لو أن الكلام هذا ما يبشر المزارعين لأنه يضر بالتمر

[مطرح الحيل]

السلام عليكم

صحيح أخوي المدينة المنورة يوم الخميس هطلت عليها أمطار خفيفة ولكن على منطقة المنتزة البري ( البيضاء ) جاها مطر قوي وسالت بعض الأودية وكذلك طريق تبوك بعد محطة الفحص الدوري .

ويوم الجمعة كنت قادم من جدة ( عروس البحر الأحمر ) بعد العصر وأبشرك هطلت أمطار متوسطة إلى خفيفة على المدينة وكانت أشد غزارة على طريق القصيم الجديد وفيه وادي أسمه ( الحار ) سال من الجال إلى الجال .
وكذلك على شمال المدينة سمعت من شخص ثقه أنه فيه سيول كبيرة .

والله يغيثنا ويغيث جميع ديار المسلمين .

هذا مالدي و إنشاء الله اليوم يكون فيه مطر واجيب العلوم الزينة .

[ولدابوه]

السلام عليكم
ولو ان المطر هذه الايام مايصلح عل المنطقه الوسطى رغم اختلافي مع الكثيرين لانه يعتبر { } مانيب معلمتكم الا اذا جا وقتها
ثانيا هذه الايام المطر ما له ضرر على التمر بخلاف المدينه المنوره
عن السخريه وكل واحد يجيب رايه

[إبراهيم الفوزان]

عندك شيْ من الادعاء يأختي ولد ابوها :d

[خالد العوض]

والله اذ كثر المطر على النخل المثمره يضر
على التمر يصير فيه بقع سودا على التمره ويعطيه حموضه لانه تتخمر مع الرطوبه
والله اعلم

[ولدابوه]

اولا لابد التفريق بين الرطب والتمر
المطر مايأثر في الرطب وبالتالي فأنه هذه الايام المطر لا يضر وذالك اننا في المنطقه الوسطى مازلنا في بواكير الرطب اما بعد اسبوعين فما فوق فان المطر يضر بالنخيل