فزعتكم ياشباب مشكله في الفورد هبلت فيني تهبيل.........تكفون

[مــاجــد]

ياشباب السالفه ومافيها الموتر اذا صار له فتره واقف ما يشتغل
يعني اوقفه بالليل واجي الصبح اشغله ما يشتغل على طول
يدق سلف ومافيه خلاف وكل شي تمام لاكن ما يشتغل الا اذا دبلت بنزين
يعني المشكله تكمن في انه اذا طول اكثر من 5 ساعات واقف ما يشتغل الا اذا دبلت بنزين
واحيانا يطول معي يعني اقعد مايقارب عشر دقايق وانا ادق سلف وما يشتغل
الا اذا دبلت له بنزين اكثر من مره
فيه ناس قالو لي طرمبه بنزين وفيه ناس قالو بخاخات
وواحد قالي الحاضن حق البنزين حق بالخاخات
والحقيقه اني محتار مادري وش اسوي ولمين اوديه
تكفون يالربع اللي مرت عليه هالمشكله يفيدني او دلونا على ورشه سنعه
تحل هالمشكله اللي هبلت فيني
تكفون
الفورد ميركوري

[ي ا س رر]

انا موتري مثلك ونفس مشكلتك تقريبا وقالوا لي غير البواجي بس ما بعد غيرتها

انا يطول ما يشتغل بس ما ادبله اشغله ٣ ولا ٤ مرات ثم يشتغل

[1824]

روح قطع الغيار واشتر علبتين منظف مستوبيشي حق البنزين وعبه فل مع بنزين 95 وامش عليه 100 كيلو وجرب بعدها وشوف ورد لنا خبر بالتوفيق لك

[MSAN]

سؤال.. اذا جيت تعبي بنزين.. التعبية تكون عادية زي كل السيارات والا كل شوي تطق الي تعبي بنزين ولازم تعبيها شوي شوي...؟؟؟؟؟

[الباحثي]

اخي الكريم... فورد موديل ونوع السيارة ؟. الاحتمال الأكيد البنزين ما يوصل الى البخاخات بسبب قلة ضغط البنزين وخاصة انك قلت اذا طولت ٥ ساعات( هل توجد ريحة بنزين ؟؟؟او خرير او تنقيط من عند الفلتر؟؟؟ ) في اي صوت غريب لمضخة البنين؟؟؟والله اعلم

[craino]

حياك
اسباب هذه المشكله كثيره
لكن مدام تحتاج تدبل للسياره عشان تشتغل هذا يجعل احتمالية ضعف طرمبة البنزين هي الاولى
تحتاج تفحص ضغط طرمبة البنزين عشان تعرف هل فيها مشكله او لا
وهذا يتم بإحد امرين
اولا بجهاز فحص متقدم يشوف لك من الكمبيوتر كم قيمة ضغط البنزين
ان كان سيارتك جراند ماركيز فالضغط لازم يكون 40-70 psi
او بالساعة الميكانكيه يتم توصيلها الى منفذ بقرب البخاخات
يعني لا تغير شي بدون فحص
اذا كان هناك ضعف واضح وانت ما سبق غيرت صفاية البنزين فنصيحة غيرها قبل الطرمبة لأنها لو مسدوده راح تخلي ضغط طرمبة البنزين منخفض
فيه نقطه مهمه تحتاج تنتبه له

[we2]

اخي الكريم... فورد موديل ونوع السيارة ؟

معروفة عند الشعب السعودي كامل .. كلمة فورد = ماركيز او فكتوريا :D

.................................................. ..............................................

اتوقع مشكلتك في طرمبة البانزين شيك عليها اول قبل تغيرها