أستفسار مهم

[راعي الدويمع]

السلام عليكم ورحمة الله وبركاته
أعضاء مكشات الكرام عندي طير شيهانه جبليه فرخ ها السنه توه مطروح نقزته على العلف من الوكر على يدي من مسافة5متر اكثر من مره طبعن في المجلس وطلعته للبر حول 4 مرات مع فجت الضوء وربط له سبب حول 20 متر ودعيه على حمامه حيه لكن يبطي ما طلبه وبعد ربع ساعه من المنادا يطلبها علما انه له 24 ساعه ما علف وله اربع ايام على ها الحال وش المشكله وشكرا

[الشمالي 8008]

انتبه لها من الجوع الزايد ولا تستعجل ترا حنا تونا الجو حار خلها تستهد في الحمام
وافحصها في المستشفى والله يوفقك وتاكل من صيدها

[راعي الدويمع]

يعطيك العافيه بس ودي توضيح اكثر

[ابوفهيدالسهلي]

واصل على هطريقه ونشاالله تعود وناسرها مناسر مايطرح الطيور كود النقور والله يوفقك

[راعي الطييب]

السلام عليكم ورحمه الله


يالغالي الحين الطيور توها طالعه من الربطه يعني تقريبا لها اربع شهور مربوطه وانت حاول انك تدربها الفجر اذا الجو بارد وحاول انك تقرب لها وكل مره بعدها عنها الين مايوفق رب العالمين وترا الوضع طبيعي لاتخاف من شيء وانما ( خاف من رب العالمين )


والسلام عليكم ورحمه الله وبركاته

[لبيه يمنادي]

أعضاء مكشات الكرام عندي طير شيهانه جبليه فرخ ها السنه توه مطروح نقزته على العلف من الوكر على يدي من مسافة5متر


ياخوي هذا كلامك انت توك ناقل الطير والطير عده عنده وحاشه ،، طول بالك علي طيرك وقرب له المسافه وخله يذبح الحمامه اكثر من مره وياكل منها ويعرف ان العيشه فيها ويوم اتحس ان الطير مايهاب.... بعد عنه الحمامه شوي وكرر العمليه يعني كل يوم بعد له المسافه شوي .... وأحذر ياخوي من كثر الجوع اترا رده شين علي الطير .

والله يطعمك من صيدها أن شأ لله .

[مسعطر]

انتبه لنقطه الجوع وبالذات الشاهين
وعسى الله يطرح فيها البركه

[AL-DOSSARY]

انا رأيي مثل اخواني الطير توه طالع من الربطه وعاد فيه وحاشه .. اصبر عليه .. وجوعه يوم او يومين ولا تزيد عنها ... وبيطيح اللي براسه ان شاء الله

[الطبشي]

انتبه؟
من الجوع الزائد للشاهين
وهذى يعرضها للمرض
والله يكون في العون
0000000000000

[skeet]

لا تستعجل عليها تو الناس

[v506]

اول شيئ عطه الحمامه قدام عيونه مذبوحه وشق صدرها ولا تنتف الريش خل فيها الريش

وخله ياكل منها

بس في ارض وسيعه مهوب في مجلس لأجل الريش

وحاول ان الحمامه تكون طبه يعني توه طالع من العش

يعني -صوص-فرخ-(طبه)
يصير لحمه زين وعظامه هشه
ما اقولها عن عبث عندي خبره في الحمام وأي واحد يبي يستفسر عن الحمام ايميلي تحت في التوقيع


بعدها جبها له قدام الوكر بمتر او مترين وفك سبوقه


وخله بيهجم عليها

وبياكلها

وخلك حوله وخلك

رابطها بحبل عشان ما يطير بها وخله وهو ياكلها يشوفك وخلك قريب من عنده قدام وجهه

عشان معد يكوش عليها

عشان يتعود

عليك ولا يخاف ولا تقرب

منها ولا تحاول انك تتخاشر معه او تحط يدك عنده
او تقطع له او شيئ

في نظره انك تبي تاكل معه
ونظريه اخرا هو خايف منك في البدايه أصلا


في المره الثانيه


ابعد مسافه اكبر بقليل عن لي فاتت
في ارض فاضيه

وعطهياه حيه وخله يذبحها وحاول انك تكون الحالك ما حولك

ناس ازعاج وترفيع وناس مسويه نفسه فاهمه

عشانك بتطفش

وتكره الطير والشغله كلها حاول انك ما تجيب معك اي واحد
الى اخوك ولا واحد تمون عليه وتقوله انقلع بعيد لا تتكلم ولا شيئ:)

وكرر نفس العمليه

كل يوم تبعد شوي في المسافه

ونشاء الله بتنجح الطريقه

هاذي حسب خبرتي لأن عندي فرخ جبلي والله اعلم

اذا بغيت تاخذ وتعطي معي عان ايميلي في التوقيع


بالتوفيق للجيمع

[@قرناص@]

عليك بنقلة الطيره وتدهيلها وبعد ماتركد ابدى اطلعبها

[صامولي]

أفادوك الاخوان

[حر جبله]

افادوك الاخوان
والله يطرح البركه فيها
وتاكل من صيدها