نقص ماء الاديتر ولا يوجد تهريب

[مراقب الصيد]

السلام عليكم ورحمة الله وبركاته

واحد من الشباب لدية كابرس كل بين فترة وفترة ينخفض مستوى ماء الاديتر
فتضيء لمبة التنبية فيقوم بإضافة الماء في الاديتر والقربة ، وعند الكشف لم يلاحظ أي تهريبات واضحة .

ـ تتوقعون اين تكون المشكلة ؟

[ابونواف]

ممكن موديل السياره
فيه عدة اسباب لنقص الماء من دون تهريب
الاديتر له عمر افتراضي يصير يبخر الماء ويلزم تغييره ويمكن الغطاء حق الاديتر الربل حقه منتهي ويمكن يروح للمكينه وتقدر تعرفه لوفتحت غطاء الزيت حق المكينه تلاقي عليه بياض مثل الزبد او نقط ماء على الغطاء من الداخل
او يروح الماء للقير مع مواسير التبريد وهذا تلاقي زيت القير زايد عن المعدل

المهم الاهم لايكون يروح داخل المكينه والله يعينك

[al-hrf]

اقرب ماله الغطا السبرنق الي فيه مرتخي فيصير ضغطه مو بالحيل فإذا احتر الاديتر بدا يفوت

او يبخر..

لو يجرب يغيره , لأنه مو غالي, وفي الغالب يكون السبب منه, وموفقين خير.

[ABO-ASEAL]

الغطاء والله اعلم

[بوعلي الشمري]

يمكن الراديتر فيه شق صغير ويتبخر الماء ماينلاحظ نفس ماصارمعي

[beacon]

السلام عليكم
اخوي انا متابع للمنتدى من سنوات بدون تسجيل
لكن شفت موضوعك وسجلت عشان اعرض عليك معاناتي من نفس المشكلة الحل اللي لقيته

طبعا عانيت من هالمشكلة في سيارة فورد 98 ولمدة طويلة تقارب السنتين وغيرت الرديتر يمكن اربع مرات بسبب انه تخلص الموية وينشق الرديتر
طبعا جربت حلول كثرة منها تغيير الغطاء ولكن المشكلة مستمرة وتغيير الرديتر هو النتيجة بسبب تبخر الماء

المهم مابي اطول عليك
وديتها لواحد فلبيني قالي غير طرمبة الماء ورحت جبت طرمبة من الوكالة بـ 220 ريال
يوم فك الطرمبة القديمة جاتني صدمة من اللي شفته كان الحديد الداخلي متاااااااكل بسبب الصدا ويتبخر الماء من نفس الطرمبه
ركبت الجديده ولله الحمد من 5 شهور ماينقص الرديتر
يوجد صور عندي للطرمبة القديمة والجديدة
سوف اعرضها لاحقا ان شاء الله

اسف على الاطالة

[نهار الوقت]

شف الثلاجه حقت المكيف يمكن يبخر منها من الغمار بتلقا رطوبه والله يعينك

[الأحمدي أحمد]

اخي القدير لي واحد من اقاربي نفس المشكله

معاه كامري 200 وطلع أن راس الماكينه ضارب

المويه تتبخر مع الشكمان

ياليت اكون افدتك بمعلومه

[توت مثلج]

انا جـآتني هالمشكله على خط الحسـآ - الدمـآم بس ما اعبيه رديتر اعبيه ماي ع ـآدي لأنه إخترب في وسط الخط فـ صرت اوقف في المحطه وأعبي مويـىآ ..

فـ بعدين وصلت لخط الريـآض المدينه .. ووقفت في محل في الحويمـآت .. وقـآل لي في تهريب وصلحه أي كلآم ..

ولمـآ وصلت للمدينه وديتهـآ لوكالتهـآ بالمدينه ..

[مراقب الصيد]

ممكن موديل السياره
فيه عدة اسباب لنقص الماء من دون تهريب
الاديتر له عمر افتراضي يصير يبخر الماء ويلزم تغييره ويمكن الغطاء حق الاديتر الربل حقه منتهي ويمكن يروح للمكينه وتقدر تعرفه لوفتحت غطاء الزيت حق المكينه تلاقي عليه بياض مثل الزبد او نقط ماء على الغطاء من الداخل
او يروح الماء للقير مع مواسير التبريد وهذا تلاقي زيت القير زايد عن المعدل

المهم الاهم لايكون يروح داخل المكينه والله يعينك

موديل السيارة 2005
سبق ان استبدل غطاء الاديتر

[مراقب الصيد]

السلام عليكم

اخوي انا متابع للمنتدى من سنوات بدون تسجيل
لكن شفت موضوعك وسجلت عشان اعرض عليك معاناتي من نفس المشكلة الحل اللي لقيته


طبعا عانيت من هالمشكلة في سيارة فورد 98 ولمدة طويلة تقارب السنتين وغيرت الرديتر يمكن اربع مرات بسبب انه تخلص الموية وينشق الرديتر
طبعا جربت حلول كثرة منها تغيير الغطاء ولكن المشكلة مستمرة وتغيير الرديتر هو النتيجة بسبب تبخر الماء


المهم مابي اطول عليك
وديتها لواحد فلبيني قالي غير طرمبة الماء ورحت جبت طرمبة من الوكالة بـ 220 ريال
يوم فك الطرمبة القديمة جاتني صدمة من اللي شفته كان الحديد الداخلي متاااااااكل بسبب الصدا ويتبخر الماء من نفس الطرمبه
ركبت الجديده ولله الحمد من 5 شهور ماينقص الرديتر
يوجد صور عندي للطرمبة القديمة والجديدة
سوف اعرضها لاحقا ان شاء الله



اسف على الاطالة


شاكر لا هتمامك وإفادتك

[صامولي]

انتبه لا يكون يختلط مع زيت المكينة ويتبخر

[مراقب الصيد]

انتبه لا يكون يختلط مع زيت المكينة ويتبخر


صاحبنا يقول قبل يومين مغير زيت الماكينة ولم يلاحظ شيء

[العديم2009]

حياك الله اخي الكريم
كان لدي نفس المشكله في سيارتي كرسيدا سابقا ولا ادري ماالمشكله لين خبطت
المهم بعد مافكوا المكنيه طلع السبب تاكل الصدر الفاصل بين المكينه والطرمبه حقت الماء
وصار الماء يدخل من الطرمبه الى المكينه ويختلط مع الزيت وهذا سبب النقص في الاديتر
خل صاحبك يعاير الزيت ويلاحظ لايكون الماء يدخل الى المكينه مع الزيت
ارجوا اني افدتك من تجربتي التي صارت معي
تقبل تحياتي

[مراقب الصيد]

شكرا لافادتك اولاً
وسوف نبلغ صاحبي يعاير الزيت

[مخاوي العريس]

انتبه لا يكون الراس . . أنا صار معي نفس الي صار معك وطلع
راس المكينة مشعور أفحصه

[شويحط]

انا معي كابرس خله يشيك على الهوز الي يروح للهيتر حق المكيف يحصل عند الرفرف الايمن تحت شوي حول القزوز تراه بلاستك ويتكسر

[راعي طويلات]

الشباب ماقصروا وشيك على طبات المويه لايكون التهريب منها وخصوصا الي بين المكينة والقير يغيرها مع الصوف مره وحده

[اسير الغضا]

واحد من الربع عنده جمس قديم وماغير يعبي

وسألته ليش قال المكينه خالطه وباقي عليه شوي وتخبط

[You Like Me]

اخي العزيز
في ما مضى كان معاي كابرس LTZ مديل 2000
وغيرت بـ ss مديل 2003
وغيرت LTZ مديل 2005
وكلها نفس المشكلة كل شهر تقريباً او شهر ونصف بدون مبالغه لازم تولع اللمبة
وفعلاً احصل الماء ناقص ونقص الماء مو قليل مادري وين تروح المويه
صرت ماعاد اسأل وانا اخوك
لين ودعت الملاعب قصدي ودعت الكابرس وارتحت من مشاكله
فـقل لصاحب الكابرس اهم شي اللمبة تولع وتحذرك ولا فيه تسخين هذا اهم شي
والله لا يهينه كل ماولعت يعبيه

[مراقب الصيد]

صاحبنا قام بخطوات بالتدريج كالاتي:ـ
1)ــ قام بتغيير غطاء الاديتر. ( النتيجة سلبية )؟
2)ــ قام بفك الاديتر والتتصييخ وتغيير الطبليات البلاستيكية والتأكد من عدم وجود تسربات فيه(النتيجة سلبية)؟
3)ــ قام بتغيير طرمبة الماء والبلف والجلبة التي بين الماكينة والطرمبة.(النتيجة سلبية)؟
4)ــ قام بتغيير طبليات الماكينة كاملة وننتظر النتائج لنوافيكم بها؟

[هواي جنوبي]

اخوي شيك على ثلاجه المكينه خذ لك مشوار وشيك ممكن تحصل تهريب مويه من لي المكيف الحار اعلى المكينه

وشيك على اللي (الماصوره) اللي طالع من المكينه الى الرديتر اذا هو قوي ومليان هوا ترى راس المكينه ممكن يكون فيه مشكله

والله يعينك

[الصيادالمليح]

إحتمال نقص الماء شيء طبيعي في نوعية السيارة وخاصة السيارات الأمريكية .. أقرا في كتيب السيارة يمكن مذكور فيها هذا الشيء ..
واحتمال التبخير من قربة ماء الرديتر

[مراقب الصيد]

صاحبنا قام بخطوات بالتدريج كالاتي:ـ
1)ــ قام بتغيير غطاء الاديتر. ( النتيجة سلبية )؟
2)ــ قام بفك الاديتر والتتصييخ وتغيير الطبليات البلاستيكية والتأكد من عدم وجود تسربات فيه(النتيجة سلبية)؟
3)ــ قام بتغيير طرمبة الماء والبلف والجلبة التي بين الماكينة والطرمبة.(النتيجة سلبية)؟
4)ــ قام بتغيير طبليات الماكينة كاملة وننتظر النتائج لنوافيكم بها؟
البند رقم ( 4 ) كذلك النتيجة سلبية ؟

[مراقب الصيد]

اخوي شيك على ثلاجه المكينه خذ لك مشوار وشيك ممكن تحصل تهريب مويه من لي المكيف الحار اعلى المكينه





وشيك على اللي (الماصوره) اللي طالع من المكينه الى الرديتر اذا هو قوي ومليان هوا ترى راس المكينه ممكن يكون فيه مشكله



والله يعينك


لي المكيف الحار مقفل لانه يخرج منه رائحة كريهه
جميع الخراطيش (الليات ) سليمة

[مراقب الصيد]

إحتمال نقص الماء شيء طبيعي في نوعية السيارة وخاصة السيارات الأمريكية .. أقرا في كتيب السيارة يمكن مذكور فيها هذا الشيء ..
واحتمال التبخير من قربة ماء الرديتر
القربة يقول صاحبنا أنها محكمة
والغريب في الأمر أن القربة دائم مليانه ماء للآخـــر مع ان صاحبنا لم يملأها ؟؟؟؟

[الفين6]

القربة يقول صاحبنا أنها محكمة
والغريب في الأمر أن القربة دائم مليانه ماء للآخـــر مع ان صاحبنا لم يملأها ؟؟؟؟


[اسمع بالعلم اللي ان شاء الله يكون صحيح اذا مافيه تهريب ولا يخلط مع زيت المكينه ولا يخلط مع زيت القير
هذا طال عمرك من وجه الراس يطلع الماء على شكل بخار مع الشكمان ودليل على كلامي
أن القربة دائم مليانه ماء للآخـــر مع ان صاحبنا لم يملأها ؟؟؟؟ولوتلاحظ الشكمان تلاحظ عليه زي رطوبه او اثار ماء

[ابو مقعد511]

وانا نفس المشكله عندي في الكامري 2003.. غيرت البلف و مانفع و غيرت الغطاء ثلاث مرات ولا زالت المشكله موجوده ...لاكن الله يجيب الحل الاكيد.. والله يعين..

[فايز الهواس]

السلام عليكم صرت القصه تفس الي مع الرجال في ددسن 96 موضبة وطلعتها منت الورشة وتفاجات ان الما يطلع من الرديتر الى القرية مع اني ماعبيتها والسيارة ماتمرنت وغيرت على طول غطاء اديتر وماصر شي بحكم الخبرة قلت للمكنيكي فك الغطاء حق المكينة وشد الراس زين الان كان فية مويا بسيط ما يبان الا بعدالمشوار في غطى الزيت حتى اني وريتة لخواني ومالاحضو شي وزبطة بعد شد الراس الانة راخي

[مراقب الصيد]

[اسمع بالعلم اللي ان شاء الله يكون صحيح اذا مافيه تهريب ولا يخلط مع زيت المكينه ولا يخلط مع زيت القير
هذا طال عمرك من وجه الراس يطلع الماء على شكل بخار مع الشكمان ودليل على كلامي


أن القربة دائم مليانه ماء للآخـــر مع ان صاحبنا لم يملأها ؟؟؟؟ولوتلاحظ الشكمان تلاحظ عليه زي رطوبه او اثار ماء


شيكت انا وصاحبي على الشكمان
وفعلا حصلنا فيه بخار زي الرطوبة او تقدر تقول آثار ماء واذا طفى السيارة نلاحظ ينشف البخار بالتدريج

ـ وش يسوي صاحبا يعني يروح لميكانيكي ويقول له غير وجه الراس تفاديا لاجتهادات الورش ؟أفدنا جزاك الله خيرا
لان خسائر الاصلاحات تجاوزت الالفين ريال دون جدوى

[خبير رديترات]

يجب ان يقوم الكشف على طرمبة الموية قد تكون تهرب الموية ومع المشي ينشف مكنها بس لازم بيكون هناك اثار للموية وخاصة لو هي موية حمرا او خضراء
واذا سليم ممكن يكون من القربة عندما ترتفع الحرارة يرجع الموية على القربة والقربة تمتلي وتفضي من الموية وتنشف مع المشي ولا يعرف شي لما يشوف القربة ما يلقى شي لانة نشف
وايضا لازم يشيك على زيت الماكينة وزيت القير ايضا لان مبرد القير داخل الرديتر
والله يوفقكم

[مراقب الصيد]

شكرا اخي ( خبير رديترات ) على اهتمامك
اتمنى ان تقرأ ردودي على المشاركات خاصة الرد رقم ( 21 )

[مراقب الصيد]

تطور الوضع مع المعاناة من نقص ماء الاديتر إلى ارتفاع الحرارة بصفة متقطعة وليست مستمرة علما بان اضافة الماء كل اربع أيام مقدار قارورة ماء ابو ريال
علما بان غطاء الاديتر يكون بارد وعلبة الماء مليانة

عرضناها على خبير سوداني وقال داير منشعر الرأس
والنتيجة النهاية بكرة نوافيكم بها
لكن شعر الراس كم الوقت الكافي للاصلاح وماهي القطع التي يلزم لتغييرها ؟؟؟

[dr7004]

للمعلومية الصدأ بيسبب سخونية في الموتر وبذلك تتبخر الموية بشكل دائم حاول تغسل عند اصحاب اللديترات بالمكينة ب 50 ريال

[مراقب الصيد]

ما ينصح بغسل مواصير الماكينة في اجهزة الغسيل ، يقال ان له تأثير على السيارة

شاكر لك ،،،

[الصقر الحربي]

ياجماعة الي عنده حل يخبرنا

مشكلة وشيبت براسي
كل يومين أحصل القربة فاضية بدون تهريب واضح
غيرت الطرنبة وغيرت الغطا وشيكت على الاديتر ومافيه تهريب والليات
وديتها خبير رديترات ماحص اي تهريب ودييتها لكم مكانيكي ماكشف المشكلة
الحل ياجماعه
السيارة كامري97-4 -سلندر

[لاندكروزر11]

يحط ماء اخضر لايحط ما عادي الماء العادي يتبخر

[أحمد الصريدي]

السلام عليكم ورحمة الله وبركاته ياجماعه الخير انا عندي نسيان باترول 2003 ينقص ماء فحصت الرديتر مافي شي وبطلت راس المكينه بعد ما فيه مشكله غيرت كل حاجه وبعده يسرب الماء فيدوني جزاكم الله خير

[m a s]

اخوي احمد الموضوع قديم

وبالنسبه لوضعك شيك شيك على زيت القير والمكينه اذا كان زايد

هل غيرت خراطيش الماء لانه اذا مشقوق خفيف مايبين التهريب ولا ينقط يتبخر
بالتوفيق