الطير ..... والملواح

[أبو شعلان]

بسم الله الرحمن الرحيم

إخواني الكرام أتمنى من كل عضو أو مشرف أو زائر يشرفني في هذا الموضوع أن يكتب رأيه
لكي أستفيد أنا وغيري من الذين يعانون بمثل هذه المشكله إليكم السالفه .

إذا كان فيه طير ما يبي الحمام وطقه على الشلو ( الملواح ) قوي بمعنى إنه يضرب اللي يلوح
يعني ينصى اللي يلوح ويضربه في جناحه أو في جسمه كله وأحيانا يضرب الأرض من حرّه على الملواح
كيف يتم التعامل معه . غير اللي يسمونه الجذب في السياره لأنه الصراحه خطر علي وعلى الطير
والله يعطيكم ألف ألف ألف عافيه
وشكرا
:j

[أبو رداد]

السلام عليكم ورحمة الله وبركاته


الاخ العزيز ابو شعلان .... حياك الله

الطير مايريد الحمامه ... لوانت ماتريد تعلم طيرك على الحمامه ؟

اذا كنت تريد تعلم طيرك على الملواح ... وكان يضرب الي يدعيه

في طريقه شفت الخواجات يسوها لدعو الجيره .... وهي ربط الملواح في راس عصا من خشب

طولها تقريبا مترين .... ويكون طول حبل الملواح تقريبا متر

بس خلي بالك يريدلها تدريب في البدايه

وسلامتك

[المري]

هلا ابو شعلان وحياك الله يالغالي..

مثل هذا الطير اللي يضرب صقاره في حل : ادعه واذا جاك خش الملواح منه ويدعيه الشخص اللي هده بلمواح ثاني واذا جاءه

يخش الملواح منه ثم تدعي انت وهكذا انت يكتسب لياقة ثم مع الوقت ينسى الحرصه على الملواح..

وسلامتك..

اخوك / المري

[أبو شعلان]

بسم الله الرحمن الرحيم

الله لايهينكم أخوي أبو رداد وأخوي المري على مشاركتكم الفعاله

أخوي أبو رداد الطريقه هذي أحس إنا أسرع طريقه لكسر جناح الطير وبصراحه أحس إنها خطره.

أخوي المري ترى الطير ينصى الرجال ماعليه من الشلو يضربه من جد بلشنا فيه .

وعلى كل حال أشكركم على هالمشاركه ويعطيكم العافيه
:j

[سرهيد1]

بسم الله الرحمن الرحيم

قبل الملواح يالربع كانو شيبان يتبعون طريقة ( الشقلبه) وهي على أن يقوم الصقار ومعاونه بالوقوف على بعد كيلو ونصف من بعضهم بعض وكل منهم لديه علف في يده ثم يتم دعوه حينما يصل لأحدهم بنسره ثم يخفي العلف ثم يصيح عليه الثاني وتواليك.....

كذلك من الممكن أن تستخدم الطائرة الورقية أخوي أبو شعلان فهي مفيده في مثل حالات طيرك هذا ,

وأذكر كان عند واحد من الربع مثلوث نسميه ( النكبه ) وطالما أستخدمناه لتوريط من لا يعرفه حيث نطلب من الشخص أن يلوح للطير ولمى يصله الطير يقلب الاوله ثم الثانية والثالثة في العقال أو العصبة ههههههههههههههه وتعال شف وجه صقار الغفله لامن طقه الطير بين عيونه .

هذا ما أعرفه قد يساعدك ولك مني السلام

[عناز]

السلام عليكم ورحمة الله وبركاته...أخوي أبوشعلان اعتقد ان السبب الرئيسي في ضرب الطير للي يلوح له يعود الى الطريقه التي يلوح بها الصقار والمتمثله في بطء سحب الملواح التي تسمح للطير باللحاق به والمناوره للقبض عليه حتى من خلف الصقار .... اما سرعة سحب الملواح مع المسافه الصحيحه فهي لاتسمح للطير بمتابعة الملواح والمناوره .... وهذه المشكله تجدها اكثر مع اللي يسحب الملواح بالارض

[طيرحوران]

أبو شعلان حياك الله وماهو الطير إذا كان من الجير فهذه طبوعه .
وإذا كان من الحر فاأتوقع أن الطير يسبق على الملواح لمعرفة إتجاه الملواح . ولكن لاتقم بسحب الملواح ولاتحريكه حتى ولو ببطء حتى تلاحظ أن الطير أراد الإنقضاض على الملواح فتسحب الملواح وبحركة سريعة مع أنخفاض يدك تجاه الأرض حتى لايتعور جناح الطير .
والله أعلم

[عبسي]

عندي طيور انواع النفسيات بقوه
الاول ينصى الوجه كنه حلاق اسمه هشام
و الثاني ينشب بالثوب كنه خياط بياخذ المقاس اسمه بطاش
و الثالث ينصى الـ(ـــــــــــــــــ) كنه ممرض بيدق ابره اسمه كساب
وش الحل يا ابو شعلان
شكلي ابوديهم لوزير مكتب العمل يفتح لهم محلات

[الاسطوره]

الى الاخ ابوشعلان السلام عليكم ورحمة الله وبركاته تحيه طيبه
انا شفت مثل هذه الطيور والحقيفه مالها الا دواء واحد وصدقنى مجرب عند كثبر من الاخوان
1- ان كان الطير وحش فهذا منك
2- ان كان الطير بيتى فدواه السوق الله الايهينك ولا تاعبل الطير مثل سالفة راعى الوكري (شرار )
والسلام عليكم ورحمة الله وبركاته وأن شاء الله نجيب سالفة الوكري

[أبو شعلان]

بسم الله الرحمن الرحيم

أخوي سرهيد حياك الله بس حلو إسم (النكبه ).

أخوي عناز مرحبا بك صدقني إن الطير يسبق للملواح بشكل خيالي .

أخوي طير حوران هلا وغلا الطير حر أصل والصراحه فكرتك حلوه .

أخوي عبسي ياهلا ومرحبا بس طيورك هالعمال شاريهن من السوق وإلا مستقدمهم هههههه

أخوي الأسطوره هذي الساعه المباركه وحياك الله أما من ناحية راعي شرار فـــ ( كلن بعقله راضي )هههههه

وأخيرا أقلولكم الله لا يهينكم على هالمرور

وتقبلوا تحياتي

[لطاش]

السلام عليكم ورحمة الله وبركاته


عليك بالطريقه الي ذكرها ابو رداد
لو تعودت عليها تقطع جناحه ومايضرب الي يلوحله
واذا كان مش ولابد اشتر طياره وادعيه فيها


فمان الله