الجروووح
24/07/2005, 03:09 AM
السلام عليكم ورحمة الله وبركاتة .
اخواني اعضاء مكشات العزيز .
هذي قصيدة للشاعر بدر الحويفي اعجبتني وحبيت أنقلها لكم .
وهو شاعر لا يخفى عليكم صاحب ولع وطير .
اتمنى ان تحوز على رضاكم وأستحسانكم .
ياللي طلبتوا نبـذةٍ مـن قصيـدي=عن واقع المعقول لأنقص ولا أزيد
أنا غرامـي وإنبساطـي وعيـدي=تفريعة القرناس بأرضٍ بها صيـد
إليا شطّب الصيحان روس الزبيدي=والعشب جالـه بالمثانـي عناقيـد
والبدو مـا يبـدا لهـم بالشديـدي=تسعين ليلـة ماحكـوا بالمواريـد
ضيق بهـم در الغنـم والجميـد=مايشربـون إلا حليـب المجاديـد
والبل وبرها طار وأبـدل جديـدي=ورودم على الفطر سواة المجاليـد
ومن فضل ربي كل يـومٍ تزيـدي=قامت عشايرهـا تسـن المفاريـد
والصبح تسمع للطيـور تغريـدي=ليل الشتا طولـه عليهـن سراميـد
هذيـك والله منوتـي ياعضـيـدي=لاساقه الله من صـدوق المواعيـد
ماكفـه تديـر لرجـم المفـيـدي=وذوب على خشم الخدار ومشاحيد
مجهود من نـو الجبـاه السديـدي=وحصل لها قبل العقـارب تماديـد
غثوه على روس الشجر والهضيدي=وسـاق وتساقـا للنفـود وتخاديـد
وفيض على فيحان ريف المعيـدي=نبي لنـا بإشعـاف لوقـا مطاريـد
على وسـوق مقربـات البعيـدي=من فوقهن يازيـن مـزح الأواليـد
لافـرع النـادر وطلعـه وكيـدي=وحول على جول الحباري تقل حيد
وسلط على الخرب النشيط العنيدي=حاسه وداسـه والحبـاري ملابيـد
يقضي بها الصقـار يـوم جديـدي=في ساعـة مابـه وجيـه مقاريـد
هذا هـوا بالـي وهـذا رصيـدي=سوق النظر بين السهال الجراهيـد
لو كان من طرد الولع ما استفيـدي=فتقٍ بقلبـي واعـذروا يالأجاويـد
ونومي تحت طل النجوم الجليـدي=عنـدي كنـب ومنجـد زل تنجيـد
لو لامني خطـو الغشيـم البليـدي=طرد الولـع مابـه عليّـه مناقيـد
وشوف الفياض المخضرة يالحميدي=وشمة ذعاذيع الهوى عندنـا عيـد
وللكيف ذوق ولااستماع النشيـدي=لاقلطـوا رسـلان وإلا بغـاديـد
ثنتيـن هيـل وثالثتهـن عـويـدي=وكلٍّ على ماتطلب النفـس وتريـد
وقدوعهن من طلع حدب الجريـدي=أحسن نمونه من نما شـرع الغيـد
وسوالـفٍ ماقيـل فيهـا جحيـدي=والصيـد لانمّـة ولاهـي هرابيـد
ساعات نقضيهـا ويـوم سعيـدي=ولادامت الدنيا لعامـر وأبـا زيـد
الـدايـم الله والفـنـا للعبـيـدي=والرزق عند منـزل الـدر بالديـد
محيي الهشيم اللي عروقه هميـدي=رزاق ماتحت الصخور الجلاميـد
والله يدبرنـا عـلـى مايـريـدي=وصلوا على اللي وحد الدين توحيد
اخواني اعضاء مكشات العزيز .
هذي قصيدة للشاعر بدر الحويفي اعجبتني وحبيت أنقلها لكم .
وهو شاعر لا يخفى عليكم صاحب ولع وطير .
اتمنى ان تحوز على رضاكم وأستحسانكم .
ياللي طلبتوا نبـذةٍ مـن قصيـدي=عن واقع المعقول لأنقص ولا أزيد
أنا غرامـي وإنبساطـي وعيـدي=تفريعة القرناس بأرضٍ بها صيـد
إليا شطّب الصيحان روس الزبيدي=والعشب جالـه بالمثانـي عناقيـد
والبدو مـا يبـدا لهـم بالشديـدي=تسعين ليلـة ماحكـوا بالمواريـد
ضيق بهـم در الغنـم والجميـد=مايشربـون إلا حليـب المجاديـد
والبل وبرها طار وأبـدل جديـدي=ورودم على الفطر سواة المجاليـد
ومن فضل ربي كل يـومٍ تزيـدي=قامت عشايرهـا تسـن المفاريـد
والصبح تسمع للطيـور تغريـدي=ليل الشتا طولـه عليهـن سراميـد
هذيـك والله منوتـي ياعضـيـدي=لاساقه الله من صـدوق المواعيـد
ماكفـه تديـر لرجـم المفـيـدي=وذوب على خشم الخدار ومشاحيد
مجهود من نـو الجبـاه السديـدي=وحصل لها قبل العقـارب تماديـد
غثوه على روس الشجر والهضيدي=وسـاق وتساقـا للنفـود وتخاديـد
وفيض على فيحان ريف المعيـدي=نبي لنـا بإشعـاف لوقـا مطاريـد
على وسـوق مقربـات البعيـدي=من فوقهن يازيـن مـزح الأواليـد
لافـرع النـادر وطلعـه وكيـدي=وحول على جول الحباري تقل حيد
وسلط على الخرب النشيط العنيدي=حاسه وداسـه والحبـاري ملابيـد
يقضي بها الصقـار يـوم جديـدي=في ساعـة مابـه وجيـه مقاريـد
هذا هـوا بالـي وهـذا رصيـدي=سوق النظر بين السهال الجراهيـد
لو كان من طرد الولع ما استفيـدي=فتقٍ بقلبـي واعـذروا يالأجاويـد
ونومي تحت طل النجوم الجليـدي=عنـدي كنـب ومنجـد زل تنجيـد
لو لامني خطـو الغشيـم البليـدي=طرد الولـع مابـه عليّـه مناقيـد
وشوف الفياض المخضرة يالحميدي=وشمة ذعاذيع الهوى عندنـا عيـد
وللكيف ذوق ولااستماع النشيـدي=لاقلطـوا رسـلان وإلا بغـاديـد
ثنتيـن هيـل وثالثتهـن عـويـدي=وكلٍّ على ماتطلب النفـس وتريـد
وقدوعهن من طلع حدب الجريـدي=أحسن نمونه من نما شـرع الغيـد
وسوالـفٍ ماقيـل فيهـا جحيـدي=والصيـد لانمّـة ولاهـي هرابيـد
ساعات نقضيهـا ويـوم سعيـدي=ولادامت الدنيا لعامـر وأبـا زيـد
الـدايـم الله والفـنـا للعبـيـدي=والرزق عند منـزل الـدر بالديـد
محيي الهشيم اللي عروقه هميـدي=رزاق ماتحت الصخور الجلاميـد
والله يدبرنـا عـلـى مايـريـدي=وصلوا على اللي وحد الدين توحيد