شوركم يالغاولي

[نسيت أنساكـ]

السلام عليكم ورحمه الله
طابت اوقاتكم بكل خير يالغالي
رزقنا الله واياكم العتق من النار


يالغوالي انا واعوذ بالله من كلمه انا اول مره انقل طير السنه هذي ان شاء الله
وشريت لي طير حر عسى الله يبارك فيه

وهو الان في المربط والطير الحمد لله مصفي الان
فما رئيكم متى اطلعه من المربط وادهله واشوف اموري معاه

علماً اني نزلت موضوع قبل فتره بهذا المضمون ونصحني بعض الشباب اني انقله اذا هو مصفي وفيه من قالي اخر عشر ايام من رمضان وناس قالوا اذا عيدت انقله وانا والله متقطع من الشوق على نقله

برئيكم يالغوالي متى انقله وهل الوقت والاجواء مناسبه وانا مكاني قريب من الرياض


شوركم آل مكشات

[طير الهقاوي]

وعليكم السلام ورحمة الله وبركاته
من استشارك دخل ذمتك
بالنسبه لي انا شخصياا اذا بنقل طير وهو حشيم وغالي
ماراح انقله وقول في نفسي اني بنقله بعد بدي من قمرا الفطر وورا
يعني من نصف عشره وورا
تقبل مروري

[الشيب الذيب]

لتستعجل علي الطير خلي يصفي ثم انقل الطير والله يطعمك من صيده

[ابوأفياء]

ياخوي الله يرزقك

واشوف انك ماتنقله الى ايام العيد

والله كريم

[نسيت أنساكـ]

لاهنتم جميعا
الله يصبرنا

احترامي

[الشمالي 8008]

والله اذا الطير جاهز ومصفي وانت فاضي
انقل الطير ودهل وافحص الطير وخل شمس الصبح تضربه

[البروالطير]

السلام عليكم (الهواوي)
مشاء الله علي الطير اللي صفي بدري والحمد لله
من فترت 7سنين تقريبا كان عندنا وكري وصفي بدري وما نقلناة
والسبب ان الصيد يبدا عندنا في شهر 10ميلادي
تدري ويش صار بدت تعزق الريش من جديد
لكن هل الوكري مثل الحر الله اعلم
لو انا مكانك نشيل الطير ونهدية ونبدا في اعلومة لكن ما اهد لان الجو حار والسلام عليكم.

[الصاعقة33]

صبحك الله بالخير اذا الطير مصفى انقله بعد العيد مباشره والله يرزقك ويطعمك من صيده انشاءالله

[ABN-DSHIN]

وعليكم السلام

وجهه نظري اذا فاضي وما عندك شغل حاليا انقل الطير وطيحه وركده

ولا تدعيه الجو حار ولا اطلعه بالشمس لان الجو حار

بس خله بالدوانيه ونقزه ومن ذا )السواه يونسك وتونسه(

ولا تدعيه الا اول 10 ولا نص عشره
والشور عندك


وتاكل من صيده انشاء الله

تعديل لجميع الصقاقير (لا تخلون طيوركم في محل فيه دخان زقاير ) اردى رييه ريه الطير وانتوا اخبر .....

والطير جناح ونسم

[قنااااص]

ماقصروا الشباب الله يعطيهم العافية

[skeet]

افادوك الاخوان

[مختااار]

الظاهر انك مشتاق لنقلة الطير


مدام مصفى الطير مافى اي مشكله في نقلة الطير

ولاكن ديربالك بما انك اول سنة لنقلة الطير

وانا اقول استشير صقار دايم بكل شي ماتعرفه او تجهله

وان شاء الله يفيدك ومايقصر معاك

والله يطرح بطيرك البركه وتهد فيه مستانس

اما عن رايي شخصى عن نقلة الطير انا ناقل طيرى

لاكن ديربالك من الجو الحار لا تاخذك العجله وتهده بالجو الحار

[نسيت أنساكـ]

الله لا يهينكم حبايبي
وبيض الله وجيهكم وماقصرتوا جميعاً
وعسى ربي يكتب اللي به الخير

[falcon 1]

شف وانا اخوك ...الطير تقدر تنقله اول ما يصفي لكن نصيحتي لا تنقل الحين لانه رمضان وحر ههه ...لا جا وقت البراد انقل ..او على الاقل بعد رمضان ...راح ترتاح ان شاء الله ..والله يوفقك يباركلك بطيرك ..فالك الخرب اخوي

اخوك فالكن 1

[قرناس الباطن]

النقلة الزينة بعد العيد وحاول ان يكون حول لك صقتقير وهم انشا اللة يوجهونك

[كنق الشرقيه]

افدوك الاخوان
تاكل من صيده انشاء الله

[قنيص غير]

ماقصروا الشباب افادوك

[بن حريول]

وعليكم السلام
اذا الطير مصفي وموسه عاصب اكل لقمت العيد وادعه شوي شوي مع الفجر
لين يبرد الوقت شوي وادعه عصير وعسى الله يرزقك بلخرب الي يصيده

[الجراح11]

والله وانا اخوك على حسب منطقتك ؟ يعني
اهل الشمال البعيد ينقلون بعد العيد مباشره لان الجو يصير زين عندهم.
اهل الشرقيه افضل وقت بعد العيد مباشره وتجنيب الطير الحراره لان الحباري تجيهم بدري شوي.
اهل نجد والحفر وشمال حايل والغربيه والجنوب بعد العيد بثلاث اسابيع افضل