غرزت وشكل الجمس تفقعت بلوفه والحراره hأقصى ارتفاع الفزعه بورشه تصلحه

[ابوهيون]

توني راجع انا والعيال من الثمامه غرزت ودبلت للموتر ابيه يطلع والظاهر اني اوجعته وانه يبي له توضيب# الحراره اعلى شي ويالله يقوى يمشي وعشان العيال معي والوقت متاخر مشيت به 30كيلو الين طفى عند البيت

[THE KILLER]

شوف ياخونا عندك الامريكي فورد وجمس وشفر بالدبل مو زي اللاند كروزر عشق وامشي وادوس الدبل بالامريكي اذا ما تعرف تستخدمو تمااام يخرب عليك بااقل من ثانية
هادي المشاكل يشتكو منها الناس بشكل غير طبيعي والسبب الاستخدام السيء

[عـبـود 911]

شيك راس المكينة والبلوك اذا انشلخ البلوك .. الله يعينك عالتوضيب
امما اذا الرااس .. الله يعينك بيضعف العزم

[غالي]

ياخي الكريم
ماترتفع الحراره الا من اسباب

يا نقص ماء رديتر

يا مواصير متسدده

يانقص في زيت المكينه

يا مروحة التبريد خربانه


المفروض الله يهديك يوم شفت الموتر حرارته مرتفع خليته لين يبرد وشيكت على الماء والخراطيش والزيت

ماتعرف شيء في الخراطيش مثلي ؟

ابد كان شيكت على الماء والزيت والمروحه سهل مايبيلها شيء الظاهر

لكن الله يعينك ان شاء الله

[GX-R 2001]

الله يكونْ بععونكْ ~

[ابوهيون]

ابشركم يوم اصبحت عبيتها مويه صارت منتهيه المويه لسببين الاول تهريب في الطرمبه والثاني اللي اللي يروح للمكيف منفك قمت وربطته ووديتها وغيرنا الطرمبه ومشى الحال ولله الحمد(مع ملاحظة مشيت30كيلو والحراره hولكن الله سلم)المشكله كانت في الوقت معي كنت قبل السحور ومعي العائله كامله والكبوت زي النار من حرارة المحرك وتوكلت على الله ومشيت الظاهر التغريزه اعمت الموتر مات عزمه امحق دبل لاوالله اللي ماينغزى به

[ayaqaz]

الحمد لله على السلامة..

بس بشرنا كيف حال السيارة الآن من ناحية العزم والحرارة!!

والله يحفظ لنا واياكم والمسلمين المال والعيال..

آمين..

[أبوفرحان]

الله يعينك ويرزقك

[صقرالمدينة]

ما راح تسلم المكينة اذا كنت تخاف من الخسارة بعها

[ابوهيون]

الموتر بشكل عام مقضي لزومي وصعبه اجد بديل والحراره ولله الحمد ثابته بعد ماعرفنا العله لان فيه مراوح اضافيه وان شاء الله ان المكينه سليمه والحمدلله على كل حال

[العابر2222]

أخوي الحرارة في الأمريكي شينه ... وما راح تسلم المكينة وراح بان معك مع الوقت
بس فك الراس شيك على الوجيه الحقها قبل تلعب في الراس

[غالي]

والله ان ماسويت شيء وتشوف ان الموتر ماشاء الله مافيه تغير

انصحك اخوي باسرع وقت تغير الزيت والسيفون بزيت ممتاز

مع الحراره ترا يأثر على الزيت

والزيت ينقلب فيه مثل الذرات الخشنه اذا احترق ويصير اسود ويفقد اللزوجه


انا انصحك تغير الزيت والسيفون ابد وماعليك خلاف ان شاء الله

[ابوهيون]

اشكركم جميعا