البندق خربانة وحنا صائمين وش السواة ؟؟؟

[فارس الشقاوي]

السلام عليكم ورحمة الله وبركاتة صبحكم الله بالخير تقبل الله منا ومنكم الصيام والقيام وصالح الاعمال اخواني الاعزاء عندي ديانا 45 غيرة قبل ايام السبرنق والجلبة ورميت بها 100 صتمة او اقل . وبعدين صارت ماعاد ترمي وصوت الضربة ضعيف جدا تسنها ( مخنوقة ) وش الحل معها .....؟ولكم جزيل الشكر.

[فارس الشقاوي]

استغفر الله

[فارس الشقاوي]

استغفر الله واتوب إليهغفر الله لنا ولكم .

[صيادالشرقيه66]

وعليكم السلام ورحمة الله وبركاته
صبحك الله الله بالنور والسرور اخوي فارس الشقاوي
بالنسبه للبندق اذا الرصاصه ما تطلع فالله واعلم
ان الجلبه انفسخت من الطرنبه لانك ما ركبتها عدل

[بدون عضويه]

ليت معي علم وافيدك لاكن ما ضنيت الخرب من السسته
لاكن اذا الهوئ يخرج من مكان اخر فالجلب ماهي راكبه تمام

[قطاااع الدروب]

الله يزينها

[جبل عوف]

فكها وشوف بعينك وانا اخوك
لان العطل واضح اما السسته مكسوره
او الجلبه منفسخه وهذي هي الاقرب
وتقبل تحياتي

[سلطان 2010]

غير السستة والجلبة وادعلي

[هارون97]

اعطيك من الأخر هذي البندق خايبة كثير مشاكلها اتركها ودور غيرها فك راسك من الوجع

[Saad 11]

انا مثلك بالظبط قد حصلت لي وحاولت اصلحها ولاقدرت !!
الديانا 45 مدري وش العله الي فيها ..

[سعودأبوفهد]

ههههههه


حلوه تسنها مخنوقه

[فارس الشقاوي]

الله لايهينكم على الردود الطيبة والله الظاهر اني ابغى اوديها الخدلنجي يظبطها لي .

[Almohannadi]

لا هنتوا .. وانا رأيي من رأي بو عوف ..

[أبوحزمه]

طول يدك والله ان تصرقع بك مافيها خير اسال مجرب0

[عاشقvtc-4800]

هلابك اخوي
انتبه للجلبه اكيد منفسخه
تقبل مروري .

[شعف البرديه]

فك البندق وناظر الشريط السسته المساعد سمه ماردت ممكن يكون الباور حقه منخفض اي القوه

[شعف البرديه]

اوالجلبه تكون منتهيه

[بن عيد1]

ما أحد مدح الـــ 45 مدري ليه من خبرت الدنيا
مافيه الا ( 27 - 35 - 80 - 85 ) بس والباقي طول يدك