مشكله في قير دينالي 2007

[صقر المقانيص]

اخواني انا شريت يوكن دينالي 2007 ماشي 145 وفحصته كمبيوتر ب400 ريال وبعد الفحص قالوا لي كل شي تمام ماعدا بعض الاصلاحات التي تعتبر استهلاكيه

والمشكله الي حسيت فيها بعد ماشتريت السياره وطلعتهاا من المعرض صرت احس انه فيه مشكله بالقير لما امشي يغير بالثاني طبيعي ولما ينتقل لثالث احس انه يطلع صوت المكينه ويرتفع ضغط المكينه بشكل سريع وبعدين يعشق الثالث بشكل سريع مع نتعه يعني القير يفضي وبعدين يعشق ثالث والمشكله هذي احيانا احس فيها واحيان لا ولما اهدي عند مطب والسياره ترجع نمر احس انها تفضي شوي وبعدين ترجع نمره ...

السياره سافرت عليها مسافة 1600كم تقريبا ولما وصلت رحت للورش حتى اتاكد وكلن يقولي كلام الي يقول فضاوه والي يقول حساس واللي قول توضيب كلن من عنده والي يقول كسر بأحد التروس وبسراحه اصبحت في حيره علما ان زيت القير والفلتر جديد
فياليت الي يستطيع المساعده والشور انه يعطينا اياه.
وحبيت اسأل كم بيكلفني التوضيب اذا لاقدر الله احتاج الموتر للتوضيب ..

وجزاكم الله خير وتقبل منا ومنكم الصيام والقيام

[أخوحصه]

والله التوضيب بكلفك فلوس أشتر جديد أفضل من التشليح بتحصل جديد اذاقدر الله

[غالي]

والله انصحك اخوي توديه للوكاله

قبل لحد يلعب فيه وتطق يد بيد

2007 سمعنا كثير مشكلة القير فيه ((والوكاله صارت لها خبره عظيمه في قير 2007)) وتصلحه لهم على الضمان

انصحك لوجه الله توديه الوكاله طع شوري لو ياخذون مبلغ اكثر بس تطلع منهم بعون الله مرتاح نفسيا

وأول شيء بيسوونه لك بيقولون لك لازم نفحصه اول شيء قل مايخالف ولاتصلحون الا لين كلمتوني وقلتوا لي وش المشكله وكم تكلف

بعدين عاد انت تقرر

وموفق اخوي

[صقر المقانيص]

أخوحصه (http://mekshat.com/vb/member.php?u=177425) جزاك الله خير على الرد

غالي (http://mekshat.com/vb/member.php?u=18322) جزاك الله خير على النصيحه ماقصرت

لكن انا ودي اذا حد عنده خبره او مر عليه هالشي انه يفيدني

[صقر المقانيص]

لا زلنا بنتظار من يفيدنا

[صقر المقانيص]

للرررررررررررررفع

[فهووودي 7991]

اعرف واحد عنده نفس سيارتك دينالي 2007


فيه طقه بالقير بعد مامشى موتره حول 40الف


في البداية توقعنا انه فضاوه في الكرونه بس الموتر جديد مامشى كثير


سأل عنه لقاه كرسي قير ( عيب مصنعي وكثير ناس تشتكي منه حتى انا راكب معه احس فضاوه و طقه كانت تطلع لما يعشق بـ d واذا هدى ودعس )


انصحك الوكاله ولا تتسرع في توضيب حالين شيك على كراسي القير و زيت القير اذا طول عليه تتأخر تعشيق وبعض الأحيان يطلع طقه في نمره

[صقر المقانيص]

فهودي الله يجزاك خير وماقصرت ياحبيبي

[tewster]

اخوي صقر
تحيه طيبة
ترى المشكله الي انت فيها طبيعيه ولما تشد بالسياره تحس مافي مشكله
انا معي لان قرابه 4 سنوات والحمد لله عاديه والسبب من طرمبه الزيت الخاصه بالقير ضخها ضعيف
لا تقلق منها بس خليك محافظ على الزيت
وحرام تغير عشان فضاوه بسيطه

[حكياااات]

السلام عليكم انا عندي نفس المشكله بالضبط هل قدرت تعالج المشكله او ماقدرت لاني ابغى حل لهذي المشكله وجزاك الله خير اتمنا الرد بأقرب ووقت:mad:

[حكياااات]

لو تقدر تتوصل معي برقم او باي شي وتفسدني ياليت

[اابو مياس]

اخوي استبعد فكره التوضيب الحين نهائيا ودور لك محل كمبيوتر قله ابي افحص كهرباء القير وابتعد عن محلات توضيب القير لانه لو قلت له اي مشكله يقول توضيب

[شمس الخليج]

عزيزي مشكله قيرك اذا تقول وقت ماتهدي بعدين تدعس بنزين يفضي شوي ويشبك هذا عندك مخ القير اللي هي يسمونها الخارطه يبغالك واحد فنان يفكه وينضفه احتمال مجاريه متسخه منسده او الحساس الي فيه تعبان
وتقبل مروري

[abo yusef]

اخواني انا شريت يوكن دينالي 2007 ماشي 145 وفحصته كمبيوتر ب400 ريال وبعد الفحص قالوا لي كل شي تمام ماعدا بعض الاصلاحات التي تعتبر استهلاكيه

والمشكله الي حسيت فيها بعد ماشتريت السياره وطلعتهاا من المعرض صرت احس انه فيه مشكله بالقير لما امشي يغير بالثاني طبيعي ولما ينتقل لثالث احس انه يطلع صوت المكينه ويرتفع ضغط المكينه بشكل سريع وبعدين يعشق الثالث بشكل سريع مع نتعه يعني القير يفضي وبعدين يعشق ثالث والمشكله هذي احيانا احس فيها واحيان لا ولما اهدي عند مطب والسياره ترجع نمر احس انها تفضي شوي وبعدين ترجع نمره ...

السياره سافرت عليها مسافة 1600كم تقريبا ولما وصلت رحت للورش حتى اتاكد وكلن يقولي كلام الي يقول فضاوه والي يقول حساس واللي قول توضيب كلن من عنده والي يقول كسر بأحد التروس وبسراحه اصبحت في حيره علما ان زيت القير والفلتر جديد
فياليت الي يستطيع المساعده والشور انه يعطينا اياه.
وحبيت اسأل كم بيكلفني التوضيب اذا لاقدر الله احتاج الموتر للتوضيب ..

وجزاكم الله خير وتقبل منا ومنكم الصيام والقيام

افحص كمبيوتر
افحص كمبيوتر القير
بيبين لك بعد الفحص
طريقة اختبار للقير
حط1 وامش وانت داعس ل40 عشق 2 وانت داعس اذا طلعت فضاوه يبغاله توظيب