صور مضحكة من أرشيفي البحري

[النوخذة الأحسائي]

بسم الله الرحمن الرحيم
السلام عليكم ورحمة الله وبركاته
مساك الله بالخير أيها الأحبة :D
هذه بعض الصور المضحكة نوعا ما من أرشيفي البحري .. ;)
1/
هذا الشم من صيدي بس مسكين شوفوا وش صار فيه والصورة هذي و والصورة الجايه بعد ( صيد الدمام) قبل تعييني معلم
http://www.mekshat.com/pix/upload/images9/mk15897_1.jpg

وهالقبب الحلو من صيد نسيبي ومسكين القبب راحت أحد اقدامه
http://www.mekshat.com/pix/upload/images9/mk15897_222.jpg

وهذي مجموعة من القباقب الصغيرة .. من العقير رايحين القرية
http://www.mekshat.com/pix/upload/images9/mk15897_33.jpg


وهذا اللي ينطبخ تتوقعون وش هو .. من صيد القرية

http://www.mekshat.com/pix/upload/images9/mk15897_5.jpg


وانتظرو مني المزيد إن شاء الله من الصور لطلعاتنا للبحر أنا والشباب وفيها صورة جدا رائعة

ملحوطة: لاتحسبون أن هذا صيدنا في الدمام :mad: :mad: بس انا حبيت أحط المضحك والجاي أحلى إن شاء الله
تحياتي أبو فهد(( حبيت فقط إدخال البسمة على محياكم))

[MARINE]

السلام عليكم ورحمة الله وبركاته

مشكور اخوي الحساوي100% واتوقع ان اللي ينطبخ حاقول

تحياتي لك

MARINE

[النوخذة الأحسائي]

وعليكم السلام ورحمة الله وبركاته

صبحك الله بالخير أخوي بوخالد وأحسنت فعلا حاقول بس ياليتك تعرف كم حاقول نصيده فالعقير والقرية .. كثير بشكل ما تتصوره..

عمي وولده وشخص زميل له رايحين للجبيل ( التحلية) قبل كم سنة وصادوا 43 كيلو تقريبا بس حواقيل بالسنارات..ولك خالص تحياتي
أبو فهد

[gulfhunter]

السلام عليكم ورحمة الله وبركاته

حياك الله اخوي ابوفهد....... وشلك بالشم............ وش المضحك في الصور ابوفهد ..........بعدين شكلك تاكل الشم.....................

وشكراً لك على المشاركه اخوي ابوفهد

والله يوفقك بصيد ازين

[النوخذه]

لالالالالالالالالالالالالا اخوي قولف هنتر الله يخليك مانبي حزازيات
وشلك فيه وعلى الصور الاخ حاب يشارك
زالمشاركه اعجبتني ولكن ارجوك ماتقول ه الكلام مره ثانيه علشان ماتكون حزازيه بين النواخذه.........

[gulfhunter]

السلام عليكم ورحمة الله وبركاته

النوخذه

عسى ماشر وش المشكله و وين الحزازيات............................

وش اللي ضايقك ............. نورني الله ينور ايامك......................

وانا اعتذر منك إذا غلطت عليك

[أبو مقص]

مافي حزازيات إن شاء الله بين النواخذة .. والله لا يجيب الزعل أبد
الشم شكلة أكل علقة يولد أول ماطلع .. وابو مقص زعلتوني إيش عمل حتى تنقطع رجلة؟ (ضبط متلبس) ؟؟؟
لووول
تسلمو شباب

[SRDAL]

السلام عليكم ورحمة الله وبركاته

صبحكم الله بالخير جميعاً .

يالربع الله يرحم والديكم بلا سوء الفهم يعني خوينا الحساوي100% حاب يشركك والله يبيض وجهه على

هالمشاركه وماقصر والله يعطيه العافيه .

وخوينا بوعبدالله اعتقد انه رد عليه برد ما فيه اي حزازيات على قولت خوينا النوخذه وقال الي في خاطره طيب ابي

افهم وين الحزازيه فيه وفعلا زي مافال اخوي بوعبدالله اكثر البحاره ماتحب الشم وفي ناس تحبه كلن على هواه .

الي ابي اقوله ان لاندخل الشيطان بينا واحنا الي قاعدين نخلق الحزازيات بينا .

وزي ماتفضل اخوي أبو مقص الله لا يجب الزعل بينا يارب ونتم اخوان على طول زي ماجمعنا علمنا هذا المنتدى

على الأخوه .

المهم اخوي الحساوي100% لايكون يحز في خاطره ويفهم الموضوع او الرد غلط .

تحياتي للجميع

srdal

[النوخذة الأحسائي]

حيالله الجماعة ..

شدعوه وش اللي صار ما فيه أي حزازيات يا شباب وبعدين الظاهر انتم ما تعرفون أبو فهد .. أنا ولله الحمد ما أزعل ولا أعصب إلا إذا كان في حق الله أو رسوله صلى الله عليه وسلم أو الدين ..
أما الحين ما فيه أي زعل ولا شي وكل شخص له ذوقه فالناس أذواق ..
ثاني شي أخوي gulfhunter أنا ما آكل الشم بس ربعي ما شاء الله عليهم يخمون كل شي يجيهم حتى أن قريت موضوع سابق في الخيمة هنا أن الشم يمكن سمكة سامة قالوا (( يارجال خل عنك أكلناه وخلاص وإذا عندك جيب)).. الصراحة في الدمام يغثنا غث ..

ثاني شي موجودة صور لهذه الرحلة جدا جدا جميل من ناحية نوعية السمك بس صغير ماهو كبير

والصراحة أشكرك على تفضلكم بالزياة والمشاركة وحل الخلاف اللي كاد ان يقع ولله الحمد وكل واحد يصلح طراد الثاني وأنا أدفع الباقي :):):)

تحياتي بو فهد (( أبد مافي خاطري شي ولا حتى فكرت أنه أمر يزعلني بل يفرحني لما أشوفكم تشاركون في مواضيعي))

[gulfhunter]

السلام عليكم ورحمة الله وبركاته

حياك الله أخوي ابوفهد ....... ماشاء الله عليك ........ الحمدلله ان مافي خاطرك شي .... وانا ماقصدت اي شي مجرد تساؤل (لكن ماأدري اخوي النوخذه وش استنتج)........ وبالنسبه إلى الشم............. الويكند اللي فات مر علينا طراد في ربعنا ...... وطلبو مني إذا صدت شم ماأرميه ..... اخليه لهم....... لكن ماصادفنا الأ واحد لكن السفاح قضى عليه ............

[النوخذة الأحسائي]

احم احم أخوي gulfhunter ..


في سؤال اسم الويكند ولا أعرفه .. ممكن أعرفه الحين ويصير من معلوماتي إذا تفضلت مشرفنا الحبيب

بو فهد

[gulfhunter]

هلا بك اخوي ابوفهد

الويكند.................... عطلة نهاية الأسبوع........ شفت وش طولها

[النوخذة الأحسائي]

Yes, I See Now
Week End
Very Very Good Mr.gulfhunter

Thanks..

Mr.Abo Fahad

[hadag3]

دائما الكبير يكون كبير وماشاءالله عليكم نواخذه كبار وانا قلت حق مشرفنا gulfhunter راح تصادفك اشوية مشاكل صغيرة من الاعضاء وسوء فهم منهم بس ماعليك الا اتوسع صدرك علينا اشوي .
اخوي الحساوي مشكوررررررررررر علي فهمك الموضوع من الزاوية الصحيحية والنيه الحسنة يعني مو معقول اخوناgulfhunter وهو الان مشرف ان يقصد ان يرد علي موضوعك بالاساءة احنا عرفناه عضو بمكشات البحرية مهذب ولبق بردودة وشلون وهو الان مشرف .
اخوي النوخذه يمكن انك اتسرعت اشوي بالرد ولكن احنا كاعضاء نعرف منهو انت ونعرف من خلال ردودك ومشاركاتك بانك حسن النية ولبق اللسان وتحترم الصغير قبل الكبير انشاءالله لا يجيب الزعل بينا ابد الابدين

[النوخذة الأحسائي]

أحسنت أخوي حداق3 وكلامك 100%

وشرفتنا بالموضوع..

[gulfhunter]

السلام عليكم ورحمة الله وبركاته

حياك الله أخوي الحداق ....... ماشاء الله عليك انت اللي كبير ......... ولايهمك ..... مايميزنا في الخيمه البحريه ........................ ان كلنا اخوان............

سوء الفهم موجود دائمً .....................لكن الأخذ بالنيه الحسنه هو الأفضل

Welcome Mr. Abu Fahad .... That is good

[hadag3]

الله يشرف مقدارك .