اهل الخبره والتجربه(الجربوع)

[علي الصقار]

السلام عليكم اخواني المكشاتيين ...سوال للي عندهم تجربه ولا ايهونون الربع شنو فايدة الجربوع للطير؟ وهل صحيح انها تعطا للطيور الي متاخره بحذف الريش وتساعد على الحذف ونمو الريشه اسرع ....رايكم يهمنا لفائدة المكشاتيين.وسلامتكم

[طير الهقاوي]

وعليكم السلام ورحمة الله وبركاته

الجربوع يساعد على تنضيف معلف الطير عند الروابيج
اما من ناحية انه يساعد على نطل الريش فذالك غير صحيح
فالطير يحتاج الى اجواء وعلف كافي
وهل ايام الطير مايتعلف كثير اذا عطيته علفه وافي فتجده يبقي نصفه او اقل
فالافضل انك تعلفه على فترتين
تقبل مروري

[علي الصقار]

مشكور طير الهقاوي على المرور الطيب

[حوران نجد]

افادك اخوي طير الهقاوي

[عمرالعامر]

الجربوع والفار وطيور الفلا كلها تساعدفي حذف الريش

خاصة أذا كانت طرية لوجود كمية الدم فيها

[علي الصقار]

مشكورين حوران نجد وعمر العامر على المرور الطيب

[عابر الموج]

افادوك الاخوان لكن تبي الي يهل الريش ويقرنس الطير عليك بلحم الحصني اكرمكم الله مجربين بطيور واجد و
التجارب ماخذينها من شيبان قبلنا تقبل مروري

[ALAMIR]

الجربووع زين للروباااج

ان كنت تبي طيوورك تحذف بسرعه عليك بفروخ الزاجل واللاحم

[mr-r]

افادوك الاخوان لكن تبي الي يهل الريش ويقرنس الطير عليك بلحم الحصني اكرمكم الله مجربين بطيور واجد والتجارب ماخذينها من شيبان قبلنا تقبل مروري


طيب وش لون طريقت كل يوم ولا كل اسبوع ولا اشلون

[عبدالرحمن السالم]

وعليكم السلام ورحمة الله وبركاته

الجربوع يساعد على تنضيف معلف الطير عند الروابيج
اما من ناحية انه يساعد على نطل الريش فذالك غير صحيح
فالطير يحتاج الى اجواء وعلف كافي
وهل ايام الطير مايتعلف كثير اذا عطيته علفه وافي فتجده يبقي نصفه او اقل
فالافضل انك تعلفه على فترتين
تقبل مروري


لا ازيد كلامي عن كلام طير الهقاوي كفى ووفى

موفق خير يالغالي

[عابر الموج]

طيب وش لون طريقت كل يوم ولا كل اسبوع ولا اشلون


عطه ثلاث مرات متفاوته اي بين المره الاول والثانيه ثلاث ايام تقبل مروري

[الطبشي]

اتوقع اي شي طازج
للطير ميه ميه
00000000000000000000

[خيال الهيلا]

أفادوك الاخوان

[aldarmaki]

ما قصر اخوي طير الهقاوي

[علي الصقار]

مشكوريين يااخوان بيض الله وجوهكم انا حبيت اشوي انحرك الجو بالمنتدى ومنكم نستفيد

[ابوناصر السهلي]

عطوك العلم

[البروالطير]

السلام عليكم
افضل شي للطير الغذاء الملائم لطبيعتة وهو سارح علي روحة
اتقول كيف يوم ياكل جربوع ويوم سمانة ويوم حمامة
ولاتستغرب انة ياكل الدواب مو الافاعي السحليات الصغيرة والجارد
افضل شي التنويع هذا رأيي الخاص والصيادين اهل الخبرة ادري
والله أعلم.

[كنق الشرقيه]

افادوك الاخوان

[خلف الفار]

الجربوع اثنا الربطه يعتبر فاصل كوسيله تغيير العلف على الطير كما

يساعد على تنضيف الحوصله اما الطير اثنا الربطه محتاج الى علف دسم

ليساعد على سوق الريش

تقبل مروري

[المظلي 1]

الجربوع مفيد جدا للريش ويعطى نموا الريش بسرعة انا مجربة فى بحرية اثناء المقناص هلت الريش وكانت لياقتة مئة بالمئة ولمدة اسبوعين كان علفة يوميا جرابيع فقط وبدت فى الطيران ( مجرب )

[قرناس شاهين]

الجربوع زين ومفيد بس التنويع اهو الي يخلي الطير يحذف

[قنيص غير]

افادوك الاخوان ما قصروا

[بن حريول]

افادوك الاخوان

[علي الصقار]

مشكورين يااخوان على الردود الطيبه الله لا يهينكم

[سعود1212]

مشالله شكلي بصير صقار