تانكي البنزين يغلي [الأرشيف]

مشاهدة النسخة كاملة : تانكي البنزين يغلي

واثق الخطوه-

28/08/2010, 06:59 PM

السلام عليكم ورحمة الله وبركاته

معي سفاري2 موديل 2009 اليوم العصر وانا راجع من الدوام ويوم وقفت وطفيت السياره ولا اسمع التانكي يفوح كنه مشبوب عليه قلت ابي افتح الغطاء ويوم جيت افتح الغطاء وينسم وانواع الاصوات انا قلت شكل الموتر يبي يشب واشوي وراح الهواء اللي في التانكي بس ليه التانكي يغلي هل عايدي ولا فيه بلا :(

برق الشفاء

28/08/2010, 10:23 PM

الله العالم انه عادي الانه لو فيه شي
كان شبت مواتر العالم بس هاذا انا ديم
الاحظه خص لاصرت عند محطة وفتحت غطا البانزين
تقول فاتح غطا زمزميه والموتر اللي كان معي باترول 2007
وتوني بايعه والله لاشب ولاطرا عليه يشب
ولاتشيل همها.....................

واثق الخطوه-

28/08/2010, 10:46 PM

اسير الغضا

28/08/2010, 11:22 PM

للمكنيكي بسرعه ولاتسوقه شله بسطحه

ابوراس الدحمي

28/08/2010, 11:30 PM

تأكد لايكون بس ماصورة الشكمان او العادم قريبة جدا من التانكي ... او الطرمبة حقت البنرين اللي جوا التانكي صار فيها احتكاك وهي تدفع البنزين للماكينة .
تحياتي...............

asdali

28/08/2010, 11:32 PM

وعليكم السلام ورحمة الله وبركاته

هذا الصوت هواء مضغوط , انصحك غير غطا التانكي باسرع وقت عشان الموتر مايطفي عليك ويخرب الطرمبة

واكس

28/08/2010, 11:36 PM

يا الربع عينو خير لا تروعون الرجال

انا معي سفاري 2003

وشراه مني واحد اعرفه وبعد كم شهر دق علي وقالي نفس ذي السالفه التانكي يغلي ومدري وشو

وفيه صوت

قلت والله ماني بخابر في الموتر شي خلا الموتر لين برد

وقلت له اذا تكررت افحص الموتر

ولا عاد تكررت معه وش السبب الله اعلم

بعيد الهقاوي6

28/08/2010, 11:49 PM

هذا هوا مضغوط انا البارح مع ولد عمي باللاندكروزر وجينا نعبي بنزين ونفس الشي هوا مضغوط تقول بركان

المفروض لاتخلي البنزين ينزل عن النص عشان مايعبي التانكي هوا

عاشق السيل

29/08/2010, 01:15 AM

للمكنيكي بسرعه ولاتسوقه شله بسطحه

هههههه ياخي حرام عليك هبلت بالرجال !!!

ياراعي الموتر لا يضيق صدرك الموضوع عادي جدا وطبيعي جدا وهذي أغلب السيارات بالصيف ومع كثرة المشاوير يحتمي التانكي والبنزين يتبخر وأحيانا تشم الريحة من برا ،، وإذا فتحت غطاء التانكي نسم بقوة !!

أبدأ اخوي وسع صدري والأمر جدا طبيعي .....

صاحب الكشتات

29/08/2010, 01:37 AM

هذه المشكلة معي في سيارتي لاند كروزر لها فترة تقريباً من بداية الصيف وبصراحة ماعرضت موتري على ميكانيكي قلت طبيعي من شدة الحرارة لكن الله يستر

راعي الوبارة

29/08/2010, 01:46 AM

إبن عمي سولف لنا قبل فترة عن حالة غريبة حصلت معه وهي أن لديه فورد وسخن في منتصف عقبة الهدا ووقف عنده شاب قال إنه فني بورشة الوكالة ونصحه بفتح غطاء البنزين للتنسيم وإعادةالتحرك وبالفعل إنخفضت الحرارة ... وهذا شي ملاحظ خصوصاً في الفورد وكثرتها متوقفة في العقبة

واثق الخطوه-

29/08/2010, 01:22 PM

شكراً للجميع وماقصرتوا الله لايهينكم